Paltiing 18:2 - Ti Biblia (1973)

² Ket pimmuccaw iti napigsa a timec, a cuncunana: Narba, narba ti dackel a Babilonia, ket nagbalin nga pagnaedan dagiti diablo, ken pagapunan ti amin a kita ti espiritu a nacarimrimon, ken tangcal ti amin a tumatayab a narugit ken macapagura.

Ti Baro a Naimbag a Damag Biblia

² “Natnagen!” impukkawna. “Natnagen ti Babilonia nga agdindinamag a siudad! Taeng laengen dagiti demonio ken dakes nga espiritu. Pagaponanen ti amin a kita ti agkakarugit ken nakarimrimon a tumatayab.

Paltiing 18:2 Iomraidhean Croise

Isaias 14:23

Isu aramidecto met a tagicuaen dagiti babassit nga animal ken al-alog dagiti dandanum: ken isu sagadecto iti sagad ti panangrebba, cuna ni Jehova dagiti buybuyot.

Jeremias 25:30

Gapuna nga ipadtom a maibusor cadacuada amin dagitoy a sasao, ket cunam cadacuada, Ni Jehova agungorto manipud iti ngato, ket iyebcasnanto ti timecna manipud iti nasantoan a taengna; agungorto a sibibileg a maibusor iti pagtaenganna; isu umkisto, a cas cadagiti agbaddec cadagiti uvas, a maicaniwas cadagiti amin nga agnaed iti daga.

Jeremias 51:37

Ket ti Babilonia agbalinto a gabgabsuon, a pagtaengan dagiti aso ti bakir, maysa a pagsidaawan, ken pagsanamtican, nga awan ti agnaed.

Jeremias 51:8

Ti Babilonia natuang a kellaat ket nadadael: agdung-awcayo gapu kencuana; ipanyo ti balsamo a maipaay iti sakitna, bareng no isu maagasan pay.

Joel 3:16

Ket ni Jehova, agungorto manipud Sion, ket yebcasnanto ti timecna manipud Jerusalem; ket dagiti langlangit ken ti daga agkintayegdanto: ngem ni Jehova isu ti pagcamanganto ti ilina, ken sarikedked cadagiti annac ti Israel.

Sofonias 2:14

Ket dagiti arban agiddadanto iti tengngana, isu-amin dagiti animal dagiti nasnacion; ti pelicano ken ti anaping agpadpadanto a dumagus cadagiti capitalna; ti timecda umawengdanto cadagiti tawtawa; ti pannacawalangwalang addanto cadagiti dapdapian; ta lucasanna ti tinubay a cantingen.

Paltiing 1:15

Ket dagiti sacsacana, umaspingda iti bronce a napasileng a cas la naguguran iti apuy ti pagpandayan; ket ti timecna cas la daranudor dagiti adu a dandanum.

Paltiing 10:3

Ket nagpuccaw iti dackel a timec a cas iti panagungor ti maysa a leon; ket idi a nagpuccaw, dagiti pito a gurrood nagunida.

Paltiing 11:8

Ket dagiti bangcayda maiwalangdanto iti dalan ti dackel a ciudad nga iti naespirituan a caipapananna managan ti Sodoma ken Egipto, isu met a nacaicruzan ni Apoda.

Paltiing 14:15

Ket sabali nga angel rimmuar iti templo, a pucpuccawanna iti dackel a timec daydi nagtugaw iti ulep: Iserrecmo ta cumpaymo, ket agparaspasca; ta dimteng ti horas a panagani: ta ti anien ti daga natangkenanen.

Paltiing 14:8

Ket ti sabali nga angel, a maicadua, simmaruno a kinuna: Narba, narba ti dackel a Babilonia, isu a nangpainum cadagiti isu-amin a pagpagarian iti arac ti pungtot gapu iti pannakicamalalana.

Paltiing 16:13

Ket nakitac a rumrummuar idi ngiwat daydi dragon, ken idi ngiwat daydi animal ken idi ngiwat daydi saan a pudno a mammadto dagiti tal-lo nga espiritu a narugit, a cas da la tucac:

Paltiing 16:19

Ket ti dackel a ciudad nasayyasayya iti tal-lo a paset, ket dagiti ciudad cadagiti pagpagarian narbada ket ti dackel a Babilonia naipalagip iti sangoanan ti Dios, tapno maited kencuana idi ti copa ti arac ti kinaunget ti pungtotna.

Paltiing 17:18

Ket ti babai a nakitam isu daydiay dackel a ciudad, isu a mangituray cadagiti ar-ari ti daga.

Paltiing 17:5

Ket idi mugingna naisurat ti maysa a nagan: PALIMED: TI BABILONIA DACKEL, INA DAGITI BALANGCANTIS KEN DAGITI NACARIMRIMON DITOY DAGA.

Paltiing 18:10

Nga agtatacderda iti adayu gapu ti butengda iti tuocna, a cuncunada: Asipay, asipay daydi dackel a ciudad ti Babilonia, daydi ciudad a mannacabalin; ta iti maymaysa nga horas immay ti pannacaocommo.

Paltiing 18:21

Ket maysa nga angel a napigsa binagcatna ti maysa a bato, a cas la maysa a dackel a bato a gilingan, ket intapuacna iti baybay, a cuncunana; Castoy a babaen ti nacaal-alinget a pannacatnag, marbecto ti Babilonia, daydi dackel a ciudad, ket saanto a masaracanen.

Paltiing 5:2

Ket nacakitaac iti maysa nga angel a mannacabalin nga iyawawagna iti dackel a timec: Siasino ti maicari a mangbistrad iti pagbasaan, ken mangwarwar cadagiti sellona?