Paltiing 18:16 - Ti Biblia (1973)

¹⁶ A cuncunada: Asi pay, asi pay daydiay dackel a ciudad a nagcawes iti lupot a nalapat a puraw ken iti purpura, ken iti escarlata, ken naarcosan iti balitoc ken iti bato a napateg, ken perlas.

Ti Baro a Naimbag a Damag Biblia

¹⁶ a kunada, “Nakabutbuteng ti napasamak iti agdindinamag a siudad! Agkawkawes idi iti nalabaga a lupot, de lana ken ube. Agar-aramat idi kadagiti alahas a balitok, agkakapateg a bato ken perlas!

Paltiing 18:16 Iomraidhean Croise

Ezekiel 28:14

Sica ti napulotan a kerubin a mangabbong: ket siac insaadca, tapno addaca idi iti rabaw ti nasantoan a bantay ti Dios; sica nagnagnaca iti tengnga dagiti batbato nga apuy.

Nahum 2:9

Alaenyo ti sinamsam a pirac, alaenyo ti sinamsam a balitoc; ta awan ti patingga ti sanicua, ti dayag ti isu-amin a naimnas nga alicamen.

Paltiing 17:3

Ket impannac babaen iti Espiritu iti maysa a let-ang; ket nakitac idiay ti maysa a babai a nagsacay iti maysa nga animal a nalabaga, a napno cadagiti nagnagan a tabbaaw, nga addaan pito nga olo ken sangapulo a sara.

Paltiing 17:4

Ket daydi babai nagcawes iti purpura ken escarlata, ket naarcosan cadagiti balitoc ken batbato a napateg ken perperlas nga adda idi imana ti maysa a copa a balitoc a napno cadagiti macarimon, dagiti met laeng kinarugit ti pannakicamalalana,

Paltiing 18:18

Ket agic-ickisda, idi makitada ti asuc daydi pacapuuranna, a cuncunada: Ania ti umas-asping iti daydiay dackel a ciudad?

Paltiing 18:19

Ket pinurroacanda ti tapoc dagiti ol-oloda; ket agic-ickisda, nga agsangsangit ken agan-anug-ugda a cuncunada: Ay, asi pay daydi dackel a ciudad, isu a binacnangan dagiti isu-amin nga adda sasacayanda idi iti baybay, gapu cadagiti agcacapateg a gamengna; ta iti maymaysa nga horas isu napucaw.