Paltiing 18:10 - Ti Biblia (1973)

¹⁰ Nga agtatacderda iti adayu gapu ti butengda iti tuocna, a cuncunada: Asipay, asipay daydi dackel a ciudad ti Babilonia, daydi ciudad a mannacabalin; ta iti maymaysa nga horas immay ti pannacaocommo.

Ti Baro a Naimbag a Damag Biblia

¹⁰ Agtakderdanto iti adayo agsipud ta mabutengda a mairaman iti pannakadusana. Kunadanto: “Nakabutbuteng! Iti uneg laeng ti maysa nga oras, nalpasen ti pannakadusa ti agdindinamag a siudad ti Babilonia!”

Paltiing 18:10 Iomraidhean Croise

Isaias 21:9

Ket, adtoy, sumungad ti maysa a buyot dagiti tattao, sicacabayo a tattao a sagdudua caabay. Ket isu simmungbat ket kinunana, Narba, narba ti Babilonia; ket amin dagiti kinitikitan a ladladawan dagiti didiosna maburburacda a maipadaga.

Isaias 47:9

Ngem dagitoy, dua a banag dumtengdanto kenca a kellaat iti maysa nga aldaw, ti pannacapucaw dagiti annac, ken ti pannacabalo: iti amin a kinaananayda dumtengdanto kenca, iti kinaadu ti panagan-anitom, ken nawadwad unay a kinabaglanmo.

Jeremias 30:7

Ay! ta daydiay nga aldaw naindaclan, iti casta nga awan ti capadpadana: isu met laeng ti pannawen ti panagrigat ni Jacob; ngem isu maisalacanto kencuana.

Ezekiel 32:9

Siac riribukecto met dagiti puspuso dagiti adu nga il-ili, intono yegco ti pannacarbecmo iti nagtengngaan dagiti nasnacion, cadagiti dagdaga a dica naammoan.

Joel 1:15

Ay ilala pay ti aldaw! ta asidegen ti aldaw ni Jehova, ket umayto cas pannacadadael nga aggapu iti Mannacabalinamin.

Amos 5:16

Gapuna, castoy ti saoen ni Jehova, ti Dios dagiti buybuyot, ti Apo, Cadagiti amin a nalawa a daldalan, addanto dung-aw; ket cunaendanto cadagiti amin a calzada; Asi pay! Asi pay! ket ti mannalon awagandanto nga agpanes, ket dagiti dumudung-aw maayabdanto nga agdungaw.

Numero 16:34

Ket amin ti Israel nga adda idi iti lawlawda nagtarayda idi a nagickisda: ta kinunada. Di la ket ta alun-unennacami ti daga.

Paltiing 11:8

Ket dagiti bangcayda maiwalangdanto iti dalan ti dackel a ciudad nga iti naespirituan a caipapananna managan ti Sodoma ken Egipto, isu met a nacaicruzan ni Apoda.

Paltiing 14:8

Ket ti sabali nga angel, a maicadua, simmaruno a kinuna: Narba, narba ti dackel a Babilonia, isu a nangpainum cadagiti isu-amin a pagpagarian iti arac ti pungtot gapu iti pannakicamalalana.

Paltiing 16:19

Ket ti dackel a ciudad nasayyasayya iti tal-lo a paset, ket dagiti ciudad cadagiti pagpagarian narbada ket ti dackel a Babilonia naipalagip iti sangoanan ti Dios, tapno maited kencuana idi ti copa ti arac ti kinaunget ti pungtotna.

Paltiing 17:12

Ket dagiti sangapulo a sara a nakitam isuda dagiti sangapulo nga ar-ari a dida pay immawat iti pagarian; ngem umawatda iti panagturay a cas la ar-ari, a mairanud idiay animal, iti maysa nga horas.

Paltiing 18:18

Ket agic-ickisda, idi makitada ti asuc daydi pacapuuranna, a cuncunada: Ania ti umas-asping iti daydiay dackel a ciudad?

Paltiing 18:19

Ket pinurroacanda ti tapoc dagiti ol-oloda; ket agic-ickisda, nga agsangsangit ken agan-anug-ugda a cuncunada: Ay, asi pay daydi dackel a ciudad, isu a binacnangan dagiti isu-amin nga adda sasacayanda idi iti baybay, gapu cadagiti agcacapateg a gamengna; ta iti maymaysa nga horas isu napucaw.

Paltiing 18:21

Ket maysa nga angel a napigsa binagcatna ti maysa a bato, a cas la maysa a dackel a bato a gilingan, ket intapuacna iti baybay, a cuncunana; Castoy a babaen ti nacaal-alinget a pannacatnag, marbecto ti Babilonia, daydi dackel a ciudad, ket saanto a masaracanen.

Paltiing 18:8

Gapuna, iti maymaysa nga aldaw umayto dagiti saplitna, ti ipapatay, ken ti ladingit, ken ti bisin: ken isu mapuuranto iti apuy: ta napigsa ni Apo Dios a mangocom kencuana.