Paltiing 17:8 - Ti Biblia (1973)

⁸ Daydiay animal a nakitam, isu ti adda idi ket awan ita, ket nganngani rummuar iti mangliwengliweng, ken mapan iti pacapucawan. Ket dagiti agnaed iti rabaw ti daga, a dagiti nagnaganda saanda a naisurat iti pagbasaan ti biag nanipud idi pannacabangon toy lubong agsiddaawdanto inton makitada ti animal, no casano ti caaddana idi, ket awan ita ken caaddananto.

Ti Baro a Naimbag a Damag Biblia

⁸ Sibibiag idi ti nakitam nga animal ngem ita, natayen. Dandani rummuaren iti nakaun-uneg a yuyeng ket agturong iti pannakadadael. Dagiti tattao nga agbibiag iti daga a saan a naisurat ti naganda iti libro ti biag sakbay ti pannakaparsua ti lubong, masdaawdanto a makakita iti narungsot nga animal. Sibibiag idi ket ita, natayen, ngem agparangto manen.

Paltiing 17:8 Iomraidhean Croise

Dagiti Salmo 69:28

Mapunasda coma iti libro ti biag, ket saanda a mailista cadagiti nalinteg.

Daniel 11:45

Ket ipasdecnanto dagiti toltolda ti palaciona iti nagbaetan ti baybay ken ti nagloriaan ken nasantoan a bantay; nupay casta umayto ti paggibusanna, ket awanto ti bumadang kencuana.

Daniel 7:11

Binuybuyac iti dayta a pannawan agsipud iti timec dagiti dadackel a sasao a sinao ti sara; kinitac inggana met laeng a ti animal, napapatay ket ti bagina nalasanglasang, ket nayawat tapno mapuuran iti apuy.

Daniel 7:26

Ngem ti panangocom maikeddengto, ket iccatendanto ti panagturayna, tapno isu maibus ken maracrac nga agnanayon.

Daniel 7:3

Ket uppat nga animal a dadackel ken nagdudumada simmang-atda iti taaw.

Daniel 7:7

Iti calpasan daytoy nakitac cadagiti parparmata iti rabii, ket adtoy, ti maicapat nga animal, nacakigkigtot ken maingel, ken napalalo ti pigsana; ket addaan dadackel a ngipngipenna a landoc; isu a nanglamut ken nagtumec, ket ti nabati impayatpayatna cadagiti sacana: ket isu naiduma cadagiti amin nga an-animal nga immun-una ngem isu: ket adda idi sangapulo a sarana.

San Mateo 25:34

Iti dayta cunaento ti ari cadagiti adda iti macanawanna: Umaycayo, bendito ni Amac, tawidenyo ti pagarian a naisagana cadacayo nanipud idi pannacabangon ti lubong:

San Lucas 10:20

Ngem dicay agayayat iti daytoy, a dagiti espiritu paiturayanda cadacayo; agayayatcay ketdi ta dagiti nagnaganyo naisuratdan idiay langit.

San Lucas 8:31

Ket dawdawatenda kencuana a dina coma ibaon ida a mapan iti yuyeng.

San Juan 17:24

Ama, ti intedmo caniac cayatco a no adino ti yanco, addada met coma a maicuyog caniac; tapno makitada ti dayagco nga intedmo caniac: ta inayatnacon idi saan pay a nabangon ti lubong.

Dagiti Aramid 15:18

Cuna ti Apo, a mangaramid cadagitoy a banag a naammoan nanipud idi ugma.

Taga-Efeso 1:4

Cas iti panangpilina cadatayo kencuana (Cristo) idi saanpay a nabangon ti lubong, tapno agsantotayo ket awan ti pacapilawantay iti sangoananna:

Tito 1:2

Babaen ti pananginanama iti biag nga agnanayon, nga ti Dios, a dina mabalin ti agulbod, incarina idi sacbay dagiti ginasgasut a tawen;

1 Pedro 1:20

Isu a naammoan sacbay ti pannacabangon toy lubong, ngem naiparangarang iti camaudiananna maipaay, cadacayo,

Paltiing 11:7

Ket no inton malpasda ti panangsacsidan, ti animal nga umuli nga aggapu iti mangliwengliweng gubatennanto ida, ket abakennanto ida, ket papatayenna ida.

Paltiing 17:11

Ket daydi animal nga adda idi ket awan ita, isu met laeng ti maicawalo, ket isu ti maysa cadagiti pito, ket mapan iti pacapucawan.

Paltiing 17:2

Isu a nakicamalalaan dagiti ar-ari ti daga, ket dagiti agnaed iti daga nabartecda iti arac ti pannakicamalalana.

Paltiing 20:10

Ket daydi diablo a nangallilaw cadacuada naibelleng idi danaw nga apuy ken azufre, isu met a yan daydi animal ken daydi saan a pudno a mammadto; ket matutuocdanto iti aldaw ken rabii iti awan inggana.

Paltiing 20:12

Ket nakitac dagiti natay, babassit ken dadackel, a nagtatacder iti sangoanan di trono; ket nabistrad dagiti pagbasaan; nabistrad met ti sabali a pagbasaan, nga isu ti pagbasaan ti biag, ket dagiti natay naocomda cadagiti banbanag a naisurat cadagiti pagbasaan cas mayannurot cadagiti aramidda.

Paltiing 20:15

Ket no ti siasinoman saan a nasaracan a naisurat iti pagbasaan ti biag, naitappuac idiay danaw nga apuy.

Paltiing 3:10

Gapu ta sinalimetmetam ti saoc a kinaanos, siac igagacanto met iti horas ti pannacasuut isu nga umayto iti isu-amin a lubong a natao-an, tapno masuut dagiti agnaed iti rabaw ti daga.

Paltiing 3:5

Ti agbal-liginto castoyto a macawesan cadagiti pagananay a puraw; ket uray caano diacto punasen ti naganna iti libro ti biag, no di ket ipaduyacyacconto ti naganna iti sangoanan ni Amac ken dagiti angelna.