Paltiing 17:4 - Ti Biblia (1973)

⁴ Ket daydi babai nagcawes iti purpura ken escarlata, ket naarcosan cadagiti balitoc ken batbato a napateg ken perperlas nga adda idi imana ti maysa a copa a balitoc a napno cadagiti macarimon, dagiti met laeng kinarugit ti pannakicamalalana,

Ti Baro a Naimbag a Damag Biblia

⁴ Kolor ube ken nalabaga ti pagan-anay ti babai. Rumimatrimat dagiti alahasna a balitok, agkakapateg a bato ken perlas. Nakaiggem iti kopa a balitok a napno iti agkakaalas ken agkakarugit a banag a gapuanan ti kinaimmoralna.

Paltiing 17:4 Iomraidhean Croise

1 Ar-ari 14:24

Ket adda met dagiti sodomitas iti daga: isuda inaramidda ti mayannurot iti amin a kinarimon dagiti nasnacion a pinagtalaw ni Jehova iti sango dagiti annac ti Israel.

2 Ar-ari 21:2

Ket inaramidna daydi a dakes iti imatang ni Jehova, a siaannurot cadagiti kinarimon dagiti nasnacion a ni Jehova pinagtalawna idi iti sango dagidi annac ti Israel.

ESDRAS 9:11

Nga imbilinmo iti pannacaaramat dagiti ad-adipenmo a mamadto, a kinunam, Ti daga a taguicuaenyo, narugit a daga a gapu iti kinarugit dagiti tattao dagiti dagdaga, gapu cadagiti kinarimonda, a nangpunno manipud iti maysa a bangir agingga iti sabali iti kinarugitda:

Isaias 66:3

Daydiay a mangpatay iti maysa a vaca isu ti cas la iti mangpatay iti maysa a tao; daydiay a mangidaton iti maysa a cordero, cas la iti mangbungtol iti tengnged ti aso; daydiay nga agidaton iti daton, cas la iti agidaton ti dara ti babuy; daydiay nga agpuur iti incienso, cas la iti mangbendicion iti maysa a diosen a ladawan. Wen, isuda pinilida dagiti daldalanda met laeng, ket ti cararuada agragsac cadagiti kinarimonda:

Jeremias 51:7

Ti Babilonia isu idi ti copa a balitoc iti ima ni Jehova, a nagbartecan ti amin a lubong; dagiti nasnacion ininumda ti aracna, gapuna dagiti nasnacion agmauyongda.

Dungdung-aw 1:9

Ti kinarugitna adda idi cadagiti cainna; isu saanna a nalagip ti maududi a casasaadna; iti casta immulog a nacascasdaaw, awan ti mangliwliwa kencuana: kitaem, O Jehova, ti tuocco; ta ti cabusor pinadackelna ti bagina met laeng.

Ezekiel 20:30

Cunaem ngarud iti balay ti Israel, Castoy ti cuna ni Apo Jehova: Tulawanyo aya ti bagbagiyo met laeng a cas ti ugali dagiti ammayo? ket agbalangcantiscayo aya a sumurot cadagiti kinarimonda?

Ezekiel 24:11

Calpasanna isu isaad nga ongaong iti rabaw dagiti beggangna tapno mapapudot coma, ket ti gambangna mauram coma, ket ti rugitna matunaw coma kencuana, tapno ti latina maibus coma.

Ezekiel 24:13

Iti kinarugitmo isu ti derrep: agsipud ta dinalusanca ket saanca a nadalusan, saancanto a madalusanen iti rugitmo, agingga iti pagsardengec ti pungtotco kenca.

Ezekiel 28:13

Addaca idi idiay Eden, a minuyongan ti Dios; tunggal napateg a bato isu ti abbongmo, sardio, topacio, ken ti diamante, ti berilo, ti onix, ken ti jaspe, ken ti zafiro, ti esmeralda ken ti carbunculo, ken balitoc: ti pannacaaramid dagiti panderetam ken dagiti pito adda idi kenca; idi aldaw a pannacaparsuam isuda naisaganada.

Ezekiel 36:25

Ket iwarsicto ti nalitnaw a danum cadacayo, ket nadaluscayto; manipud iti amin a kinarugityo, ken manipud cadagiti amin a didiosenyo, dalusancayto.

Daniel 11:38

Nupay casta iti saadna dayawennanto ti dios dagiti sarikedked, ket maysa a dios a saan a naammoan dagidi ammana dayawennanto babaen iti balitoc, ken pirac ken cadagiti napateg a batbato, ken cadagiti macaayayo a banbanag.

Oseas 9:10

Nasaracac ti Israel cas cadagiti uvas iti let-ang; nakitac, dagiti ammayo a cas ti umuna a naluum a bunga iti cayo ti higos iti damona a nakedngan a pannawenna: ngem isuda immayda ken Baalpeor, ket impaayda dagiti bagbagida met laeng iti pacaibabainan a banag, ket nagbalinda a macarimrimon a cas iti daydiay inayatda.

Deuteronomio 29:17

Ket dacayo nakitayo dagiti kinarimon cadacuada, ken dagiti ladladawanda a cayo ken bato, pirac ken balitoc, nga adda idi cadacuada;)

Paltiing 14:8

Ket ti sabali nga angel, a maicadua, simmaruno a kinuna: Narba, narba ti dackel a Babilonia, isu a nangpainum cadagiti isu-amin a pagpagarian iti arac ti pungtot gapu iti pannakicamalalana.

Paltiing 18:12

Tagtagilaco a balitoc ken pirac, ken dagiti batbato a napateg, ken dagiti perlas, ken ti lupot a nalapat a puraw, ken purpura, ken seda, ken escarlata; ken isu-amin a kita ti cayo a nabanglo, ken amin a kita ti alalicamen a marfil ken amin a kita dagiti alalicamen a cayo a napateg unay, ken bronce, ken landoc, ken marmol;

Paltiing 18:16

A cuncunada: Asi pay, asi pay daydiay dackel a ciudad a nagcawes iti lupot a nalapat a puraw ken iti purpura, ken iti escarlata, ken naarcosan iti balitoc ken iti bato a napateg, ken perlas.

Paltiing 19:2

Ta napudno ken nalinteg dagiti panangipatona; ta isu inocomna daydi dackel a balangcantis, isu a nangparugit iti daga babaen ti pannakicamcamalalana: ket cadagiti im-ima di babai naibales ti dara dagiti adipenna.

Paltiing 21:21

Ket dagidi sangapulo ket dua a ruangan perlasda: tunggal maysa cadagiti ruangan maymaysa a perlas ket ti calzada daydi ciudad balitoc a pulpulos, nga aganinaw a cas la cristal.

Paltiing 9:21

Ket saanda a nagbabawian dagiti panagpapatayda ti tao: uray dagiti an-anitoda, wenno ti pannakicamalalada, uray dagiti panagtactacawda.