Paltiing 17:1 - Ti Biblia (1973)

¹ Ket ti maysa cadagidi pito nga angel nga addaan cadagidi pito a malocong, immay ket nakisao caniac, a cunana: Umayca ditoy; ipakitacto kenca ti pannacaocom ti dackel a balangcantis, nga adda a nagtugaw iti rabaw dagiti adu a dandanum;

Ti Baro a Naimbag a Damag Biblia

¹ Immasideg kaniak ti maysa kadagiti pito nga angheles nga addaan iti pito a malukong ket kinunana: “Umayka, ket ipakitak kenka ti pannakadusa ti reyna ti immoralidad, dayta agdindinamag a siudad a nabangon iti asideg dagiti adu a karayan.

Paltiing 17:1 Iomraidhean Croise

Isaias 1:21

Casano aya ti panagbalinna a balangcantis ti ili a matalec! isu a napno idi iti kinajusticia! ti kinalinteg nagtaeng idi kencuana, ngem ita managpapatay.

Isaias 57:3

Ngem umasidegcayo ditoy, dacayo annac a lallaki ti managanito, putot ti mannakicamalala ken balangcantis.

Jeremias 2:20

Ta nanipud ugma dinadaelco ti sangolmo, ket binucaac dagiti reppetmo; ket kinunam, Saanacto nga agservi; ta iti rabaw ti tumunggal bantay a nangato ken siroc ti tumunggal cayo a narucbus nagrucbabam a nagbalangcantisca.

Jeremias 51:13

O sica nga agnaed iti sibay dagiti adu a danum, adduan gamgameng ti tungpalmo dimtengen, ti rucod ti kinaagummo.

Ezekiel 31:4

Isu tinaraonan dagiti dandanum isu pinatubo ti caadalman: dagiti carcarayanna nagtarayda iti aglicmut ti pagmulaanna; ket pinadanunna dagiti cancanalna cadagiti amin a caycayo ti away.

San Lucas 24:32

Ket kinunada iti maysa ken maysa: Saan aya a rumayrayray ti pusota iti unegta, itay madama nga agsasao iti dalan, ken itay ilawlawagna cadata dagiti Sursurat?

San Lucas 9:30

Ket adtoy dagiti dua a lallaki a makisasaoda kencuana, nga isuda Moises ken Elias;

Paltiing 1:1

Paltiing ni Jesu-Cristo, nga inted ti Dios kencuana, tapno ipacaammona cadagiti ad-adipenna dagiti banbanag, isuda a maaramidto iti mabiit: ket isu intedna ket pinaibagana gapu iti angelna, iti adipenna a Juan;

Paltiing 15:1

Ket nakitac ti sabali a pagilasinan sadi langit, dackel ken nacascasdaaw; dagiti pito nga angel nga addaan cadagiti pito a camaudianan a pannaplit; ta cadacuada manungpal ti pungtot ti Dios.

Paltiing 16:19

Ket ti dackel a ciudad nasayyasayya iti tal-lo a paset, ket dagiti ciudad cadagiti pagpagarian narbada ket ti dackel a Babilonia naipalagip iti sangoanan ti Dios, tapno maited kencuana idi ti copa ti arac ti kinaunget ti pungtotna.

Paltiing 18:1

Calpasan dagitoy a banag, nakitac ti sabali nga angel a bumaba nanipud langit, nga addaan dackel a turay; ket ti daga nasilnagan daydi dayagna.

Paltiing 19:2

Ta napudno ken nalinteg dagiti panangipatona; ta isu inocomna daydi dackel a balangcantis, isu a nangparugit iti daga babaen ti pannakicamcamalalana: ket cadagiti im-ima di babai naibales ti dara dagiti adipenna.

Paltiing 19:9

Ket isu kinunana caniac: Agsuratca: Nagasat dagidiay naawis iti pangrabi-i a pagbodaan ti Cordero. Ket kinunana caniac: Dagitoy napudnoda a sao ti Dios.

Paltiing 21:15

Ket daydi makisasao caniac, adda maysa a pagrucudna a balitoc, tapno rucudenna ti ciudad ken dagiti ruanganna, ken ti bacudna.

Paltiing 21:9

Ket maysa cadagiti pito nga angel nga addaanda cadagiti pito a malocong a napnoda cadagiti pito a camaudianan a pannaplit; immay ket nakisao caniac, a cuncunana: Umayca ditoy; ipakitacto kenca ti novia, ti asawa ti Cordero.

Paltiing 4:1

Calpasan dagitoy, kimmitaac, ket adtoy, maysa a ruangan, a naluctan idiay langit, ket ti umuna a timec a nangngegco, a cas la uni ti tangguyob, a nakisasao caniac, a cuncunana; Umulica ditoy; ket iparangconto kenca dagiti banbanag a mapasamacto iti masacbayan.