Paltiing 16:5 - Ti Biblia (1973)

⁵ Ket nangngegco daydi angel dagiti danum a cuncunana: Sica nalintegca, O Santo nga addaca, ita ket addaca idi, agsipud ta nangipatoca a castoy.

Ti Baro a Naimbag a Damag Biblia

⁵ Nangngegko ti kuna ti anghel a mangay-aywan iti danum: “Nalinteg ti panangukommo, O Nasantoan, Sika nga adda ita ken sika nga adda idi;

Paltiing 16:5 Iomraidhean Croise

Genesis 18:25

Adayu coma kenca ti panagaramid ti casta, a patayem ti nasingpet a maicanunung ti nadangkes, nga iti casta ti nasingpet maipada met ti nadangkes; adayu coma dayta kenca: Saan aya a ti Ocom ti amin a daga agaramid iti nalinteg?

Dagiti Salmo 129:4

Ni Jehova sililinteg: ginupedna dagiti pangreppet dagiti nadangkes.

Dagiti Salmo 145:17

Ni Jehova sililinteg cadagiti amin a dalanna, ken sipaparabur cadagiti amin nga aramidna.

Dungdung-aw 1:18

Ni Jehova nalinteg; ta siac sinalungasingco ti bilinna: denggenyo, dawatec cadacayo, dacayo amin a tattao, ket kitaenyo ti ladingitco: dagiti babbalasangco ken babbaroc macayawanda.

Daniel 9:14

Gapuna a ni Jehova binantayanna ti kinadakes, ket inyegna cadacami; agsipud ta ni Jehova a Diosmi nalinteg cadagiti amin nga aramidna nga aramidenna, ket dicami tinungpal ti timecna.

San Juan 17:25

O Ama a nalinteg, ti lubong, saannaca a naammoan, ngem siac naammoanca, ket dagitoy naammoanda a sica imbaonnac;

Taga-Roma 2:5

Ngem cas iti mayannurot iti kinasukirmo ken ti pusom a di agbabawi urnongem ti pungtot a maipaay kenca iti aldaw ti pungtot ken ti pannacaiparangarang ti nalinteg a panangocom ti Dios;

Taga-Roma 3:5

Ngem no ti kinakil-lotayo ilatacna ti kinalinteg ti Dios, ania ti saoentayonto? nakil-lo aya ti Dios a mangipatay ti dusa? (agsaoac a cas iti cadawyan dagiti tattao).

Paltiing 1:4

Ni Juan isuratna cadagiti pito nga Iglesia nga addada iti Asia: Parabur cadacayo ken talna nga aggapu iti daydiay nga adda ita ket adda idi, ken umayto; ken aggapu cadagiti pito nga Espiritu nga addada iti sangoanan ti tronona;

Paltiing 1:8

Siac ti Alfa ken ti Omega, cuna ni Apo Dios, ti adda ita, ken ti adda idi ken ti umayto, ti Mannacabalin-amin.

Paltiing 11:17

A cuncunada: O Apo Dios a Mannacabalin-amin agiamancam kenca ta addaca ita ket addaca idi, agsipud ta innalam ti dackel a pannacabalinmo ket nagarica.

Paltiing 16:4

Ket daydi maicatlo imbuyatna daydi malocongna cadagiti carcarayan ken ub-ubbog ti danum, ket nagbalinda a dara.

Paltiing 16:7

Ket nangngegco ti timec a naggapu idi altar a cuncunana: Wen, O Apo Dios a Mannacabalin-amin, dagiti panangipatom isuda dagiti napudno ken nalinteg.

Paltiing 19:2

Ta napudno ken nalinteg dagiti panangipatona; ta isu inocomna daydi dackel a balangcantis, isu a nangparugit iti daga babaen ti pannakicamcamalalana: ket cadagiti im-ima di babai naibales ti dara dagiti adipenna.

Paltiing 4:8

Ket dagidi uppat a parsua a sibibiag, tunggal maysa cadacuada adda innem a payacna ket napnoda cadagiti matmata iti aglawlaw ken iti uneg; ket dida umingga iti aldaw ken rabii a cuncunada: Santo, santo, ni Apo Dios, ti Mannacabalin-amin, isu nga adda idi, ken adda ita, ken umayto.

Paltiing 6:10

Ket agasasugda iti dackel a timec; Casano ti cabayagna, O Apo a santo ken napudno, a dica ocomen ken ibales ti darami cadagiti agnaed iti rabaw ti daga?