Paltiing 16:4 - Ti Biblia (1973)

⁴ Ket daydi maicatlo imbuyatna daydi malocongna cadagiti carcarayan ken ub-ubbog ti danum, ket nagbalinda a dara.

Ti Baro a Naimbag a Damag Biblia

⁴ Imbuyat met ti maikatlo nga anghel ti malukongna kadagiti karayan ken ubbog, ket nagbalinda met a dara.

Paltiing 16:4 Iomraidhean Croise

Dagiti Salmo 78:44

Ket pinagbalinna a dara dagiti carcarayanda, ken dagiti baresbesda, tapno iti casta dida macainum.

Exodo 8:5

Ket ni Jehova kinunana ken Moises, Saoem, ken Aaron, Yunnatmo ta imam a siiggem ti sarucod iti rabaw dagiti carcarayan, ken dagiti wawaig ken dagiti dandanaw, ket pasangatem dagiti tuctucac iti daga nga Egipto.

Isaias 50:2

Apay ngarud, nga idi immayac nga awan ti tao? idi immayabac, awan ti simmungbat? Napaababa aya ti imac, tapno saanna a mabalin ti manubbot? wenno awan aya ti pannacabalinco a mangisalacan? Adtoy, iti panangtubngarco paatianac ti baybay, aramidec dagiti carcarayan a let-ang: dagiti icanda agbuyocda, ta awan ti danum, ket matayda iti waw.

Ezekiel 35:8

Ket punnoecto dagiti bantayna cadagiti napapatay kencuana: cadagiti turodmo ken cadagiti lobongmo, ken amin cadagiti pagayusan ti danummo mapasagdanto dagiti napapatay iti campilan.

Oseas 13:15

Uray pay nabunga cadagiti cacabsatna, umayto ti angin nga aggapu iti daya, ti anges ni Jehova nga aggapu iti let-ang; ti ubbogna agmaganto, ket ti burayocna mamagaanto: isu samsamennanto ti gupit dagiti amin nga agcacapateg nga al-alicamen.

Paltiing 11:6

Dagitoy adda pannacabalinda a mangrikep iti langit, tapno saan a tumudo iti bayat dagiti aldaw ti panagpadtoda; ket adda pannacabalinda cadagiti dandanum, tapno pagbalinenda ida a dara, ken tapno saplitenda toy daga iti isu-amin a kita ti rigat, uray mano a daras ti cayatda.

Paltiing 14:7

Ket cunana iti dackel a timec: agbutengcay iti Dios ket isu dayawenyo: ta dimteng ti horas ti panangocomna; ket agdaydayawcayo iti nangaramid iti langit ken iti daga, ken iti baybay ken cadagiti ubbog dagiti dandanum.

Paltiing 16:5

Ket nangngegco daydi angel dagiti danum a cuncunana: Sica nalintegca, O Santo nga addaca, ita ket addaca idi, agsipud ta nangipatoca a castoy.