Paltiing 16:12 - Ti Biblia (1973)

¹² Ket daydi maicanem imbuyatna daydi malocongna idi dackel a carayan nga Eufrates ket nagmaga daydi danumna, tapno maisagana coma ti dalan dagiti ar-ari nga aggapu iti leleggacan ti init.

Ti Baro a Naimbag a Damag Biblia

¹² Imbuyat ti maikanem nga anghel ti malukongna iti dakkel a karayan Eufrates. Namagaan ti karayan tapno adda pagnaan dagiti ari nga aggapu iti daya.

Paltiing 16:12 Iomraidhean Croise

Isaias 11:15

Ket ni Jehova dadaelennanto a talipupusen ti dila ti baybay ti Egipto; ken iti macasinit nga anginna itayagnanto ti imana iti Carayan, ket cabilenna a pagcapitoen nga ayus, ket aramidenna a dagiti tattao macaballasiwda a simamaga ti sacada.

Isaias 41:25

Namangonac ti maysa nanipud iti amianan, ket isu umay; manipud leleggacan ti init maysa nga umawag iti naganco: ket isu umayto iti rabaw dagiti agturturay a cas magna iti rabaw ti masa, ken cas iti agdamdamili a payatpayatenna ti pila.

Isaias 42:15

Rebbaecto dagiti banbantay ken turturod, ken gangoecto amin a rorootda; ken dagiti carcarayan pagbalinecto ida a purpuro, ken paabbatecto dagiti liblibtong.

Isaias 44:27

Nga agcuna iti yuyeng, Agmagaca, ken pagmagaecto dagiti carcarayanmo;

Isaias 46:11

Nga ayabac ti maysa a narawet a tumatayab nga aggapu iti daya, ti tao a mayannurot iti patgimaanco manipud adayu a daga; wen, insaoc, aramidecto met ti pannacatungpalna; pinanggepco, isu met ti aramidecto.

Isaias 8:7

Ita ngarud, adtoy, ti Apo pasalpaenna cadacuada dagiti dandanum ti Carayan, a napigsa ken adu, a ti met laeng ari ti Asiria ken isu-amin a dayagna: ket isu sumalpanto cadagiti isu-amin a pagayusanna, ken agayus cadagiti isu-amin nga igigidna;

Jeremias 51:36

Gapuna castoy ti cuna ni Jehova: Adtoy, salacnibacto ti panggepmo, ket agibalesacto ti maipaay kenca; ket pagmagaecto ti baybayna, ken ti ubbugna pasardengecto.

Paltiing 11:14

Daydi naicadua nga Ay! Ay napalabasen ket adtoy ti maicatlo nga ay! ayen! umay daras.

Paltiing 17:15

Ket kinunana caniac: Dagiti danum a nakitam, idiay a nagtugawan ti balangcantis, isuda dagiti ilili ken umariwecwec, ken pagpagarian ken pagsasao.

Paltiing 7:2

Ket nakitac ti sabali nga angel nga umuli manipud iti leleggacan ti init, nga adda kencuana ti sello ti Dios a sibibiag; ket pinuccawanna iti dackel a timec dagiti uppat nga angel a naiccan ti pannacabalin a mangranggas iti daga ken iti baybay.

Paltiing 9:14

A cuncunana idi maicanem nga angel a nagiggem iti tangguyob: Luc-atam dagiti uppat nga angel a sibabalud, iti asideg ti dackel a carayan nga Eufrates.