Paltiing 16:11 - Ti Biblia (1973)

¹¹ Ket tinabbaawanda ti Dios ti langit, gapu cadagiti rigrigatda ken dagiti derderda; ket saanda a nagbabawian dagidi ar-aramidda.

Ti Baro a Naimbag a Damag Biblia

¹¹ Inlunodda ti Dios sadi langit gapu kadagiti ut-ot ken gaddilda. Ngem saanda a nagbabawi kadagiti dakes nga aramidda.

Paltiing 16:11 Iomraidhean Croise

2 Cronicas 28:22

Ket idi tiempo ti pannacapaldaangna simmalungasing pay laeng a maicaniwas ken Jehova, daytoy met laeng ari Acaz.

2 Cronicas 36:23

Castoy ti cuna ni Ciro nga ari ti Persia, Amin a pagpagarian ti lubong ni Jehova, a Dios ti langit intedna caniac; ket isu imbilinna caniac ti panangibangon kencuana ti maysa a balay idiay Jerusalem isu nga adda idiay Juda. Siasinoman nga adda cadacayo amin a tattaona, ni Jehova a Diosna adda coma kencuana, ket sumang-at coma.

ESDRAS 1:2

Castoy ti cuna ni Ciro nga ari ti Persia, Isu-amin a pagpagarian ti daga inted caniac ni Jehova, a Dios ti langit ket incumitna caniac nga isu ibangonac ti maysa a balay idiay Jerusalem, nga adda sadi Juda.

ESDRAS 6:10

Tapno idatagda dagiti datdaton a nabanglo a sayamusom iti Dios ti langit, ken agcararagda a maipaay iti biag ti ari, ken cadagiti annacna a lallaki.

ESDRAS 7:12

Ni Artaxerxes, nga ari dagiti ar-ari agturong ken Esdras a padi, nga escriba ti linteg ti Dios ti langit, napalongdo, ken dadduma pay.

ESDRAS 7:21

Ket siac, a siac met laeng ni Artaxerxes nga ari, aramidec ti maysa a bilin cadagiti amin a mangaywan cadagiti gamgameng nga adda iti ballasiw ti Carayan, nga uray aniaman a dawatento cadacayo ni Esdras a padi, nga escriba ti linteg ti Dios ti langit, maaramid coma a buyugen ti amin a kinaregta,

ESDRAS 7:23

Uray aniaman a maibilin gapu iti Dios ti langit, maaramid coma nga apagisu a maipaay iti balay ti Dios ti langit; ta apayapay nga addanto pungtot a maibusor iti pagarian ti ari ken cadagiti annacna a lallaki?

Nehemias 1:4

Ket naaramid, idi nangngegco dagitoy a sasao, a nagtugawac ket nagsangitac, ken nagdung-awac bayat iti sumagmamano nga aldaw; ket nagayunarac ken nagcarcararagac iti sango ti Dios ti langit,

Nehemias 2:4

Idin ti ari kinunana caniac, Ania ti dawatem? Iti casta nagcararagac iti Dios ti langit.

Dagiti Salmo 136:26

O pagyamananyo ti Dios ti langit; ta ti kinamanagayatna agnanayon.

Daniel 2:44

Ket cadagiti al-aldaw dagita nga ar-ari, ti Dios ti langit mamangonto iti maysa a pagarian nga caanoman dinto madadael ket ti panagturayna dinto met maited iti sabali nga ili; ngem burakennanto ken ibusennanto amin dagitoy a pagpagarian, ket isu agtalinaedto iti agnanayon.

Jonas 1:9

Ket isu sinungbatanna ida, Hebreoac, ket mabutengac ken Jehova a Dios ti langit, isu a nangaramid iti taaw ken daga.

2 Timoteo 3:13

Ngem dagiti tattao a dakes ken dagiti mangul-ulbod dumakesdanto la a dumakes, a mangal-lilawda ket maallilawda met laeng.

Paltiing 11:13

Ket idi nga horas immay ti maysa a dackel a gingined, ket natuang ti apagcapul-lo ti ciudad, ket natayda iti gingined dagiti pito ribo a tattao; ket dagidi natidda, nagbutengda, ket impaayda ti panagdaydayaw iti Dios ti langit.

Paltiing 16:2

Ket rimmuar daydi umuna, ken imbuyatna daydi malocongna iti daga; ket nagbalin a derder a nacaar-ariec ken nasaem cadagidi tattao nga addaan iti marca daydi animal, ken nagrucbab idi ladawanna.

Paltiing 16:21

Ket nagtinnag cadagiti tattao manipud langit dagiti dadackel nga uraro a cas ti cadagsen ti maysa a talento: ket dagiti tattao tinabbaawanda ti Dios gapu iti pannaplit nga uraro; ta daydi a pannaplitna a dackel unay.

Paltiing 16:9

Ket dagidi tattao nacsetda iti napalalo a pudot, ket tinabbaawanda ti nagan ti Dios, isu nga adda pannacabalinna cadagitoy a pannaplit: ket saanda a nagbabawi tapno agdayawda coma kencuana.

Paltiing 2:21

Ket impaayco kencuana ti tiempo tapno agbabawi coma, ngem dina cayat ti agbabawi iti pannakicamcamalalana.