Paltiing 15:5 - Ti Biblia (1973)

⁵ Ket idi nalpas dagitoy nakitac a naluctan daydi templo ti tabernaculo ti pammanecnec sadi langit:

Ti Baro a Naimbag a Damag Biblia

⁵ Kalpasan daytoy, nakitak a naluktan ti templo sadi langit. Adda iti unegna ti tolda ti pammaneknek.

Paltiing 15:5 Iomraidhean Croise

Exodo 25:21

Ket iparabawmonto ti tugaw ti caasi iti lacasa: ket iti lacasa yunegmonto ti pamanecnec nga itedconto kenca.

Exodo 38:21

Daytoy ti dagup dagiti banbanag a naipaay iti tabernaculo, cas tabernaculo ti pamanecnec, nabilangda a mayannurot iti bilin ni Moises, a maipaay iti panagannung dagiti Livitas, iti ima ni Ithamar nga anac ni Aaron a padi.

Numero 1:50

Ngem itudingmo dagiti Levitas nga agaywan iti tabernaculo ti pamanecnec, ken amin nga al-alicamenna, ken iti amin nga ar-aruatenna: isuda ti mangawitto iti tabernaculo ken amin nga al-alicamenna; ket isuda ti mangannongto kencuana, ket agtoldadanto iti lawlaw ti tabernaculo.

Numero 1:53

Ngem dagiti Levitas agtoldadanto iti lawlaw ti tabernaculo ti pamanecnec, tapno awanto ti pungtot a lac-amen ti gimong dagiti annac ti Israel: ket dagiti Levitas aluadandanto ti pannacaaywan ti tabernaculo ti pamanecnec.

San Mateo 27:51

Ket adtoy ti abbong ti Templo napigis a nagcaddua nanipud ngato agingga iti baba ket nagkintayeg ti daga: ket dagiti bato napispisida;

Hebreo 8:5

Isuda nga agservi a cas la pacakitaan ken aniniwan dagiti banbanag a nailangitan; a cas met ni Moises binalacadan ti Dios idi irugina a bangonen ti tabernaculo; ta cunana kencuana: Kitaem, ta aramidem coma dagiti isu-amin a banbanag cas iti paguadan a naipakita kenca idiay bantay.

Paltiing 11:19

Ket naluctan daydi templo ti Dios idiay langit, ket nakita idiay templona ti lacasa daydi tulagna: ken naadda idi kimkimat, ken ririaw, ken gurgurrood, ken maysa a gingined, ken dackel a tudo ti uraro.

Paltiing 13:6

Ket naglucat daydi ngiwatna tapno tabbaawanna ti Dios, tapno tabbaawanna ti naganna ken ti tabernaculona, ken cadagiti agnaed sadi langit.