Paltiing 15:4 - Ti Biblia (1973)

⁴ Siasino ti di agbutengto kenca, O Apo, ken saan a mangidaydayawto iti naganmo? Ta sicsica laeng ti santo: ta isu-amin dagiti pagpagarian umaydanto ket agdayawdanto iti sangoanam; ta dagiti ar-aramidmo a nalinteg naiparangarangda.

Ti Baro a Naimbag a Damag Biblia

⁴ Siasino ti saan nga agbuteng kenka, Apo? Siasino ti saan a mangitan-ok iti naganmo? Agsipud ta siksika laeng ti nasantoan. Umayto dagiti amin a pagilian Ket agdaydayawda iti sangoanam, Ta maimatangan ti amin dagiti nalinteg nga aramidmo.”

Paltiing 15:4 Iomraidhean Croise

Dagiti Salmo 105:7

Isu ni Jehova ti Diostayo: dagiti panangocomna addada iti dagup ti daga.

Dagiti Salmo 111:9

Imbaonna ti pannacasubbot iti ilina; imbilinna nga agnanayon ti intulagna: santo ket madaydayaw ti naganna.

Dagiti Salmo 22:23

Dacayo nga agbuteng ken Jehova, idaydayawyo; dacayo amin a bin-i ni Jacob, padayaganyo; ket agtacdercayo a siaamac kencuana, dacayo amin a bin-i ni Israel.

Dagiti Salmo 22:27

Amin dagiti pungpungto ti daga lumagip ken agpulangdanto ken Jehova; ket amin nga agcacabagian cadagiti nasnacion agdaydayawdanto iti saclangmo.

Dagiti Salmo 22:3

Ngem sica santoca, O sica nga agtalinaed cadagiti panangidaydayaw ti Israel.

Dagiti Salmo 86:9

Amin dagiti nasnacion nga inaramidmo umaydanto nga agrucbab iti saclangmo, O Apo; ket ipaduyacyacdanto ti tan-oc ti naganmo.

Dagiti Salmo 89:7

A Dios a nacaamamac unay iti panagiinnoman dagiti sasanto, ken pagbutbutngan a nangrona ngem amin dagiti nanglawlaw iti arpadna?

Dagiti Salmo 97:8

Ti Sion nacangneg ket naragsacan, ket dagiti annac a babbai ti Juda nagrag-oda, gapu cadagiti panangocommo, O Jehova.

Dagiti Salmo 99:5

Itan-ocyo ni Jehova a Diostayo, ket agdaydayawcayo iti sacaananna: isu Santo.

Dagiti Salmo 99:9

Itan-ocyo ni Jehova a Diostayo, ket agdaydayawcayo idiay nasantoan a turodna; ta ni Jehova a Diostayo santo.

Isaias 24:15

Gapuna nga idaydayawyo ni Jehova iti daya, iti nagan met laeng ni Jehova, a Dios ti Israel cadagiti purpuro ti taaw.

Isaias 25:3

Gapuna a ti ili a napigsa idaydayawnaca; ti ili dagiti nacaalalinggec a nasnacion agbutengto kenca.

Isaias 26:9

Itoy cararuac tinartarigagayanca iti rabii; wen, agraman iti espirituc iti unegco sapulencanto a sireregtaac unay: ta intono dagiti panangocommo addada iti daga, dagiti agtaeng iti lubong sursuroenda ti kinalinteg.

Isaias 45:23

Caniac met laeng nagsapataac, rimmuar iti ngiwatco ti sao ti kinalinteg, ket saanto a maisubli, a tunggal tumeng agrucbabto caniac, ken tunggal dila agsapatanto.

Isaias 57:15

Ta castoy ti cuna ti Nangato ken Natan-oc nga agnaed iti agnanayon, a ti naganna Santo; Agnaedac iti nangato ken nasantoan a disso, agraman iti daydiay addaan iti maysa nga espiritu a napagbabawi ken napacumbaba, tapno biagec manen ti espiritu ti napacumbaba ken tapno biagec manen ti puso ti napagbabawi.

Isaias 6:3

Ket nagiinnickisda ti maysa ken maysa a kinunada, Santo, Santo, Santo ni Jehova dagiti buybuyot: ti isu-amin a daga napno iti dayagna.

Isaias 60:5

Iti casta makitamto ket agraniagca, ket ta pusom agrag-onto ken mapadackelto; agsipud ta ti kinawadwad ti taaw agturongdanto kenca, ti sanicua dagiti nasnacion umayto kenca.

Jeremias 10:7

Siasino ti saan nga agbuteng kenca, O Ari dagiti nasnacion? ta kenca maiparbeng daytoy; agsipud ta cadagiti amin a mamasirib cadagiti nasnacion, ken cadagiti amin a naarian a casasaadda, awan ti siasinoman a cas kenca.

Jeremias 16:19

O Jehova, a pigsac, ken pagsalingdac, ken camangco iti aldaw ti ladingit, dagiti nasnacion umaydanto kenca manipud cadagiti pungto ti daga, ket cunadanto, Dagidi ammami awan ti tinawidda no di ul-ulbod, kinaubbaw met laeng, ken cucua nga awan ti malac-am.

Jeremias 5:22

Saancayo aya nga agbuteng caniac? cuna ni Jehova: saancayo aya nga agpigergerto iti sangoanac, siac a nangicabil ti darat a beddeng ti baybay, ti agnanayon a bilin, nga isu saannanto a malasat? ket uray dagiti dalluyonna agpallatocda, nupay casta saanda nga umartap: uray pay no agungorda, nupay casta saanda a malasat.

Oseas 3:5

Calpasanna dagiti annac ti Israel agsublidanto, ket sapulendanto ni Jehova a Diosda, ken ni David nga arida, ket umaydanto a sibubuteng ken ni Jehova ken iti kinaimbagna, cadagiti maud-udi nga al-aldaw.

Habakuk 1:12

Saan a sica aya, O Jehova, a Diosco, ti Santoc nanipud idi punganay saancamto a matay. O Jehova, isu inkeddengmo a maipaay iti panangocom; ket sica, O Bato, isu binangonmo nga agpaay iti panangpalinteg.

Zacarias 14:16

Ket maaramidto, a tunggal maysa a matda cadagiti amin a nasnacion nga immay a maibusor iti Jerusalem sumang-atto iti tinawentawen tapno agdayaw iti Ari, a ni Jehova dagiti buybuyot, ken mangngilin iti fiesta dagiti tabernaculo.

Zacarias 2:11

Ket adu a nasnacion tumipondanto ken Jehova iti daydiay nga aldaw, ket isudanto ti ilic; ket agnaedacto iti nagtengngaam, ket sica mabigbigmonto a ni Jehova dagiti buybuyot imbaonnac kenca.

Malakias 1:11

Ta manipud iti ileleggac ti init agingga iti ilelennecna met laeng ti naganco dackelto cadagiti Gentiles; ket iti tunggal disso maidatonto ti incienso iti naganco, ken ti nadalus a daton: ta ti naganco dackelto cadagiti Gentiles, cuna ni Jehova dagiti buybuyot.

Taga-Roma 15:9

Ken tapno dagiti Gentiles dayawenda coma ti Dios gapu iti asina, cas iti naisurat: Gapuna idaydayawcanto cadagiti Gentiles. Ket icancantaacto ti maipaay iti naganmo.

1 Pedro 1:16

Ta adda a naisurat: Agsantocayo ta siac santoac.

Paltiing 11:15

Ket daydi maicapito nga angel nagtangguyob: ket simmaruno dagiti dacdackel a timec idiay langit, ket kinunada: Ti pagarian ti lubong nagbalin a cucua ni Apotayo ken ni Cristona: Ket agoninto nga awan ingana.

Paltiing 14:7

Ket cunana iti dackel a timec: agbutengcay iti Dios ket isu dayawenyo: ta dimteng ti horas ti panangocomna; ket agdaydayawcayo iti nangaramid iti langit ken iti daga, ken iti baybay ken cadagiti ubbog dagiti dandanum.

Paltiing 16:5

Ket nangngegco daydi angel dagiti danum a cuncunana: Sica nalintegca, O Santo nga addaca, ita ket addaca idi, agsipud ta nangipatoca a castoy.

Paltiing 16:7

Ket nangngegco ti timec a naggapu idi altar a cuncunana: Wen, O Apo Dios a Mannacabalin-amin, dagiti panangipatom isuda dagiti napudno ken nalinteg.

Paltiing 19:2

Ta napudno ken nalinteg dagiti panangipatona; ta isu inocomna daydi dackel a balangcantis, isu a nangparugit iti daga babaen ti pannakicamcamalalana: ket cadagiti im-ima di babai naibales ti dara dagiti adipenna.

Paltiing 19:8

Ket naipaay kencuana ti panagcawesna iti lupot a nalapat ken puraw, nasileng ken natarnaw: ta ti lupot a nalapat a puraw isu dagiti aramid a nalinteg dagiti sasanto.

Paltiing 3:7

Ket isuratmo iti angel ti Iglesia sadi Filadelfia: Dagitoy a banbanag cuna ti santo, ti napudno, ti addaan ti tulbec ni David, ti manglucat, ket awan ti macapunit, ken ti mangpunit ket awan ti macalucat:

Paltiing 4:8

Ket dagidi uppat a parsua a sibibiag, tunggal maysa cadacuada adda innem a payacna ket napnoda cadagiti matmata iti aglawlaw ken iti uneg; ket dida umingga iti aldaw ken rabii a cuncunada: Santo, santo, ni Apo Dios, ti Mannacabalin-amin, isu nga adda idi, ken adda ita, ken umayto.

Paltiing 6:10

Ket agasasugda iti dackel a timec; Casano ti cabayagna, O Apo a santo ken napudno, a dica ocomen ken ibales ti darami cadagiti agnaed iti rabaw ti daga?

1 Samuel 2:2

Awan ti nasantoan a cas ken Jehova ta awan iti lacsidmo, awan met ti uray ania a bato a cas iti Diosmi.