Paltiing 15:3 - Ti Biblia (1973)

³ Ket cancantaenda daydi canta ni Moises, nga adipen ti Dios, ken ti canta ti Cordero, a cuncunada: Dadackel ken nacascasdaawda dagiti ar-aramidmo, O Apo Dios, a Mannacabalin-amin; nalinteg ken napudno dagiti daldalanmo, Sica Ari cadagiti panpannawen.

Ti Baro a Naimbag a Damag Biblia

³ Ket kankantaenda ti kanta ni Moises nga adipen ti Dios, ken ti kanta ti Kordero: “Apo Dios a Mannakabalin-amin Natan-ok ken nakaskasdaaw dagiti aramidmo! Ari dagiti pagilian. Nalinteg ken napudno dagiti dalanmo!

Paltiing 15:3 Iomraidhean Croise

Genesis 17:1

Ket idi a ni Abram nagtawen iti siam a pulo ket siam, ni Jehova nagparang ken Abram, ket kinunana kencuana, Siac ti Dios a Mannacabalin amin; magnaca iti sangoc ket awan coma ti pagcurcurangam.

1 Cronicas 6:49

Ngem ni Aaron ken dagiti annacna a lallaki indatagda iti rabaw ti altar ti daton a mapuuran, ken iti rabaw ti altar ti incienso, a maipaay iti amin nga aramid iti, casantoan unay a disso, ken mangaramid iti pannacaicappia a maipaay iti Israel, a cas mayannurot iti amin nga imbilin ni Moises nga adipen ti Dios.

2 Cronicas 24:6

Ket ti ari inayabanna ni Joiada a pangolo, ket kinunana kencuana, Apayapay saanmo nga impapilit cadagiti Levitas ti panangalada iti Juda ken iti Jerusalem ti pagpabuis ni Moises nga adipen ni Jehova, ken agtaud iti gimong ti Israel a maipaay iti tolda ti pammanecnec?

Nehemias 9:14

Ken impacaammom cadacuada ti nasantoan nga aldaw a panaginana, ket imbilinmo cadacuada dagiti bilbilin, ken al-alagaden, ken maysa a linteg, iti pannacaaramat ni Moises nga adipenmo,

Ti Libro ni Job 36:24

Lagipem tapno itan-ocmo ti aramidna, isu a nagdaniwan dagiti tattao.

Ti Libro ni Job 5:9

Isu nga agaramid cadagiti dadackel a banbanag ken di matucod, banbanag a nacascasdaaw a saan a mabilang.

Dagiti Salmo 100:5

Ta ni Jehova naimbag; ti kinamanagayatna agnanayon, ket ti kinamatalecna agpaay cadagiti amin a caputotan.

Dagiti Salmo 105:5

Lagipenyo dagiti nacascasdaaw nga ar-aramid nga inaramidna, dagiti datdatlagna, ken dagiti panangikeddeng ti ngiwatna,

Dagiti Salmo 111:2

Dagiti ar-aramid ni Jehova naindaclanda, a biroken dagiti amin nga agrayo cadacuada.

Dagiti Salmo 111:7

Dagiti aramid dagiti imana kinapudno ken kinajusticia; amin nga alalagadenna napaypaysoda.

Dagiti Salmo 139:14

Agyamanacto kenca; ta nacaamamac ken nacascasdaaw ti pannacaaramidco; nacascasdaaw dagiti ar-aramidmo; ket daydayta ammoen unay toy cararwac.

Dagiti Salmo 145:17

Ni Jehova sililinteg cadagiti amin a dalanna, ken sipaparabur cadagiti amin nga aramidna.

Dagiti Salmo 145:6

Ket dagiti tattao sasaoendanto ti bileg dagiti nacaamamac nga ar-aramidmo; ket sarsaritaecto ti kinadackelmo.

Dagiti Salmo 18:30

Maipanggep iti Dios, ti dalanna awan pagcuranganna: ti sao ni Jehova naipadasen; isu ti maysa a calasag cadagiti amin nga agcamang kencuana.

Dagiti Salmo 78:12

Nacascasdaaw a banbanag dagiti inaramidna iti saclang dagiti amammada, idiay daga nga Egipto, idiay away ti Zoan.

Dagiti Salmo 92:5

Anian a nagdadackel dagiti ar-aramidmo, O Jehova! Dagiti panpanunotmo naunegda unay.

Dagiti Salmo 99:4

Ti bileg ti ari pagayatanna met ti kinajusticia; sica ipasdecmo ti kinacanatad; sica salimetmetam ti kinajusticia ken kinalinteg iti sacup ni Jacob.

Isaias 33:22

Ta ni Jehova isu ti ocomtayo, ni Jehova isu ti mangmangted iti linteg cadatayo, ni Jehova isu ti aritayo; isalacannatayo.

Isaias 45:21

Ipablaacyo, ken isu ti iparangyo; wen, agpipinnatigmaanda coma; asino ti nangipakita iti daytoy nanipud idi ugma? asino ti nangipablaac itoy idi nabayagen a pannawen? saan a siac aya, ni Jehova? ket awan ti sabali a Dios no di la sisiac, maysa a nalinteg a Dios ken maysa a Mangisalacan: awanen ti sabali no di la sisiac.

Daniel 6:20

Ket idi nacagteng iti asideg ti rukib ken Daniel, isu nagpuccaw iti nacaladladingit a timec; ti ari nagsao ket kinunana ken Daniel, O Daniel, adipen ti sibibiag a Dios, ti Dios a nagserserviam a cancanayon, mabalinnaca nga ispalen cadagiti leon?

Daniel 9:11

Wen, amin nga Israel sinalungasingna ti lintegmo, a simmiasida met laeng, tapno dida coma tungpalen ti timecmo: gapu itoy naibucbuc cadacami ti panangilunod, ken ti sapata a naisurat iti linteg ni Moises nga adipen ti Dios; gapu ta nagbasolcami a maicaniwas kencuana.

Oseas 14:9

Asino ti masirib a macaawat cadagitoy a banbanag? manakem, tapno maammoanna ida? Ta dagiti daldalan ni Jehova nalintegda, ket dagiti nalinteg magnadanto cadacuada; ngem dagiti managsalungasing matnagdanto cadacuada.

Mikias 7:20

Tungpalemto ti pudno ken Jacob, ken ti kinamanagayat ken Abraham, isu nga insapatam cadagiti ammami nanipud cadagidi al-aldaw idi punganay.

Sofonias 3:5

Ni Jehova nalinteg iti nagtengngaanna; dinto agaramid iti kinadakes; iti tunggal bigat yegna ti kinajusticiana iti lawag, isu saan nga agcurang; ngem ti nakillo dina ammo ti bain.

Zacarias 9:9

Agragsacca la unay, O babai nga anac ti Sion; dumir-ica, O anac a babai ti Jerusalem: adtoy; ti arim umay kenca; isu nalinteg, ken addaan panangisalacan; napacumbaba, ket agsakay iti maysa nga asno, iti rabaw met laeng ti maysa nga urbon ti asna.

San Juan 1:17

Ta ti linteg naited gapu ken ni Moises; ti parabur ken ti kinapudno immayda gapu ken Jesu-Cristo.

Deuteronomio 31:30

Ket ni Moises impalawagna cadagiti pagdengngeg ti amin ti gimong ti Israel dagiti sasao daytoy a canta, inggana iti nalpasda.

Deuteronomio 32:3

Ta ti nagan ni Jehova yawagconto: ipacumityo ti kinadackel iti Diostayo.

Deuteronomio 34:5

Iti casta ni Moises nga adipen ni Jehova natay idiay iti daga ti Moab, cas mayannurot iti sao ni Jehova.

1 Timoteo 1:17

Ket iti ari cadagiti ginasgasut a tawen, saan a matay, di makita, iti maymaysa a Dios madaydayaw ken mapadayag coma iti agnanayon nga awan inggana, Amen.

Hebreo 3:5

Ket ni Moises kinapudnoanna a napagtalcan idi iti isu-amin a balayna, cas maysa nga adipen a maipaay a pamanecnec cadagidiay banag a maipacaammonto idi;

Josue 22:5

Isuna laeng nga iti kinaregta salimetmetanyo coma nga tungpalen ti bilin ken linteg a ni Moises nga adipen ni Jehova imbilinna idi cadacayo nga ayatenyo coma ni Jehova a Diosyo, ket magnacayo coma cadagiti isu-amin a daldalanna, ken aywananyo coma dagiti bilbilinna, ken cumpetcayo coma kencuana, ken isu ti pagservianyo coma iti amin a pusoyo ken iti amin a cararuayo.

Paltiing 1:8

Siac ti Alfa ken ti Omega, cuna ni Apo Dios, ti adda ita, ken ti adda idi ken ti umayto, ti Mannacabalin-amin.

Paltiing 11:17

A cuncunada: O Apo Dios a Mannacabalin-amin agiamancam kenca ta addaca ita ket addaca idi, agsipud ta innalam ti dackel a pannacabalinmo ket nagarica.

Paltiing 14:3

Ket agcancantada ti cas la maysa a canta a baro iti sangoanan ti trono, ken iti sangoanan dagiti uppat a parsua a sibibiag ken dagiti lallacay; ket awan idi ti macabalin a mangadal idi a canta, no di laeng dagidi sangagasut uppat a pulo ket uppat a ribo, isuda a nasubbut itoy daga.

Paltiing 14:8

Ket ti sabali nga angel, a maicadua, simmaruno a kinuna: Narba, narba ti dackel a Babilonia, isu a nangpainum cadagiti isu-amin a pagpagarian iti arac ti pungtot gapu iti pannakicamalalana.

Paltiing 17:14

Dagitoy gubatendanto ti Cordero; ket ti Cordero abakennanto ida, ta isu ti Apo dagiti ap-apo, ken Ari dagiti ar-ari, ket dagiti maicuyog kencuana, isuda dagiti maayaban ken mapili ken mapagtalcan.

Paltiing 19:16

Ket iti cawesna ken idi rabaw di luppona adda a naisurat daytoy a nagan: ARI DAGITI AR-ARI, KEN APO DAGITI AP-APPO.

Paltiing 19:2

Ta napudno ken nalinteg dagiti panangipatona; ta isu inocomna daydi dackel a balangcantis, isu a nangparugit iti daga babaen ti pannakicamcamalalana: ket cadagiti im-ima di babai naibales ti dara dagiti adipenna.

Paltiing 4:8

Ket dagidi uppat a parsua a sibibiag, tunggal maysa cadacuada adda innem a payacna ket napnoda cadagiti matmata iti aglawlaw ken iti uneg; ket dida umingga iti aldaw ken rabii a cuncunada: Santo, santo, ni Apo Dios, ti Mannacabalin-amin, isu nga adda idi, ken adda ita, ken umayto.