Paltiing 15:1 - Ti Biblia (1973)

¹ Ket nakitac ti sabali a pagilasinan sadi langit, dackel ken nacascasdaaw; dagiti pito nga angel nga addaan cadagiti pito a camaudianan a pannaplit; ta cadacuada manungpal ti pungtot ti Dios.

Ti Baro a Naimbag a Damag Biblia

¹ Nakitak sadi langit ti sabali a naindaklan a pagilasinan, maysa a nakaskasdaaw a buya. Pito nga angheles nga addaan kadagiti pito a didigra. Dagitoy dagiti maudi a pakatungpalan ti napalalo a pungtot ti Dios.

Paltiing 15:1 Iomraidhean Croise

Daniel 6:27

Isu mangispal ken mangalaw, ket agaramid cadagiti pagilasinan ken pagsidsiddaawan sadi langit ken ditoy daga, isu a nangispal ken Daniel iti pannacabalin dagiti leon.

Levitico 26:21

Ket no magnacayo iti maicaniwas caniac, ket didacto ipangag, yegconto cadacayo iti maminpito a saplit a mayannatup cadagiti basbasolyo.

Paltiing 10:3

Ket nagpuccaw iti dackel a timec a cas iti panagungor ti maysa a leon; ket idi a nagpuccaw, dagiti pito a gurrood nagunida.

Paltiing 11:14

Daydi naicadua nga Ay! Ay napalabasen ket adtoy ti maicatlo nga ay! ayen! umay daras.

Paltiing 14:10

Isu met uminumto iti arac ti pungtot ti Dios, nga adda a naisagana nga awan aniaman a lalaocna iti copa ti pungtotna; ket matuocto iti apuy ken azufre, iti imatang dagiti santo nga angelna, ken iti imatang ti Cordero:

Paltiing 14:19

Ket daydi angel inaramatna daydi cumpayna itoy daga, ket inurnongna ti apiten nga uvas ti daga; ket impisocna iti pagpespesan, daydi dackel a pagdapilan ti pungtot ti Dios.

Paltiing 16:1

Ket nangngegco ti maysa a dackel a timec a naggapu iti templo a cuncunana cadagidi pito nga angel: Incayo ket ibuyatyo dagiti pito a malocong ti pungtot ti Dios iti rabaw ti daga.

Paltiing 17:1

Ket ti maysa cadagidi pito nga angel nga addaan cadagidi pito a malocong, immay ket nakisao caniac, a cunana: Umayca ditoy; ipakitacto kenca ti pannacaocom ti dackel a balangcantis, nga adda a nagtugaw iti rabaw dagiti adu a dandanum;

Paltiing 19:15

Ket iti ngiwatna rummuar ti maysa a campilan a natadem, tapno pangdunorna cadagiti pagpagarian, ket iturayanna ida babaen ti maysa a sarucod a landoc; ket isu payatenna ti pagpespesan ti kinaunget ti pungtot ti Dios a Mannacabalin-amin.

Paltiing 21:9

Ket maysa cadagiti pito nga angel nga addaanda cadagiti pito a malocong a napnoda cadagiti pito a camaudianan a pannaplit; immay ket nakisao caniac, a cuncunana: Umayca ditoy; ipakitacto kenca ti novia, ti asawa ti Cordero.

Paltiing 8:13

Ket nakitac ken nangngegco ti maysa nga aguila nga agtaytayab iti nagtangatangan, a cuncunana iti dackel a timec: Ay, ay, ay pay dagiti agnaed iti rabaw ti daga, maipuon cadagiti sabali nga uni ti tangguyob dagiti tal-lo nga angel nga agtangguyobto pay.

Paltiing 8:2

Ket nakitac dagiti pito nga angel nga agtatacder iti sangoanan ti Dios; ket naited cadacuada dagiti pito a tangguyob.

Paltiing 8:6

Ket dagidi pito nga angel, a nagiggem cadagidi pito a tangguyob, nagsaganada nga agtangguyob.

Paltiing 9:20

Ket dagiti natda a tattao a saan a napapatay cadagitoy a pannaplit, saanda a nagbabawian dagiti ar-aramid dagiti imimada, tapno dida coma pagrucbaban dagiti demonio ken dagiti didiosen a balitoc ken pirac, ken bronce ken bato, ken cayo; isuda a dida mabalin ti cumita, wenno dumngeg uray magna.