Paltiing 14:6 - Ti Biblia (1973)

⁶ Ket nacakitaac ti sabali nga angel a tumaytayab iti tangatang, nga adda ipacaammona a naimbag a damag nga agnanayon cadagiti agnaed iti rabaw ti daga, ken cadagiti amin a pagpagarian ken capututan, ken pagsasao ken ilili.

Ti Baro a Naimbag a Damag Biblia

⁶ Kalpasanna, nakitak ti sabali nga anghel nga agtaytayab iti tangatang. Adda kenkuana ti agnanayon a mensahe ti Naimbag a Damag nga ipakaammona kadagiti agnaed ditoy rabaw ti daga, iti amin a puli, tribu, pagsasao ken pagilian.

Paltiing 14:6 Iomraidhean Croise

Genesis 1:6

Ket ti Dios kinunana, adda coma maysa a tangatang iti tengnga dagiti dandanum, a pagsisinaan dagiti dandanum cadagiti dandanum.

2 Samuel 23:5

Pudno a ti balayco saan a casta iti Dios; nupay casta inaramidna caniac ti agnanayon a tulag, nangurnos cadagiti isu-amin a banag, ken natalged: gapu kencuana ti amin a pannacaispalco, ken isu amin a calicagumco, nupay isu dina padackelen.

Dagiti Salmo 119:142

Ti kinalintegmo kinalinteg nga agnanayon, ket ti lintegmo isu ti pudno.

Dagiti Salmo 139:24

Ket kitaem no adda dinadangkes a dalan caniac, ket iturongnac iti dalan nga agnanayon.

Dagiti Salmo 145:13

Ti pagariam agnanayon a pagarian, ti panagturaymo mataginayon cadagiti amin a caputotan.

Isaias 40:8

Ti root magango, ti sabong malaylay; ngem ti sao ti Diostayo mataginayonto.

Isaias 45:17

Ngem ti Israel isalacanto ni Jehova iti agnanayon a pannacaisalacan: saancayto a maibabain ket dicayo met mariru iti lubong iti awan patinggana.

Isaias 51:6

Itangadyo dagiti matayo cadagiti langlangit, ken cumitacayo iti baba ditoy daga, ta dagiti langlangit mapucawdanto a cas la asuc, ken ti daga marunut a cas iti pagan-anay; ket dagiti agtaeng kencuana mataydanto met a casta: ngem ti panangisalacanco agnanayonto, ket ti kinalintegco saanto a maiccat.

Isaias 51:8

Ti sanga ibusennanto ida a cas pagan-anay, ken ti igges lamutenna ida a cas lupot a de lana; ngem ti kinalintegco agnanay-onto ken ti panangisalacanco agpaay iti amin a caputotan.

Isaias 6:2

Iti ngatona nagtacder dagiti serafin, a ti tunggal maysa adda innem a payacna, dagiti dua pangabbongna iti rupana, ket dagiti dua pangabbongna cadagiti sacana, ket dagiti dua pagtayabna.

Ezekiel 1:14

Ket dagiti parsua a sibibiag nagtarayda ken nagsublida a cas la langa ti kilap ti kimat.

Daniel 4:1

Ni Nabucodonosor nga ari, iti amin nga il-ili, nasnacion, ken pagsasao, nga agnaed iti amin toy daga: Talna coma ti mapaadu cadacayo.

Daniel 9:21

Wen, idi agsasaoac pay laeng nga agcarcararag, ti lalaki a ni Gabriel, isu a nakitac iti sirmata iti punganay, idinto a napatayab a sipapardas, kinalbitnac idi cas la horas ti daton iti rumabii.

San Mateo 10:27

Ti ibagac cadacayo iti nalimed saoenyo iti nalatac ket ti mangngegyo iti arasaas, iwarragawagyo manipud cadagiti toctoc dagiti balay.

San Marcos 16:15

Ket kinunana cadacuada: incay iti isu-amin a lubong, ket icasabayo ti evangelio iti isu-amin a parsua.

Taga-Roma 16:25

Ket iti dayta macabalin a mangaramid cadacayo a mamagtalinaed, cas iti evangelio ken ti pannacaicascasaba ni Jesu-Cristo, cas mayannurot iti pannacayammo ti palimed a nailemmeng iti kinaulimec agpapan cadagiti panawen, nga agnanayon.

Taga-Colosas 1:23

No, pudno nga agtalinaedcayo iti pammati, naipasdec ken natibker, ket dicay pacuti iti pananginanama iti evangelio a nangngegyo, a naicascasaba iti amin a parsua iti baba ti langit; a gapu kencuana nagbalinac a ministro, siac ni Pablo.

2 Taga-Tesalonica 2:16

Ket ni Apotayo a Jesu-Cristo met laeng, ken ti Dios nga Amatayo, isu a nagayat cadatayo, ket iniccannatayo iti agnanayon a liwliwa ken nasayaat nga inanama gapu iti parabur,

Hebreo 13:20

Ket ti Dios ti talna, a nangisubli manipud cadagiti natay iti dackel a pastor dagiti carnero, ni Apotayo a Jesus, gapu iti dara ti agnanayon a tulag,

1 Pedro 1:25

Ngem ti sao ti Dios mataginayon nga awan inggana. Ket daytoy isu ti sao dagiti naimbag a damdamag a naicascasaba cadacayo.

Paltiing 10:11

Ket cuncunada caniac; masapul nga agipadtoca manen a maipapan cadagiti adu nga ilili, ken pagpagarian, ken pagsasao, ken ar-ari.

Paltiing 10:7

No di ket cadagiti al-aldaw ti timec ti maicapito nga angel, inton pagunienna ti tangguyobna, isu metten ti pannacatungpalto ti palimed ti Dios, cas mayannurot iti naimbag a damag nga isu impacaammona cadagiti ad-adipenna a mammadto.

Paltiing 13:7

Ket naipalubos kencuana ti pananggubatna cadagiti sasanto, ken mangabac cadacuada: ket naited kencuana ti panagturay iti isu-amin a capututan, ken ili, pagsasao, ken pagpagarian.

Paltiing 3:10

Gapu ta sinalimetmetam ti saoc a kinaanos, siac igagacanto met iti horas ti pannacasuut isu nga umayto iti isu-amin a lubong a natao-an, tapno masuut dagiti agnaed iti rabaw ti daga.

Paltiing 5:9

Ket icancantada ti maysa a canta a baro, a cuncunada: Maicarica a mangala iti libro, ken manglucat cadagiti sellona; ta napapatayca idi, ket nagatangmo a maipaay iti Dios babaen ti daram met laeng, dagiti tattao ti amin a capututan, ken pagsasao, ken ili ken pagarian.

Paltiing 8:13

Ket nakitac ken nangngegco ti maysa nga aguila nga agtaytayab iti nagtangatangan, a cuncunana iti dackel a timec: Ay, ay, ay pay dagiti agnaed iti rabaw ti daga, maipuon cadagiti sabali nga uni ti tangguyob dagiti tal-lo nga angel nga agtangguyobto pay.