Paltiing 14:4 - Ti Biblia (1973)

⁴ Dagitoy dagiti saan a natulawan cadagiti babbai; ta virgenda. Dagitoy dagiti sumursurot iti Cordero uray adino a papananna. Dagitoy nasubbotda cadagiti tattao, a cas da umuna a bungbunga a maipaay iti Dios ken iti Cordero.

Ti Baro a Naimbag a Damag Biblia

⁴ Isuda dagiti saan a natulawan babaen kadagiti babbai, ta nadalusda. Sumursurotda iti Kordero iti sadinoman a papananna. Isuda dagiti nasubbot iti sangkataoan ken dagiti umuna a maidaton iti Dios ken iti Kordero.

Paltiing 14:4 Iomraidhean Croise

Dagiti Salmo 45:14

Isu maitulodto agraman binordaan a cawesna iti Ari: dagiti babbalasang a caduana a sumursurot kencuana, mayegdanto kenca.

Dagiti Salmo 74:2

Lagipem ti gimongmo a pinaaddam nanipud idi ugma, isu a sinubbotmo tapno isu ti capuonan a patawidam; ken ti bantay Sion, a nagtaengam.

Kanta ni Solomon 1:3

Dagiti lanam addaanda iti naimbag a sayamusom; ti naganmo cas lana a naibucbuc; gapuna a dagiti virgen ayatendaca.

Kanta ni Solomon 6:8

Adtoy, innem a pulo a reina, ken walo pulo a camalala, ket dagiti virgen a di-mabilang.

Jeremias 2:3

Ti Israel nasantoan idi ken Jehova, dagiti damo a bungbunga ti yaaduna: amin dagiti mangalun-un kencuana macabasoldanto; ti dakes dumtengto cadacuada, cuna ni Jehova.

Amos 6:1

Asida pay dagiti agnaed a sinanamay idiay Sion, ken dagiti sitatalged idiay bantay ti Samaria, dagiti natan-oc a tattao iti cangronaan cadagiti nasnacion, isuda nga umayan ti balay ti Israel!

San Mateo 19:12

Ta adda eunuco a nayanacda a casta nanipud iti tian dagiti innada, ket adda eunuco nga inaramid dagiti tao, ket adda eunuco nga inaramidda iti bagida gapu iti pagarian ti langit. Ti macabalin nga umawat itoy awatenna coma.

San Mateo 25:1

Ti pagarian ti langit maipadisto ngarud cadagiti sangapulo a babbalasang, nga innalada dagiti pagsilawanda, ket rimmuarda nga sumabet iti asawa a lalaki.

San Mateo 8:19

Ket immasideg ti maysa nga escriba, ket kinunana, kencuana: Mannursuro, surutencanto uray sadino ti papanam.

San Juan 10:27

Dagiti carneroc denggenda ti timecco, ket ammoc ida ket surutendac;

San Juan 12:26

No adda agservi caniac, surutennac coma: ket no adino ti yanco, agianto met idiay ti adipenco; no adda agservi caniac, isu itan-octo ni Amac.

San Juan 13:37

Cuna kencuana ni Pedro: Apo, apayapay saanca a mabalin a suruten ita? ti biagco itedconto gapu kenca.

San Juan 8:12

Ni Jesus kinasaona manen ngarud idan, a cuncunana: Siac ti silaw ti lubong; ti sumurot caniac, saanto a magna iti sipnget; no di ket addanto kencuana ti silaw ti biag.

Dagiti Aramid 20:28

Kitaenyo ti bagiyo ken ti amin nga ipastoran a nangicabilan ti Espiritu Santo cadacayo a cas managaywan, tapno ipaarabyo ti Iglesia ti Dios, isu a ginatangna iti darana.

1 Taga-Corinto 16:15

Dawatec cadacayo, cacabsat, (ammoyo a dagiti cabbalay ni Estefanas, isuda ti immun-una a bungbunga ti Acaya, ket indatonda ti bagida iti panagservi cadagiti sasanto),

1 Taga-Corinto 6:20

Ta nagatangcayo iti maysa a pateg; pagdayawyo ngarud ti bagiyo iti Dios.

1 Taga-Corinto 7:28

Ngem uray pay no mangasawacanto, saanca a macabasol: ket no ti maysa a balasang makiasawanto, saan a macabasol. Ngem dagita, addanto rigatda iti lasag, ket cayatco coma a malisianyo daytoy.

2 Taga-Corinto 11:2

Ta agimunac gapu cadacayo iti nadiosan nga imun; ta intulagco nga iyasawacayo iti maymaysa a lalaki, tapno iparangcayo ken Cristo, a cas balasang a nadalus.

Taga-Efeso 1:14

Isu ti tanda ti tawidtayo, a maipaay ti pannacasubbot ti sanicua ti Dios, a maipaay iti dayaw ti dayagna.

Taga-Efeso 5:27

Tapno pagparangenna kencuana met laeng ti Iglesia a nadayag, nga awan ti rugitna wenno caretket wenno sabali a pacapilawan nga umas-asping, no diket coma santa ken awan tulawna.

1 Timoteo 4:3

Nga iparitda ti pannakiasawa, ken ibilinda ti di pannangan cadagiti taraon a pinarsua ti Dios, a maipaay nga awaten coma babaen ti panagiaman dagiti mammati ken dagiti macaammo ti pudno.

Hebreo 12:23

Iti gimung a sapasap, ken Iglesia dagiti inauna nga annac, a nailanad ti naganda idiay langit, ken iti Dios nga Ocom dagiti isu-amin, ken cadagiti espiritu dagiti nalinteg, a naaramidda nga awan pagcurangandan,

Santiago 1:18

Iti nacnakemna met laeng isu pinataudnatayo gapu iti sao ti kinapudno, tapno datay coma ti maysa a kita dagiti umuna a bungbunga cadagiti parsuana.

1 Pedro 2:9

Ngem, dacayo ti napili a caputotan, ti naarian a kinapadi, nasantoan a nacion, ili a cucua ti Dios; tapno ipaduyacyacyo dagiti kinatan-oc daydiay nangayab cadacayo manipud kinasipnget inggana iti nacascasdaaw a lawagna:

Paltiing 17:14

Dagitoy gubatendanto ti Cordero; ket ti Cordero abakennanto ida, ta isu ti Apo dagiti ap-apo, ken Ari dagiti ar-ari, ket dagiti maicuyog kencuana, isuda dagiti maayaban ken mapili ken mapagtalcan.

Paltiing 21:22

Ket awan ti nakitac a templo kencuana; ta ni Apo Dios, a Mannacabalin-amin, ken daydi Cordero isuda ti templona.

Paltiing 21:23

Ket ti ciudad awan ti pacasapulanna iti init wenno iti bulan, tapno silnaganda: ta ti dayag ti Dios isu ti nanglawag kencuana, ket ti pagsilawanna isu ti Cordero.

Paltiing 3:4

Ngem adda kenca sumagmamano a nagnagan dita Sardis a dida rinugitan dagiti pagananayda; ket dagitoy makicuyogdanto caniac nga agcawesda iti puraw; ta isuda dagiti maicari.

Paltiing 5:9

Ket icancantada ti maysa a canta a baro, a cuncunada: Maicarica a mangala iti libro, ken manglucat cadagiti sellona; ta napapatayca idi, ket nagatangmo a maipaay iti Dios babaen ti daram met laeng, dagiti tattao ti amin a capututan, ken pagsasao, ken ili ken pagarian.