Paltiing 14:3 - Ti Biblia (1973)

³ Ket agcancantada ti cas la maysa a canta a baro iti sangoanan ti trono, ken iti sangoanan dagiti uppat a parsua a sibibiag ken dagiti lallacay; ket awan idi ti macabalin a mangadal idi a canta, no di laeng dagidi sangagasut uppat a pulo ket uppat a ribo, isuda a nasubbut itoy daga.

Ti Baro a Naimbag a Damag Biblia

³ Nakasango dagiti 144,000 iti trono, kadagiti uppat a sibibiag a parsua ken kadagiti panglakayen. Agkankantada iti baro a kanta nga awan ti makasursuro malaksid laeng kadakuada a nasubbot ditoy daga.

Paltiing 14:3 Iomraidhean Croise

Dagiti Salmo 144:9

Mangcantaacto iti baro a canta kenca, O Jehova: madanggayan ti salterio a sangapulo dagiti cuerdasna agcantaacto cadagiti panangidaydayaw kenca.

Dagiti Salmo 149:1

Idaydayawyo ni Jehova. Cantaanyo ni Jehova iti baro a canta, ken iti pannacaidaydayawna iti tallaong dagiti sasanto.

Dagiti Salmo 25:14

Ti kinapagayam ni Jehova addanto cadagiti agbuteng kencuana; ket iparangnanto cadacuada ti tulagna.

Dagiti Salmo 33:3

Cantaanyo iti baro a canta; laingenyo ti agcutengteng a buyugen ti napigsa nga aweng.

Dagiti Salmo 40:3

Ket impaayna ti baro a canta ditoy ngiwatco, wen, pangidaydayaw iti Diostayo: adu dagiti macaimatangto, ken agbuteng, ket agtalecdanto ken Jehova.

Dagiti Salmo 96:1

O cantaanyo ni Jehova iti baro a canta: cantaanyo ni Jehova, dagup ti daga.

Dagiti Salmo 98:1

O cantaanyo ni Jehova iti baro a canta; ta nagaramid cadagiti nacascasdaaw a banbanag: ti canawan nga imana, ken ti nasantoan a tackiagna, nagun-odnan ti balligi a maipaay kencuana.

Isaias 42:10

Icantaanyo ni Jehova iti maysa a baro a canta, ken ti dayawna manipud iti pungto ti daga; dacayo a bumaba iti baybay, ken amin dagiti adda kencuana, dagiti purpuro, ken dagiti agnaed kencuana.

1 Taga-Corinto 1:18

Ta ti pacasaritaan ti cruz kinamaag cadagiti mapucaw; ngem cadatayo a maisalacan, isu ti pannacabalin ti Dios.

1 Taga-Corinto 2:14

Ngem ti tao a linalasag saanna nga awaten dagiti banag ti Espiritu ti Dios; ta kencuana isuda ti cas la kinanengneng; ket dina met ida mabalin nga ammoen, agsipud ta dagitoy, naespirituan ti pannacabigbigda.

Paltiing 14:1

Ket kimmitaac, ket adtoy ti Cordero agtatacder iti rabaw ti bantay Sion, ket naicuyogda kencuana dagiti sangagasut uppat a pulo ket uppat a ribo, nga addaan iti naganna ken ti nagan ni Amana, a naisurat cadagiti mugmugingda.

Paltiing 15:3

Ket cancantaenda daydi canta ni Moises, nga adipen ti Dios, ken ti canta ti Cordero, a cuncunada: Dadackel ken nacascasdaawda dagiti ar-aramidmo, O Apo Dios, a Mannacabalin-amin; nalinteg ken napudno dagiti daldalanmo, Sica Ari cadagiti panpannawen.

Paltiing 2:17

Ti adda pagdengngegna, denggenna coma ti cuna ti Espiritu cadagiti Iglesia. Daydiay agbal-ligi, isu ti pangtedacto iti mana a nailemmeng. Ket itdecto kencuana ti maysa a bato a puraw, ket maibutac iti bato ti maysa a nagan a baro, nga awan ti macaammo uray siasino, no di laeng daydiay umawat kencuana.

Paltiing 5:9

Ket icancantada ti maysa a canta a baro, a cuncunada: Maicarica a mangala iti libro, ken manglucat cadagiti sellona; ta napapatayca idi, ket nagatangmo a maipaay iti Dios babaen ti daram met laeng, dagiti tattao ti amin a capututan, ken pagsasao, ken ili ken pagarian.

Paltiing 7:4

Ket nangngegco ti bilang dagidi namarcaan, sangagasut uppat a pulo ket uppat a ribo dagiti naselloan cadagiti isu-amin a capututan dagiti annac ti Israel: