Paltiing 14:2 - Ti Biblia (1973)

² Ket nangngegco ti maysa a timec a naggapu iti langit, a cas la iti daranudor dagiti adu a dandanum, ken cas iti uni ti maysa a dackel a gurruod; ket daydi timec a nangngegco cas la timec dagiti agtoctocar cadagiti arpada.

Ti Baro a Naimbag a Damag Biblia

² Manipud sadi langit, adda nangngegko a timek a kasla daranudor ti dissuor ti danum ken napigsa a gurruod. Immaweng a kasla musika nga agtaud kadagiti matoktokar nga arpa.

Paltiing 14:2 Iomraidhean Croise

2 Samuel 6:5

Ket ni David ken isu-amin a balay ti Israel nagay-ayamda iti saclang ni Jehova cadagiti amin a kita dagiti gamigam a cayo ti parwa, ar-arpa, ken salsalterio, ken panpandereta, ken castanuelas, ken piangpiang.

2 Cronicas 20:28

Ket dimtengda idiay Jerusalem agraman cadagiti salsalterio ken ararpa ken tortororot, agingga iti balay ni Jehova.

Dagiti Salmo 147:7

Cantaanyo ni Jehova iti panagyaman; cantaanyo ti Diostayo cadagiti panangidaydayaw a maarpaan:

Dagiti Salmo 149:3

Idaydayawda coma ti naganna iti panagsalsala: cantaenda coma kencuana dagiti panangidaydayaw a mapandaretaan ken maarpaan.

Dagiti Salmo 33:2

Agyamancayo ken Jehova a buyogen ti arpa: cantaanyo cadagiti panangidaydayaw a danggayan ti pagtocaran a sangapulo dagiti cuerdasna.

Dagiti Salmo 43:4

Iti casta innacto iti altar ti Dios, iti Dios a mangnibinibi a rag-oc; ket harpaecto ti panangidayawco kenca, O Dios, Diosco.

Dagiti Salmo 57:8

Agriingca, kinadayagco; agriingcayo, salterio ken arpa: siac met laeng agriingacto a masapa.

Dagiti Salmo 92:3

A danggayan ti pagtocaran a sangapulo ti cuerdasna ken ti salterio; agraman nadaeg nga aweng ti arpa.

Dagiti Salmo 93:4

Iti ringbaw dagiti timtimec dagiti adu a danum, dagiti napigsa a daranudur ti baybay, ni Jehova sadi ngato adda a sibibileg.

Dagiti Salmo 98:5

Cantaanyo ni Jehova iti panangidaydayaw a bagayan ti arpa; bagayan ti arpa ken timec a macaayayo.

Exodo 19:16

Ket naaramid nga iti maicatlo nga aldaw, idi a bummigat, naggurgurrood ken nagkimkimat, ken nagulep iti napuscol iti rabaw ti bantay, ken naguni ti tangguyob a casta unay ti pigsana; ket nagkintayeg amin dagiti tattao iti pacarso.

Exodo 20:18

Ket amin dagiti tattao nadlawda dagiti gurgurrood, ken dagiti kimkimat, ken ti uni ti tangguyob, ken ti bantay nga agas-asuc; ket idi dagiti tattao nakitada, nagpiggergerda, ket nagyanda iti adayu.

Isaias 17:13

Dagiti nasnacion agdarisonda a cas iti panagdarison dagiti adu a dandanum: ngem tubngarennanto ida, ket agtalawdanto nga umadayu, ken maabogto a cas iti taep dagiti banbantay iti sangoanan ti angin, ken cas iti agtaytayyec a tapoc iti sangoanan ti bagio.

Ezekiel 43:2

Ket, adtoy, ti dayag ti Dios ti Israel immay nanipud iti dalan ti daya; ket ti timecna cas la ti daranudor dagiti adu a dandanum; ket ti daga nagraniag babaen ti dayagna.

Zacarias 9:14

Ket ni Jehova makitanto iti ngatoenda: ket ti panana mapanto a cas iti kimat; ket ni Apo Jehova paguniennanto ti tangguyob, ket mapanto a buyogan ti alipugpog ti abagatan.

1 Taga-Corinto 13:1

No agsaoac coma agraman cadagiti dildila dagiti tattao, ken dagiti angel, ngem awan coma ti ayatco, nagbalinac coma a cas bronce nga aguni, wenno piangpiang nga umaweng.

Paltiing 1:10

Siac addaac idi iti Espiritu, iti aldaw ti Apo, ket nangngegco iti licudac ti maysa a dackel ti timec, a cas la iti uni ti tangguyob.

Paltiing 1:15

Ket dagiti sacsacana, umaspingda iti bronce a napasileng a cas la naguguran iti apuy ti pagpandayan; ket ti timecna cas la daranudor dagiti adu a dandanum.

Paltiing 11:12

Ket nangngegda ti maysa a dackel a timec, a naggapu sadi langit, a nagcuna cadacuada: Umulicayo ditoy. Ket immulida sadi langit babaen ti ulep, a kitkitaen ida dagidi cabusorda.

Paltiing 11:15

Ket daydi maicapito nga angel nagtangguyob: ket simmaruno dagiti dacdackel a timec idiay langit, ket kinunada: Ti pagarian ti lubong nagbalin a cucua ni Apotayo ken ni Cristona: Ket agoninto nga awan ingana.

Paltiing 15:2

Ket nacakitaac iti maysa a cas la baybay a sarming a nalaocan ti apuy; ket dagidiay nagbal-ligi iti daydi animal ken ti ladawanna, ken ti bilang ti naganna, agtatacderda iti igid daydi baybay a sarming nga addaanda cadagiti arpa ti Dios.

Paltiing 18:22

Ket ti timec dagiti umaarpa, ken dagiti agcancanta, ken dagiti pumaflauta, ken dagiti tumatangguyob saanto a mangngeganen kenca; ket awanton ti manursuro ti aniaman nga partuat a masaracan kenca; ket ti uni ti gilingan saanto a mangngegen kenca;

Paltiing 5:8

Ket idi a naalana daydi pagbasaan, dagiti uppat a parsua a sibibiag ken dagidi duapulo ket uppat a lallacay nagrucnoyda, iti sangoanan daydi Cordero, a ti tunggal maysa adda maysa nga arpana, ken malmalocong a balitoc a napno iti incienso, nga isuda dagiti carcararag dagiti sasanto.

Paltiing 6:1

Ket nakitac idi linuctan daydi Cordero daydi maysa cadagidi pito a sello; ket nangngegco daydi maysa cadagidi uppat a parsua a sibibiag, a nagcuna iti casla timec ti gurruod, Umayca.

Paltiing 8:7

Ket daydi immuna nagtangguyob; ket timmaud ti uraro ken apuy a nalaocan iti dara; ket naibellengda iti rabaw ti daga; ket daydi apagcatlo ti daga napuuran, ket daydi apagcatlo dagidi caycayo napuuran, ket amin dagiti nalangto a root napuuranda.