Paltiing 13:8 - Ti Biblia (1973)

⁸ Ket isu-amin dagiti agnaed iti rabaw ti daga pagdaydayawandanto, dagidiay saan a naisurat dagiti nagnaganda iti libro ti biag ti Cordero a napapatay, nanipud idi pannacabangon toy lubong.

Ti Baro a Naimbag a Damag Biblia

⁸ Agdaydayawto kenkuana dagiti amin a tattao iti rabaw ti daga, malaksid dagiti naisurat ti naganda iti libro ti biag sakbay a naparsua ti lubong. Daytoy a libro kukua ti napapatay a Kordero.

Paltiing 13:8 Iomraidhean Croise

Genesis 22:7

Ket ni Isaac kinasaona ni Abraham nga amana, ket kinunana, Amac: ket kinunana, Adtoyac, anacco. Ket isu kinunana, Adtoy ti apuy ken ti cayo a pagsungrod: ngem sadino ti yan ti cordero a maidaton a mapuuran?

Dagiti Salmo 69:28

Mapunasda coma iti libro ti biag, ket saanda a mailista cadagiti nalinteg.

Exodo 32:32

Nupay casta ita, no pacawanem ti basolda—; ket no saan, punasennac, dawatec kenca, iti libro a sinuratam.

Isaias 4:3

Ket maaramidto, a ti mabati idiay Sion, ken ti matda idiay Jerusalem, managananto a nasantoan, ti tumunggal maysa a naisurat cadagiti agbibiag idiay Jerusalem;

Daniel 12:1

Ket iti dayta a pannawen agtacderto ni Miguel, a dackel a principe, isu nga agtacder a maipaay cadagiti annac ti ilim; ken addanto pannawen ti riribuc, isu nga awan idi uray caanoman nanipud iti caadda ti nacion agingga met laeng iti dayta a pannawen: ket iti dayta a pannawen ti ilim maispalto, tunggal maysa a masaracto a naisurat iti libro.

San Mateo 25:34

Iti dayta cunaento ti ari cadagiti adda iti macanawanna: Umaycayo, bendito ni Amac, tawidenyo ti pagarian a naisagana cadacayo nanipud idi pannacabangon ti lubong:

San Lucas 10:20

Ngem dicay agayayat iti daytoy, a dagiti espiritu paiturayanda cadacayo; agayayatcay ketdi ta dagiti nagnaganyo naisuratdan idiay langit.

San Juan 1:29

Iti sumuno nga aldaw makitana ni Jesus nga umay kencuana, ket cunana: Adtoy, ti Cordero ti Dios, a mangiccat ti basol ti lubong!

Taga-Efeso 1:4

Cas iti panangpilina cadatayo kencuana (Cristo) idi saanpay a nabangon ti lubong, tapno agsantotayo ket awan ti pacapilawantay iti sangoananna:

Taga-Filipos 4:3

Ket dawatec kenca met, matalec a catulongan, a tulungam coma dagitoy a babbai, isuda a nakipagbannog caniac iti evangelio, agraman met ken Clemente, ken cadagiti dadduma pay a catulongac, a dagiti nagnaganda addada iti libro ti biag.

Tito 1:2

Babaen ti pananginanama iti biag nga agnanayon, nga ti Dios, a dina mabalin ti agulbod, incarina idi sacbay dagiti ginasgasut a tawen;

Paltiing 12:15

Ket daydi uleg impugsona iti ngiwatna nga impasaruno idi babai, ti danum a cas la maysa a carayan, tapno mayanud coma iti carayan.

Paltiing 13:12

Ket aramatenna ti amin a kinaturay daydi immuna nga animal iti sangoananna. Ket ti daga ken dagiti isu-amin nga agnaed kencuana, pagdaydayawenna ida idi immuna nga animal, a ti sugatna nga ipatay, naagasan.

Paltiing 17:8

Daydiay animal a nakitam, isu ti adda idi ket awan ita, ket nganngani rummuar iti mangliwengliweng, ken mapan iti pacapucawan. Ket dagiti agnaed iti rabaw ti daga, a dagiti nagnaganda saanda a naisurat iti pagbasaan ti biag nanipud idi pannacabangon toy lubong agsiddaawdanto inton makitada ti animal, no casano ti caaddana idi, ket awan ita ken caaddananto.

Paltiing 21:27

Ket saanto a sumrec kencuana uray caano ti aniaman a narugit, wenno uray siasino nga agaramid ti macarimon wenno ulbod; no di laeng dagidiay adda a naisurat iti pagbasaan ti biag a cucua ti Cordero.

Paltiing 3:10

Gapu ta sinalimetmetam ti saoc a kinaanos, siac igagacanto met iti horas ti pannacasuut isu nga umayto iti isu-amin a lubong a natao-an, tapno masuut dagiti agnaed iti rabaw ti daga.

Paltiing 3:20

Adtoy, siac addaac nga agtactacder iti ruangan, ket agtugtugac; no adda dumngegto iti timecco ket luctannanto ti ruangan, sumrecacto kencuana, ket makipanganacto kencuana, ket isu, caniac.

Paltiing 3:5

Ti agbal-liginto castoyto a macawesan cadagiti pagananay a puraw; ket uray caano diacto punasen ti naganna iti libro ti biag, no di ket ipaduyacyacconto ti naganna iti sangoanan ni Amac ken dagiti angelna.

Paltiing 5:12

A cuncunada iti dackel a timec: Maiparbeng daydi Cordero a napapatay idi, nga umawat iti kinapigsa; ti kinabacnang ken ti kinasirib, ken ti pannacabalin, ket ti dayaw ken ti dayag, ken ti bendicion.

Paltiing 5:13

Ket isu-amin a naparsua idiay langit, ken iti rabaw ti daga, ken iti uneg ti daga, ken iti baybay, ken dagiti isu-amin nga adda cadacuada, nangngegco ida nga agcuncuna; Bendicion, ken dayaw ken dayag ken pannacabalin ti adda coma iti daydiay agtutugaw iti trono, ken iti Cordero, iti awan inggana.

Paltiing 6:1

Ket nakitac idi linuctan daydi Cordero daydi maysa cadagidi pito a sello; ket nangngegco daydi maysa cadagidi uppat a parsua a sibibiag, a nagcuna iti casla timec ti gurruod, Umayca.