Paltiing 13:6 - Ti Biblia (1973)

⁶ Ket naglucat daydi ngiwatna tapno tabbaawanna ti Dios, tapno tabbaawanna ti naganna ken ti tabernaculona, ken cadagiti agnaed sadi langit.

Ti Baro a Naimbag a Damag Biblia

⁶ Rinugianna ti agsao iti maibusor iti Dios, iti nagan ti Dios, iti balay ti Dios ken amin nga agnaed sadi langit.

Paltiing 13:6 Iomraidhean Croise

Ti Libro ni Job 3:1

Calpasan daytoy nangrugi a nagsao ni Job, ket inlunodna ti aldawna.

Dagiti Salmo 73:9

Intan-ocda ti ngiwatda cadagiti langlangit, ket ti dilada agdakiwas ditoy daga.

Daniel 11:36

Ket ti ari agaramidto iti cas mainugot iti pagayatanna; ket itan-ocnanto ti bagina met laeng, ken padackelenna ti bagina met laeng iti ngato ti amin a didios, ket agsaonto cadagiti nacascasdaaw a banbanag a maibusor iti Dios dagiti didios; ket rumang-ayto agingga iti matungpal ti pungtot; ta daydiay nakedngan maaramidto.

Daniel 7:25

Ket isu agbalicasto cadagiti sasao a maicaniwas iti Cangatoan, ket pacapuyennanto dagiti sasanto ti Cangatoan; ket panunutennanto a balbaliwan dagiti pannawen ken linteg; ket maiyawatdanto iti imana aginggana iti maysa a pannawen ken dagiti pannawen ken guddua ti maysa a pannawen.

Daniel 7:8

Minatmatac dagiti sara, ket adtoy, a rimmusing cadacuada ti sabali a sara, maysa a bassit a sara, ket iti sangoananna tallo cadagati immuna a sarsara naparutda cadagiti ramramutda: ket adtoy, iti daytoy a sara adda idi matmata a cas cadagiti mata ti tao, ken maysa a ngiwat nga agsasao cadagiti dadackel a banbanag.

San Mateo 12:34

Dacayo caputotan dagiti carasaen. Casano ti pannacabalinyo nga agsao cadagiti banag a naimbag, idinto a dakescayo? Ta ti naruay iti puso isu ti saoen ti ngiwat.

San Mateo 15:19

Ta iti puso rummuar dagiti dakes a panunot, pammapatay, pannakicamalala, ab-abig, tactacaw, naulbod a manangsacsi, tabtabaaw iti Dios;

San Juan 1:14

Ket daydi a Verbo nagbalin a lasag, ket nakipaggian cadatayo: (ket nakitami ti dayagna, a cas la iti dayag ti Bugbugtong nga Anac ti Ama), napno ti parabur ken pudno.

Taga-Roma 3:13

Tanem a silulucat ti carabucobda: Cadagiti dildilada nagaramidda ti ulbod: Gita dagiti ul-uleg ti adda iti baba dagiti bibbibigda;

Taga-Colosas 1:19

Ta macaay-ayo iti Ama a ti amin a pannacapunno agtaeng kencuana;

Taga-Colosas 2:9

Ta kencuana agtaeng ti naananay a Kinadios a sibubukel,

Hebreo 9:2

Ta maysa a tabernaculo naisagana; daydi immuna a naggianan ti candelero, ken ti lamisaan, ken ti tinapay a sidadaya; isu a managan ti Santo a disso.

Hebreo 9:24

Ta saan a simrec ni Cristo iti maysa a Santo a disso nga inaramid ti ima, nga isu ti catulad ti napudno, no di ket idiay langit met laeng, tapno agparang ita iti sangoanan ti Dios gapu cadatayo:

Paltiing 11:12

Ket nangngegda ti maysa a dackel a timec, a naggapu sadi langit, a nagcuna cadacuada: Umulicayo ditoy. Ket immulida sadi langit babaen ti ulep, a kitkitaen ida dagidi cabusorda.

Paltiing 12:12

Gapuna, agragragocayo, O langlangit, ken dacayo nga agnaed cadacuada, Asicayo pay daga ken baybay; ta ti diablo immulog cadacayo, nga addaan dackel a pungtot, nga ammona a bassiten ti tiempona.

Paltiing 15:5

Ket idi nalpas dagitoy nakitac a naluctan daydi templo ti tabernaculo ti pammanecnec sadi langit:

Paltiing 18:20

Agragragoca maipanggep kencuana, O, langit, ken dacayo a sasanto ken dacayo nga apostol ken dacayo a mammadto; ta ti Dios imbalesanna cayo kencuana.

Paltiing 21:3

Ket nangngegco ti maysa a dackel a timec a naggapu iti trono nga agcuncuna: Adtoy ti tabernaculo ti Dios adda cadagiti tattao, ket isu makipagnaedto cadacuada, ket isudanto dagiti tattaona, ket ti Dios met laeng addanto cadacuada, a Dios da:

Paltiing 4:1

Calpasan dagitoy, kimmitaac, ket adtoy, maysa a ruangan, a naluctan idiay langit, ket ti umuna a timec a nangngegco, a cas la uni ti tangguyob, a nakisasao caniac, a cuncunana; Umulica ditoy; ket iparangconto kenca dagiti banbanag a mapasamacto iti masacbayan.

Paltiing 4:4

Ket iti aglicmut di trono adda duapulo ket uppat a trono, ket dagiti trono agtutugaw dagiti duapulo ket uppat a lallacay a nagcawes cadagiti pagananay a puraw; ket cadagiti ol-oloda adda balbalangat a balitoc.

Paltiing 5:13

Ket isu-amin a naparsua idiay langit, ken iti rabaw ti daga, ken iti uneg ti daga, ken iti baybay, ken dagiti isu-amin nga adda cadacuada, nangngegco ida nga agcuncuna; Bendicion, ken dayaw ken dayag ken pannacabalin ti adda coma iti daydiay agtutugaw iti trono, ken iti Cordero, iti awan inggana.

Paltiing 7:15

Gapu itoy addada iti sangoanan ti trono ti Dios, ket agserservida kencuana iti aldaw ken rabii iti templona: ket daydiay nagtugaw iti trono isalucubnanto ti tabernaculona cadacuada.

Paltiing 7:9

Calpasan dagitoy, kimmitaac, ket adtoy, ti umariwecwec, nga awan ti nacabalin a bumilang, a naggapuda cadagiti isu-amin a pagarian ken tribu ken il-ili ken pagsasao, nga agtatacderda iti sangoanan di trono ken iti sangoanan daydi Cordero, a nagcawesda cadagiti pagananay a puraw, ket adda palpalma cadagiti im-imada;