Paltiing 13:4 - Ti Biblia (1973)

⁴ Ket nagdaydayawda idi dragon gapu ta intedna ti turayna idi animal; ket nagdaydayawda idi animal a cuncunada: Siasino ti pumadpad itoy nga animal? Ket siasino ti macabalin a manggubat kencuana?

Ti Baro a Naimbag a Damag Biblia

⁴ Nagdaydayaw dagiti amin a tattao iti dragon gapu ta intedna ti turayna iti animal. Nagdaydayawda met iti animal. “Siasino ti kas iti narungsot nga animal?” kinunada. “Siasino ti makabael a makirupak kenkuana?”

Paltiing 13:4 Iomraidhean Croise

Exodo 15:11

Asino ti pumadpad kenca, O Jehova, cadagiti didios? Asino ti pumadpad kenca, a nagloriaan iti kinasanto, Nacaam-amac cadagiti pannacadaydayaw, nga agar-aramid cadagiti datdatlag?

Isaias 46:5

Asino ti pangipadisanyonto caniac, ken pangipadpadanyo caniac, ken pangyariganyo caniac, tapno mabalinmi coma ti agaasping?

2 Taga-Corinto 4:4

Cadacuada ti dios a nailubongan binulsecna dagiti isisip dagiti saan a mamati, tapno di agraniag cadacuada ti lawag ti evangelio ti dayag ni Cristo, isu a ladawan ti Dios.

Deuteronomio 9:2

Maysa nga umili a dackel ken natayag, nga annac dagiti Enaceos, nga ammomon, ken ti maipapan cadacuada nangngegmo a masasao, Asino ti macabael cadagiti annac ni Enac?

2 Taga-Tesalonica 2:4

Isu a sumalungasing ken agpalangguad a bumusor iti isu-amin a managan Dios, wenno ti nairucbab; ket iti casta agtugaw iti templo ti Dios, nga agparang a cas la isu ti Dios.

Paltiing 12:3

Ket nakita ti sabali a nacascasdaaw sadi langit; ket adtoy ti maysa a dackel a dragon a nalabaga, nga adda pito nga olona ken sangapulo a sarana, ket iti rabaw dagiti ol-olona, pito a corona.

Paltiing 12:4

Ket ti ipusna guyudenna ti apagcatlo dagiti bitbituen sadi langit ket imbacalna ida iti daga: ket daydi dragon adda iti sangoanan daydi babai a nganngani aganac, tapno alun-unenna daydi anacna inton maipasngay.

Paltiing 13:11

Ket nacakitaac, iti sabali nga animal nga immuli manipud iti daga; ket adda dua a sarana a cas la ti maysa a cordero, ket agsasao idi a cas dragon.

Paltiing 13:15

Ket naipalubus kencuana a mangted ti anges iti ladawan daydi animal, tapno daydi ladawan ti animal saan laeng nga agsao coma, no di ket papapatayna dagup dagidi saan nga agrucbab idi ladawan daydi animal.

Paltiing 13:2

Ket daydi animal a nakitac umas-asping iti maysa a leopardo, ket dagiti sacsacana cas la sacsaca ti oso, ket ti ngiwatna cas la ngiwat ti leon: ket inted daydi dragon kencuana ti pannacabalinna ken ti tronona, ken dackel a kinaturay.

Paltiing 17:14

Dagitoy gubatendanto ti Cordero; ket ti Cordero abakennanto ida, ta isu ti Apo dagiti ap-apo, ken Ari dagiti ar-ari, ket dagiti maicuyog kencuana, isuda dagiti maayaban ken mapili ken mapagtalcan.

Paltiing 18:18

Ket agic-ickisda, idi makitada ti asuc daydi pacapuuranna, a cuncunada: Ania ti umas-asping iti daydiay dackel a ciudad?

Paltiing 9:20

Ket dagiti natda a tattao a saan a napapatay cadagitoy a pannaplit, saanda a nagbabawian dagiti ar-aramid dagiti imimada, tapno dida coma pagrucbaban dagiti demonio ken dagiti didiosen a balitoc ken pirac, ken bronce ken bato, ken cayo; isuda a dida mabalin ti cumita, wenno dumngeg uray magna.

1 Samuel 17:24

Ket isu-amin a tattao ti Israel no makitada idi daydi lalaki, isu intarayanda, ket nagbutengda iti napalalo.