Paltiing 13:16 - Ti Biblia (1973)

¹⁶ Ket pamarcaanna dagiti isu-amin, babassit ken dadackel, babacnang ken napanglaw, dagiti siwayawaya ken dagiti paad-adipen, tapno adda marca iti imada a macanawan wenno iti mugingda;

Ti Baro a Naimbag a Damag Biblia

¹⁶ Pinilit ti narungsot nga animal dagiti amin a tattao, nanumo ken natan-ok, nabaknang ken napanglaw, tagabu ken siwawayawaya, a mamarkaan iti makannawan nga ima wenno iti mugingda.

Paltiing 13:16 Iomraidhean Croise

2 Cronicas 15:13

Ket nagtutulagda a ti siasinoman a di agsapul ken Jehova, a Dios ti Israel, mapapatay coma, bassit, man wenno dackel, lalaki man wenno babai.

Ti Libro ni Job 34:19

Ti di agraem cadagiti kina-tao dagiti principe, wenno mangipangpangrona iti bacnang ngem iti napanglaw; ta isuda amin aramid ida dagiti im-imana.

Dagiti Salmo 115:13

Bendicionannanto dagiti agbuteng ken Jehova, babassit man ken dadackel.

Dagiti Salmo 49:2

Nababa man ken nangato, nabacnang ken napanglaw agpapadada amin.

Exodo 13:9

Ket addanto maysa a pagilasinan kenca ita imam, ken maysa a pacalaglagipan iti baet dagita matam, tapno ti linteg ni Jehova adda iti ngiwatmo: ta gapu iti napigsa nga ima innalanaca ni Jehova sadi Egipto.

Ezekiel 9:4

Ket ni Jehova kinunana kencuana, Lumabasca iti tengnga ti ili, iti nagtengngaan ti Jerusalem, ket iccam ti tanda ti muging dagiti lallaki nga agsaibbec ken agsangit gapu cadagiti amin a kinarimon a maar-aramid iti nagtengngaanna.

Zacarias 13:6

Ket adda agcunanto kencuana, Ania dagitoy sugsugat iti nagbaetan dagiti takiagmo? Isu sumungbatton, Dagitoy a sugat naalac ida idiay balay dagiti gagayyemco.

Dagiti Aramid 26:22

Idi ngarud a naragpatco ti tulong ti Dios, agingga itoy nga aldaw sitatacderac a mangpanecnec cadagiti babassit ken dadackel, a diac sawen ti uray aniaman, no di laeng dagidi banag a dagidi mammadto ken ni Moises, insaoda a mapasamacto;

1 Taga-Corinto 12:13

Ta gapu iti maymaysa nga Espiritu datay amin nabautizarantayo, iti panagmaymaysa a bagi, uray Judio wenno Griego tayo; uray paad-adipen wenno agwayawaya; ket datay amin napainumtayo iti maymaysa nga Espiritu.

Taga-Galacia 3:28

Kencuana awan ti Judio ken Griego, awan ti adipen wenno agwayawaya, awan lalaki wenno babai; ta dacayo amin maymaysacayo ken Cristo Jesus.

Taga-Galacia 6:17

Manipud ita ken iti masangoanan awan coma ti mangriribuc caniac, ta adda iti bagic dagiti marca ni Jesus.

Taga-Efeso 6:8

A siammocayo nga uray ania a banag a naimbag nga aramidento ti tunggal maysa, adipen man wenno saan, awatennanto ti supapacna iti biang ti Apo,

Deuteronomio 11:18

Isu ti gapuna nga ipasnecyonto dagitoy a sasaoc cadagita pusoyo ken cararuayo, ket ibedbedyonto ida a cas maysa a tandaan ita imayo, ket isudanto ti pannacabedbed ti baet dagiti matayo.

Deuteronomio 6:8

Ket ibedbedmonto ida ita imam a maysa a tandaan, ket isudanto ti pannacabedbed ti baet dagita matam.

Taga-Colosas 3:11

A kencuana awan ti Griego ken Judio, pannacacugit ken di pannacacugit uray gangannaet, uray Escita, uray adipen ken agwayawaya; no di ket ni Cristo ti isu-amin ket adda cadagiti isu-amin.

2 Timoteo 3:8

Ket cas ti panangsukirda ken Moises da Janes ken Jambres, casta met dagitoy sukirenda ti kinapudno; tattao a dimmakes ti panunotda, ket mababalawda maipapan iti pammati.

Paltiing 11:18

Ket nacapungtot dagiti pagpagarian, ket dimtengen ti pungtotmo, ken ti aldaw dagiti natay a maipaay iti pannacaocom, ken ti pannacaited ti gonggona cadagiti adipenmo a mammadto ken cadagiti sasanto, ken cadagiti agbuteng iti naganmo, babassit ken dadackel, ken ti panangdadael dagiti mangrebbec iti daga.

Paltiing 15:2

Ket nacakitaac iti maysa a cas la baybay a sarming a nalaocan ti apuy; ket dagidiay nagbal-ligi iti daydi animal ken ti ladawanna, ken ti bilang ti naganna, agtatacderda iti igid daydi baybay a sarming nga addaanda cadagiti arpa ti Dios.

Paltiing 19:18

Tapno canenyo ti lasag dagiti ar-ari, ken ti lasag dagiti cacapitan ken ti lasag dagiti mannacabalin a lallaki, ken ti lasag dagiti cacabayo ken dagiti nagsacay cadacuada, ken ti lasag dagiti isu-amin a tattao, agwayawayada man wenno paad-adipen, babassit ken dadackel.

Paltiing 19:20

Ket natiliw daydi animal, ket nairaman kencuana daydi saan a pudno a mammadto a nagar-aramid cadagiti datdatlag iti sangoananna, isuda a pinangalallilawna cadagiti immawat iti marca daydi animal, ken dagidi nagrucrucbab iti ladawanna. Dagitoy dua naitappuacda a sibibiag idi danaw ti apuy a dumardarang nga addaan azufrena:

Paltiing 19:5

Ket manipud iti trono rimmuar ti maysa a timec, a cuncunana: Dayawenyo ti Diostayo, dacayo amin nga ad-adipenna dacayo nga agbuteng kencuana babassit ken dadackel.

Paltiing 20:12

Ket nakitac dagiti natay, babassit ken dadackel, a nagtatacder iti sangoanan di trono; ket nabistrad dagiti pagbasaan; nabistrad met ti sabali a pagbasaan, nga isu ti pagbasaan ti biag, ket dagiti natay naocomda cadagiti banbanag a naisurat cadagiti pagbasaan cas mayannurot cadagiti aramidda.

Paltiing 20:4

Ket nakitac dagiti trono; ken dagiti nagtugaw cadacuada; ket naitalec cadacuada ti panangocom ket dagiti carcararua dagiti naputulan gapu iti pammanecnec ken Jesus ken gapu iti sao ti Dios, ken dagup dagiti saan a nagdaydayaw idi animal ken iti ladawanna ken saan a mamarcaan cadagiti mugmugingda ken iti imada; ket dagitoy nagbiagda, ket nakipagarida ken Cristo iti sangaribo a tawen.

Paltiing 6:15

Ket dagiti ar-ari ti daga, ken dagiti annac ti ari, ken dagiti cocoronel ken dagiti babacnang, ken dagiti mannacabalin, ken isu-amin nga adipen ken agwayawaya, naglemmengda cadagiti rucrukib, ken cadagiti batbato cadagiti banbantay;

Paltiing 7:3

A cunana: Dicay ranggasan ti daga ken castamet ti baybay wenno dagiti caycayo, agingga iti dicam maselloan dagiti adipen ti Diostayo cadagiti mugmuginda.