Paltiing 13:13 - Ti Biblia (1973)

¹³ Ket agar-aramid cadagiti dadackel a datdatlag, nga uray pay pababaenna sadi langit ti apuy nga umay ditoy daga, iti imatang dagiti tattao.

Ti Baro a Naimbag a Damag Biblia

¹³ Nagiparang kadagiti nakaskasdaaw a pagilasinan ti maikadua a narungsot nga animal. Iti imatang ti amin, pinagtinnagna ditoy daga ti apuy manipud langit.

Paltiing 13:13 Iomraidhean Croise

San Mateo 24:24

Ta tumacderdanto dagiti saan a pudno a Cristo, ken dagiti saan a pudno a mammadto, ket mangipakitadanto cadagiti dadackel a pagilasinan ken datdatlag tapno mangisiasida coma no mabalin, uray pay cadagiti napili.

Paltiing 19:20

Ket natiliw daydi animal, ket nairaman kencuana daydi saan a pudno a mammadto a nagar-aramid cadagiti datdatlag iti sangoananna, isuda a pinangalallilawna cadagiti immawat iti marca daydi animal, ken dagidi nagrucrucbab iti ladawanna. Dagitoy dua naitappuacda a sibibiag idi danaw ti apuy a dumardarang nga addaan azufrena:

Paltiing 16:14

Ta isuda dagiti espiritu dagiti demonio, nga agar-aramid cadagiti datdatlag; isuda a mapan cadagiti ar-ari ti amin a lubong tapno urnungenda ida a maisagana iti gubat ti dackel nga aldaw ti Dios a Mannacabalin-amin.

Paltiing 20:9

Ket nagwarasda iti naglawaan ti daga, ket linawlawda daydi campamento dagiti sasanto iti aglicmut, ken ti ciudad nga ay-ayaten; ket bimmaba ti apuy sadi langit, ket inalun-unna ida.

1 Ar-ari 18:38

Idin ti apuy ni Jehova nagtinnag, ket rinunawna ti daton a mapuuran, ken ti cayo, ken dagiti bato, ken ti tapoc, ket dinilpatanna ti danum nga adda iti canal.

San Marcos 13:22

Ta tumacderdanto dagiti sinan Cristo, ken sinan mammadto, ket mangipakitadanto cadagiti pagilasinan ken datdatlag, tapno macapasurotda no mabalin coma, uray pay cadagiti napili.

Paltiing 11:5

Ket no adda manggayagay a mangranggas cadacuada, rummuar ti apuy cadagiti ngiwatda, ket alununenna dagiti cabusorda; ket no adda manggayagay a mangranggas cadacuada, masapul a mapapatay iti castoy.

2 Timoteo 3:8

Ket cas ti panangsukirda ken Moises da Janes ken Jambres, casta met dagitoy sukirenda ti kinapudno; tattao a dimmakes ti panunotda, ket mababalawda maipapan iti pammati.

San Mateo 16:1

Ket dagiti Fariseo ken dagiti Saduseo, immayda susuuten ket dinawatda kencuana nga ipakitaanna coma ida ti maysa a pagilasinan iti langit.

Numero 16:35

Ket rimmuar ti apuy nga aggapu ken Jehova, ket inalun-unna dagiti dua gasut ket limapulo a lallaki a nangipaay iti incienso.

Exodo 9:11

Ket dagiti managsalamangca dida mabalin idi ti sumango gapu ta nagbusalida; ta nagbusali dagiti agsalsalamangca ken amin a taga Egipto.

Exodo 8:7

Ket dagiti managsalamangca inaramidda ti casta cadagiti salsalamangcada, ket nangpaulida cadagiti tuctucac iti daga nga Egipto.

Exodo 7:22

Ket dagiti managsalamangca ti Egipto inaramidda met ti casta cadagiti salsalamangcada: ket ti puso ni Faraon napatangken, ket dina ida impangag, cas panagsao idi ni Jehova.