Paltiing 13:11 - Ti Biblia (1973)

¹¹ Ket nacakitaac, iti sabali nga animal nga immuli manipud iti daga; ket adda dua a sarana a cas la ti maysa a cordero, ket agsasao idi a cas dragon.

Ti Baro a Naimbag a Damag Biblia

¹¹ Nakakitaak manen iti sabali a narungsot nga animal a rimmuar iti daga. Dua ti sarana a kasla sara ti karnero, ngem kasla agsasao a dragon.

Paltiing 13:11 Iomraidhean Croise

Daniel 7:8

Minatmatac dagiti sara, ket adtoy, a rimmusing cadacuada ti sabali a sara, maysa a bassit a sara, ket iti sangoananna tallo cadagati immuna a sarsara naparutda cadagiti ramramutda: ket adtoy, iti daytoy a sara adda idi matmata a cas cadagiti mata ti tao, ken maysa a ngiwat nga agsasao cadagiti dadackel a banbanag.

Daniel 8:3

Idin intangadco dagiti matac, ket nakitac, ket adtoy a nagtacder iti sango ti carayan ti maysa a carnero a lallaki nga adda dua a sarana: ket dagiti dua a sarana nangatoda; ngem ti maysa nangatngato ngem ti sabali, ket daydi nangatngato timmubo a naud-udi.

San Mateo 7:15

Agaluadcayo cadagiti naulbod a mammadto nga umayda cadacayo a nacacawes a cas la carnero, ngem iti unegda loboda a narawet.

Taga-Roma 16:18

Ta dagita saanda nga agservi ken Apotayo a Jesu-Cristo, no di ket cadagiti titianda met laeng ket gapu cadagiti nalinis ken nasayaat a palpalawag al-lilawenda dagiti puspuso dagiti nanengneng.

2 Taga-Tesalonica 2:4

Isu a sumalungasing ken agpalangguad a bumusor iti isu-amin a managan Dios, wenno ti nairucbab; ket iti casta agtugaw iti templo ti Dios, nga agparang a cas la isu ti Dios.

Paltiing 11:7

Ket no inton malpasda ti panangsacsidan, ti animal nga umuli nga aggapu iti mangliwengliweng gubatennanto ida, ket abakennanto ida, ket papatayenna ida.

Paltiing 12:17

Ket nacapungtot daydi dragon idi babai, ket napanna ginubat ti natda iti capuonanna, a mangsalimetmet cadagiti bilbilin ti Dios ken addaanda ti pammanecnec ni Jesus:

Paltiing 13:1

Ket siac nagtactacderac iti cadaratan iti igid ti baybay. Ket nacakitaac ti maysa nga animal a sumang-at manipud idi baybay, isu nga adda sangapulo a sarana ken pito nga olona, ket iti rabaw dagidi sarsarana, sangapulo a balangat, ket idi rabaw dagidi ol-olona, dagiti nagnagan ti tabbaaw.

Paltiing 13:17

Ket tapno awan coma ti tao a macabalin a gumatang wenno aglaco, no di laeng daydiay addaan marca, daydi nagan ti animal wenno daydi bilang ti naganna.

Paltiing 13:4

Ket nagdaydayawda idi dragon gapu ta intedna ti turayna idi animal; ket nagdaydayawda idi animal a cuncunada: Siasino ti pumadpad itoy nga animal? Ket siasino ti macabalin a manggubat kencuana?

Paltiing 16:13

Ket nakitac a rumrummuar idi ngiwat daydi dragon, ken idi ngiwat daydi animal ken idi ngiwat daydi saan a pudno a mammadto dagiti tal-lo nga espiritu a narugit, a cas da la tucac:

Paltiing 17:6

Ket nakitac daydi babai a nabartec iti dara dagiti sasanto ken iti dara dagiti sacsi ni Jesus. Ket idi a nakitac, nagsiddaawac iti dackel a pannacasdaaw.

Paltiing 17:8

Daydiay animal a nakitam, isu ti adda idi ket awan ita, ket nganngani rummuar iti mangliwengliweng, ken mapan iti pacapucawan. Ket dagiti agnaed iti rabaw ti daga, a dagiti nagnaganda saanda a naisurat iti pagbasaan ti biag nanipud idi pannacabangon toy lubong agsiddaawdanto inton makitada ti animal, no casano ti caaddana idi, ket awan ita ken caaddananto.