Paltiing 13:1 - Ti Biblia (1973)

¹ Ket siac nagtactacderac iti cadaratan iti igid ti baybay. Ket nacakitaac ti maysa nga animal a sumang-at manipud idi baybay, isu nga adda sangapulo a sarana ken pito nga olona, ket iti rabaw dagidi sarsarana, sangapulo a balangat, ket idi rabaw dagidi ol-olona, dagiti nagnagan ti tabbaaw.

Ti Baro a Naimbag a Damag Biblia

¹ Nakitak ti maysa a narungsot nga animal a rumrumkuas iti taaw. Pito ti ulona ket sangapulo met ti sarana. Nagkorona ti tunggal sara ket iti tunggal ulo, adda dagiti naisurat a nagan a nanglais iti Dios.

Paltiing 13:1 Iomraidhean Croise

Jeremias 5:22

Saancayo aya nga agbuteng caniac? cuna ni Jehova: saancayo aya nga agpigergerto iti sangoanac, siac a nangicabil ti darat a beddeng ti baybay, ti agnanayon a bilin, nga isu saannanto a malasat? ket uray dagiti dalluyonna agpallatocda, nupay casta saanda nga umartap: uray pay no agungorda, nupay casta saanda a malasat.

Daniel 11:36

Ket ti ari agaramidto iti cas mainugot iti pagayatanna; ket itan-ocnanto ti bagina met laeng, ken padackelenna ti bagina met laeng iti ngato ti amin a didios, ket agsaonto cadagiti nacascasdaaw a banbanag a maibusor iti Dios dagiti didios; ket rumang-ayto agingga iti matungpal ti pungtot; ta daydiay nakedngan maaramidto.

Daniel 2:41

Ket cas nakitam cadagiti saca ken ramay dagiti saca a dadduma a paset damili ken dadduma landoc, isunto ti maysa a nabingay a pagarian; ngem addanto kencuana ti bileg ti landoc, cas nakitam iti landoc a nalaocan iti dadamilien.

Paltiing 11:7

Ket no inton malpasda ti panangsacsidan, ti animal nga umuli nga aggapu iti mangliwengliweng gubatennanto ida, ket abakennanto ida, ket papatayenna ida.

Paltiing 12:3

Ket nakita ti sabali a nacascasdaaw sadi langit; ket adtoy ti maysa a dackel a dragon a nalabaga, nga adda pito nga olona ken sangapulo a sarana, ket iti rabaw dagiti ol-olona, pito a corona.

Paltiing 13:11

Ket nacakitaac, iti sabali nga animal nga immuli manipud iti daga; ket adda dua a sarana a cas la ti maysa a cordero, ket agsasao idi a cas dragon.

Paltiing 13:14

Ket allilawenna dagiti agnaed iti rabaw ti daga, gapu cadagiti pagilasinan a naited kencuana nga aramiden, iti imatang daydi animal, a cuncunana cadagiti agnaed iti rabaw ti daga, a mangaramidda coma iti maysa a ladawan di animal a nasugatan iti campilan, ket nagbiag.

Paltiing 13:15

Ket naipalubus kencuana a mangted ti anges iti ladawan daydi animal, tapno daydi ladawan ti animal saan laeng nga agsao coma, no di ket papapatayna dagup dagidi saan nga agrucbab idi ladawan daydi animal.

Paltiing 15:2

Ket nacakitaac iti maysa a cas la baybay a sarming a nalaocan ti apuy; ket dagidiay nagbal-ligi iti daydi animal ken ti ladawanna, ken ti bilang ti naganna, agtatacderda iti igid daydi baybay a sarming nga addaanda cadagiti arpa ti Dios.

Paltiing 16:13

Ket nakitac a rumrummuar idi ngiwat daydi dragon, ken idi ngiwat daydi animal ken idi ngiwat daydi saan a pudno a mammadto dagiti tal-lo nga espiritu a narugit, a cas da la tucac:

Paltiing 17:16

Ket dagiti sangapulo a sara a nakitam ken ti animal, guraendanto ti balangcantis, ket pagwalangwalangendanto a lamolamo, ket sidaendanto ti lasagna, ket ipuurandanto iti apuy;

Paltiing 17:3

Ket impannac babaen iti Espiritu iti maysa a let-ang; ket nakitac idiay ti maysa a babai a nagsacay iti maysa nga animal a nalabaga, a napno cadagiti nagnagan a tabbaaw, nga addaan pito nga olo ken sangapulo a sara.

Paltiing 17:5

Ket idi mugingna naisurat ti maysa a nagan: PALIMED: TI BABILONIA DACKEL, INA DAGITI BALANGCANTIS KEN DAGITI NACARIMRIMON DITOY DAGA.

Paltiing 19:19

Ket nakitac daydi animal, ken dagiti ar-ari ti daga ken dagiti buybuyotda, a naurnongda tapno gubatenda daydiay nagsacay idi cabayo, ken daydi buybuyotna.