Paltiing 12:9 - Ti Biblia (1973)

⁹ Ket naigarangogong daydi dackel a dragon, daydi uleg a cadaanan nga isu ti managan ti Diablo ken Satanas, isu a mangallilaw iti isu-amin a lubong; naitapuac itoy daga, ket dagidi angelna naitapuacda a naicanunong kencuana.

Ti Baro a Naimbag a Damag Biblia

⁹ Naitappuak ti dakkel a dragon, daydi uleg idi ugma a managan Diablo wenno Satanas, a mangal-allilaw iti entero a lubong. Naitappuak ditoy daga agraman dagiti anghelesna.

Paltiing 12:9 Iomraidhean Croise

Genesis 3:1

Itan ti uleg isu idi a casisicapan cadagiti amin nga animal iti daga nga inaramid ni Jehova Dios. Ket isu kinunana iti babai, Pudno aya a kinuna ti Dios, Saancay a mangan iti amin a cayo iti minuyongan?

Genesis 3:13

Idin ni Jehova Dios kinunana iti babai, Ania daytoy nga inaramidmo? Ket ti babai kinunana, Ti uleg inulbodnac ket nanganac.

1 Cronicas 21:1

Ket ni Satanas timmacder a maibusor iti Israel, ket tinignayna ni David a mangbilang iti Israel.

2 Cronicas 18:21

Ket isu simmungbat, Siac rumuaracto, ket agbalinacto a maysa a naulbod nga espiritu iti ngiwat ti amin dagiti mammadtona. Ket isu kinunana, Siac allilawem, ket isu pagballigiem met: rumuarca, ket aramidem ti casta.

Dagiti Salmo 109:6

Mangicabilca iti dakes a tao nga agimaton kencuana; ken tumacder coma iti maysa a mangrupir idiay macanawan nga imana.

Isaias 14:12

Anian ti pannacatnagmo nanipud langit, O baggac, nga anac ti bigat! anian ti pannacakeltaymo a naipadaga, sica a pinagpacumbabam dagiti nasnacion!

Isaias 27:1

Iti dayta nga aldaw ni Jehova babaen ti natangken ken dackel ken napigsa a campilan dusaennanto ti leviathan a nasiglat nga uleg, ken ti leviathan a calawikiw nga uleg; ken papatayennanto ti olimaw nga adda iti baybay.

Isaias 65:25

Ti lobo ken ti cordero aglanglangdanto nga agarab, ket ti leon manganto iti garami a cas iti vaca; ket ti tapoc isunto ti canen ti uleg. Didanto mangranggas, didanto met mangdadael iti amin a nasantoan a bantayco, cuna ni Jehova.

Ezekiel 28:16

Gapu iti caadu ti panagtagilacom pinunnoda ti tengngam iti panangranggas ket sica nagbasolca: gapuna nga imbellengca a cas saan a sagrado iti bantay ti Dios; ket dinadaelca, O mangabbong a kerubin, manipud iti tengnga dagiti batbato nga apuy.

San Mateo 13:39

Ket ti cabusor a nangimula cadagitoy, isu ti diablo: ket ti panagani isu ti panungpalan ti lubong; ket dagiti agani isuda dagiti angel.

San Mateo 24:24

Ta tumacderdanto dagiti saan a pudno a Cristo, ken dagiti saan a pudno a mammadto, ket mangipakitadanto cadagiti dadackel a pagilasinan ken datdatlag tapno mangisiasida coma no mabalin, uray pay cadagiti napili.

San Mateo 25:41

Ket cunaennanto met cadagiti adda iti macatigidna: Umadayocayo caniac, nailunod, incay iti apuy nga agnanayon, a naisagana iti diablo ken cadagiti angelna.

San Mateo 4:1

Idin ni Jesus naipan iti Espiritu idiay let-ang, tapno sulisugen ti diablo.

San Mateo 4:10

Idin ni Jesus kinunana kencuana: Pumanawca, Satanas: ta adda a naisurat: Agdaydayawca iti Apo a Diosmo ket isu ti pagserviamto laeng.

San Mateo 4:5

Idin daydi diablo impanna iti nasantoan a ciudad, ket insaadna iti rabaw ti cangatoan ti Templo.

San Mateo 4:8

Di diablo impanna manen iti maysa a bantay a natayag unay, ket impakitana kencuana dagiti isu-amin a pagpagarian ti lubong ken ti dayagda.

San Lucas 10:18

Ket kinunana cadacuada: nakitac ni Satanas a natnag nanipud langit a cas la sal-it.

San Lucas 13:16

Ket daytoy babai, nga anac ni Abraham, adtoy a binalud ni Satanas iti bayat ti sangapulo ket walo a tawen, saan aya a maipaay a bucraan iti daytoy a pannacabalud iti aldaw a panaginana?

San Lucas 22:3

Ket simrec ni Satanas ken Judas; a napanaganan ti Iscariote, isu a maysa cadagiti sangapulo ket dua.

San Lucas 22:31

Kinuna met ti Apo: Simon, Simon, adtoy ni Satanas dinawatnacayo tapno iriidennacayo a cas la trigo:

San Lucas 8:12

Ket dagiti nagdisso iti asideg ti dalan, isuda dagiti nagdengngeg; iti calpasanna umay ti sairo, ket iccatenna ti sao iti pusoda, tapno dida patien ket dida maisalacan.

San Juan 12:31

Ita ti pannacaocom daytoy a lubong: ita ti principe daytoy a lubong maibel-lengto iti ruar.

San Juan 14:30

Diac makipagsaonton ti adu cadacayo: ta umay ti principe ti lubong; ket awan ti cucuana caniac;

San Juan 16:11

Ken ti maipapan iti panangocom, gapu ta ti principe daytoy a lubong naocomen.

San Juan 8:44

Cucuanacayo ti diablo nga amayo, ket cayatyo nga aramiden dagiti calicagum ni amayo. Isu nacapapatay nanipud idi damo, ket saan a nagtalinaed iti pudno, ta awan ti pudno kencuana. No agsao ti ulbod, saoenna ti cababalinna met laeng ta isu manangulbod ket ama ti kinaulbod.

Dagiti Aramid 26:18

Tapno lucatam dagiti matada, tapno manipud cadagiti sipnget agsublida iti lawag, ket manipud iti pannacabalin ni Satanas agsublida iti Dios; tapno awatenda ti pannacaiccat dagiti basbasol, ken pannakipagtawid cadagiti mapagsanto gapu iti pammati caniac.

Dagiti Aramid 5:3

Ngem kinuna ni Pedro: Ananias, apayapay pinunno ni Satanas ta pusom a mangulbod iti Espiritu Santo ken mangitidda ti naglacoan ti talon?

Taga-Roma 16:18

Ta dagita saanda nga agservi ken Apotayo a Jesu-Cristo, no di ket cadagiti titianda met laeng ket gapu cadagiti nalinis ken nasayaat a palpalawag al-lilawenda dagiti puspuso dagiti nanengneng.

Taga-Roma 16:20

Ket ti Dios ti cappia dunorennanto iti mabiit ni Satanas iti babaen dagiti sacsacayo. Ti parabur ni Apotayo a Jesu-Cristo adda coma cadacayo.

2 Taga-Corinto 11:14

Ket saan a nacascasdaaw; ta uray ni Satanas agbalin a cas la angel ti lawag.

2 Taga-Corinto 11:3

Ngem maamacac, di la ket ta cas iti panangulbod daydi uleg ken Eva iti kinasicapna, casta met dagiti panunotyo madadaelda, ken maisinada iti nadalus a singgalut a maipaay ken Cristo.

2 Taga-Corinto 12:7

Ket tapno saanac coma a maidaydayaw iti aglablabes, gapu iti cadackel dagiti palti-ing, naited ti maysa a siit iti lasagco, maysa a babaonen ni Satanas a mamarigat caniac, tapno saanac coma a maidaydayaw iti aglablabes.

2 Taga-Corinto 2:11

Tapno ni Satanas saannatayo a gundawayan; ta ammotayo dagiti kinasicapna.

2 Taga-Corinto 4:4

Cadacuada ti dios a nailubongan binulsecna dagiti isisip dagiti saan a mamati, tapno di agraniag cadacuada ti lawag ti evangelio ti dayag ni Cristo, isu a ladawan ti Dios.

Taga-Efeso 4:14

Tapno ditay agub-ubinganen, nga agal-la-al-latayo ditoy ken idiay, a pailawlaw iti amin nga angin ti sursuro, gapu cadagiti salsalamangca dagiti tattao, iti kinasicapda a di madmadlaw a pangal-lilaw ti kinaulbod;

2 Taga-Tesalonica 2:3

Dicayo paallilaw iti uray siasino iti uray aniaman; ta dinto umay no dipay umuna ti panaglicud, ken maiparangarang ti tao ti basol, ti anac ti pannacapucaw,

1 Timoteo 2:14

Ket ni Adam saan a pinaulbod, ngem ti babai, idinto a naulbod, nacaaramid ti basol:

2 Timoteo 3:13

Ngem dagiti tattao a dakes ken dagiti mangul-ulbod dumakesdanto la a dumakes, a mangal-lilawda ket maallilawda met laeng.

Hebreo 2:14

Iti casta, agsipud ta dagiti annac makiramanda iti lasag ken dara, casta met kencuana nakiraman cadacuada, tapno gapu iti patay pucawenna daydiay addaan pannacabalin ni patay, cayatco a sao-en, ti diablo;

1 Pedro 5:8

Agparbengcayo, agsalucagcayo; ti diablo a cabusoryo, cas la leon a ngumerngernger, magmagna iti sibayyo nga agsapsapul ti alun-unenna.

1 Juan 5:19

Ammotayo a datayo tattaonatayo ti Dios, ket ti isu-amin a lubong adda iti babaen ti dakes.

San Judas 1:9

Ngem ni Miguel nga arcangel, idi a nakibacal iti diablo, ket nakisussusic iti maipapan iti bagi ni Moises, saanna a naitured ti nagipato a sitatabbaaw, no di ket kinunana: Ti Apo tubngarennaca coma.

Paltiing 12:12

Gapuna, agragragocayo, O langlangit, ken dacayo nga agnaed cadacuada, Asicayo pay daga ken baybay; ta ti diablo immulog cadacayo, nga addaan dackel a pungtot, nga ammona a bassiten ti tiempona.

Paltiing 12:3

Ket nakita ti sabali a nacascasdaaw sadi langit; ket adtoy ti maysa a dackel a dragon a nalabaga, nga adda pito nga olona ken sangapulo a sarana, ket iti rabaw dagiti ol-olona, pito a corona.

Paltiing 12:7

Ket adda gubat idi sadi langit: Ni Miguel ken dagiti angelna nakigubatda idi dragon; ket daydi dragon ken dagiti angelna nakicabilda;

Paltiing 12:8

Ngem dida nangabac, ket di met nasaracan daydi dissoda sadi langit.

Paltiing 13:14

Ket allilawenna dagiti agnaed iti rabaw ti daga, gapu cadagiti pagilasinan a naited kencuana nga aramiden, iti imatang daydi animal, a cuncunana cadagiti agnaed iti rabaw ti daga, a mangaramidda coma iti maysa a ladawan di animal a nasugatan iti campilan, ket nagbiag.

Paltiing 16:14

Ta isuda dagiti espiritu dagiti demonio, nga agar-aramid cadagiti datdatlag; isuda a mapan cadagiti ar-ari ti amin a lubong tapno urnungenda ida a maisagana iti gubat ti dackel nga aldaw ti Dios a Mannacabalin-amin.

Paltiing 18:2

Ket pimmuccaw iti napigsa a timec, a cuncunana: Narba, narba ti dackel a Babilonia, ket nagbalin nga pagnaedan dagiti diablo, ken pagapunan ti amin a kita ti espiritu a nacarimrimon, ken tangcal ti amin a tumatayab a narugit ken macapagura.

Paltiing 18:23

Ket ti lawag ti maysa a pagsilawan saanto nga aglawagen kenca; ket ti timec ti novio ken ti novia saanto a mangngeganen kenca: ta dagiti agtagtagilaco kenca isuda idi dagiti pangoloen ti daga; ta gapu cadagiti panagsalsalamangcam naallilaw dagiti isu-amin a pagpagarian.

Paltiing 19:20

Ket natiliw daydi animal, ket nairaman kencuana daydi saan a pudno a mammadto a nagar-aramid cadagiti datdatlag iti sangoananna, isuda a pinangalallilawna cadagiti immawat iti marca daydi animal, ken dagidi nagrucrucbab iti ladawanna. Dagitoy dua naitappuacda a sibibiag idi danaw ti apuy a dumardarang nga addaan azufrena:

Paltiing 2:13

Siac ammoc no sadino ti pagnaedam, iti yan ti trono ni Satanas; ket taginayonem ti naganco, ket saanmo a naglicudan ti pammatic; uray cadagidi aldaw ni Antipas, daydi matalec a sacsic napapatay iti tengngayo, a pagbalayan ni Satanas.

Paltiing 2:24

Ngem cunac cadacayo, ken cadagiti sabsabali idiay Tiatira, dagup dagidiay awanan itoy a sursuro, a dida naammoan dagiti banbanag a nauneg ni Satanas cas naganenda. Diac ipabaclay cadacayo ti sabali nga awit.

Paltiing 2:9

Siac ammoc ti rigatmo ken ti kinapanglawmo (ngem nabacnangca), ket ammoc ti kinasalawasaw dagiti agcuna nga Judioda, ngem saan met, no di ket isuda ti maysa a sinagoga ni Satanas.

Paltiing 20:10

Ket daydi diablo a nangallilaw cadacuada naibelleng idi danaw nga apuy ken azufre, isu met a yan daydi animal ken daydi saan a pudno a mammadto; ket matutuocdanto iti aldaw ken rabii iti awan inggana.

Paltiing 20:8

Ket rummuarto tapno allilawenna dagiti pagpagarian nga adda cadagiti uppat a suli ti daga, da Gog ken Magog, tapno urnongenna ida a maipaay iti gubat: ti bilangda cas cadagiti darat ti baybay.

Paltiing 3:9

Adtoy, siac itdec manipud iti sinagoga ni Satanas, dagidiay mangnagan iti bagida Judio, ket saan met no di ket agulbodda: Adtoy, aramidecto nga umayda ken agrucbabda cadagiti sacsacam, ket maammoanda a dinungdongngoca.

Paltiing 9:1

Ket daydi maicalima nga angel nagtangguyob ket nakitac ti maysa a bituen a natnag ditoy daga, nanipud sadi langit ket naited kencuana ti tulbec ti abut a mangliwengliweng.

Paltiing 9:20

Ket dagiti natda a tattao a saan a napapatay cadagitoy a pannaplit, saanda a nagbabawian dagiti ar-aramid dagiti imimada, tapno dida coma pagrucbaban dagiti demonio ken dagiti didiosen a balitoc ken pirac, ken bronce ken bato, ken cayo; isuda a dida mabalin ti cumita, wenno dumngeg uray magna.