Paltiing 12:7 - Ti Biblia (1973)

⁷ Ket adda gubat idi sadi langit: Ni Miguel ken dagiti angelna nakigubatda idi dragon; ket daydi dragon ken dagiti angelna nakicabilda;

Ti Baro a Naimbag a Damag Biblia

⁷ Kalpasanna, bimtak ti gubat sadi langit. Rinaut ni Miguel ken dagiti anghelesna ti dragon. Nakirupak ti dragon ken dagiti anghelesna.

Paltiing 12:7 Iomraidhean Croise

Dagiti Salmo 78:49

Impalladawna met cadacuada ti kinarungsot ti pungtotna, rurod, ken gura, ken riribuc, bunggoy ti espiritu a dakes.

Isaias 34:5

Ta ti campilanco imminum a napnec sadi langit: adtoy, umulogto iti rabaw ti Edom, ken iti rabaw ti umili ti panangilunodco, tapno maocom.

Isaias 55:4

Adtoy, isu ti intedco a maipaay a sacsi cadagiti il-ili a mangipangulo ken agturay cadagiti il-ili.

Daniel 10:13

Ngem ti principe ti pagarian ti Persia bimmusor caniac bayat ti duapulo ket maysa nga aldaw, ngem adtoy, ni Miguel a maysa cadagiti pangulo dagiti principe, immaynac tinulongan; ket siac nagbatiac idiay cadagiti ar-ari ti Persia.

Daniel 10:21

Ngem ibagacto kenca dayta nailanad iti surat ti pudno: ket awan ti timmulong caniac a maibusor cadagitoy, no di la ni Miguel a principeyo.

Daniel 12:1

Ket iti dayta a pannawen agtacderto ni Miguel, a dackel a principe, isu nga agtacder a maipaay cadagiti annac ti ilim; ken addanto pannawen ti riribuc, isu nga awan idi uray caanoman nanipud iti caadda ti nacion agingga met laeng iti dayta a pannawen: ket iti dayta a pannawen ti ilim maispalto, tunggal maysa a masaracto a naisurat iti libro.

San Mateo 13:41

Ti Annac ti tao ibaonnanto dagiti angelna, ket cayascasendanto iti pagarianna, dagiti amin a pacaitibcolan ken dagiti agaramid ti kinadakes.

San Mateo 16:27

Ta ti Anac ti tao umayto agraman iti dayag ni Amana ken dagiti angelna: ket iti dayta gungunaannanto ti tunggal maysa cas cadagiti aramidna.

San Mateo 24:31

Ket ibaonnanto dagiti angelna a buyugan ti napigsa nga uni ti trompeta, ket urnongendanto dagiti pinilina, cadagiti uppat nga angin, manipud iti maysa nga ungto ti langit agingga iti bangir.

San Mateo 25:41

Ket cunaennanto met cadagiti adda iti macatigidna: Umadayocayo caniac, nailunod, incay iti apuy nga agnanayon, a naisagana iti diablo ken cadagiti angelna.

San Mateo 26:53

Wenno pagarupem aya a diac mabalin ti agdawat ken Anac, ket isu, ita met laeng, iccannacto ti nasuroc a sangapulo ket dua a legion dagiti angel?

2 Taga-Corinto 12:7

Ket tapno saanac coma a maidaydayaw iti aglablabes, gapu iti cadackel dagiti palti-ing, naited ti maysa a siit iti lasagco, maysa a babaonen ni Satanas a mamarigat caniac, tapno saanac coma a maidaydayaw iti aglablabes.

Taga-Efeso 6:12

Ta ti pannakidangadangtayo saan a maibusor iti lasag ken dara, no di ket cadagiti ar-ari, cadagiti mannacabalin, cadagiti agturay iti lubong daytoy a sipnget, cadagiti espiritu ti kinadakes idiay ngato.

2 Taga-Tesalonica 1:7

Ket dacayo a maparparigat, aginanacayo a mairaman cadacami, intono maiparangarang ni Apo Jesus, nga aggapu sadi langit, agraman cadagiti angelna cadagiti darang ti apuy.

Hebreo 2:10

Ta maiparbeng a daydiay pacaipaayan dagiti isu-amin a banag ken pacaigapuan dagiti isu-amin a banag, agsipud ta mangipanto idiay gloria cadagiti adu nga annac, maaramid nga awan pagcurcuranganna daydiay makin-aramid ti pannacaisalacan gapu cadagiti panagsagaba.

2 Pedro 2:4

Ta no ti Dios saanna a pinacawan dagiti angel idi nagbasolda: no di ket ingarangogongna ida idiay infierno ket, impupocna ida cadagiti mangliwengliweng a sipnget, a maaywananda tapno maocomdanto;

San Judas 1:9

Ngem ni Miguel nga arcangel, idi a nakibacal iti diablo, ket nakisussusic iti maipapan iti bagi ni Moises, saanna a naitured ti nagipato a sitatabbaaw, no di ket kinunana: Ti Apo tubngarennaca coma.

Paltiing 12:8

Ngem dida nangabac, ket di met nasaracan daydi dissoda sadi langit.

Paltiing 12:9

Ket naigarangogong daydi dackel a dragon, daydi uleg a cadaanan nga isu ti managan ti Diablo ken Satanas, isu a mangallilaw iti isu-amin a lubong; naitapuac itoy daga, ket dagidi angelna naitapuacda a naicanunong kencuana.

Paltiing 13:7

Ket naipalubos kencuana ti pananggubatna cadagiti sasanto, ken mangabac cadacuada: ket naited kencuana ti panagturay iti isu-amin a capututan, ken ili, pagsasao, ken pagpagarian.

Paltiing 20:2

Ket tiniliwna daydi dragon, daydi uleg a cadaanan, nga isu ti Diablo ken Satanas, ket pinarautanna iti bayat ti sangaribo a tawen.