Paltiing 12:4 - Ti Biblia (1973)

⁴ Ket ti ipusna guyudenna ti apagcatlo dagiti bitbituen sadi langit ket imbacalna ida iti daga: ket daydi dragon adda iti sangoanan daydi babai a nganngani aganac, tapno alun-unenna daydi anacna inton maipasngay.

Ti Baro a Naimbag a Damag Biblia

⁴ Babaen iti ipusna, inaprasna ti apagkatlo dagiti bituen iti langit sana intappuak ida iti daga. Nagtakder ti dragon iti sangoanan ti babai nga agpaspasikal tapno alun-onenna ti ubing apaman a mayanak.

Paltiing 12:4 Iomraidhean Croise

Exodo 1:16

Ket kinunana, Intono mamaltotcayo cadagiti Hebreas, ket makitayo ida idiay pagpaanacan; no anac a lalaki, patayenyonto ngarud; ngem no anac a babai, agbiagto.

Isaias 27:1

Iti dayta nga aldaw ni Jehova babaen ti natangken ken dackel ken napigsa a campilan dusaennanto ti leviathan a nasiglat nga uleg, ken ti leviathan a calawikiw nga uleg; ken papatayennanto ti olimaw nga adda iti baybay.

San Juan 8:44

Cucuanacayo ti diablo nga amayo, ket cayatyo nga aramiden dagiti calicagum ni amayo. Isu nacapapatay nanipud idi damo, ket saan a nagtalinaed iti pudno, ta awan ti pudno kencuana. No agsao ti ulbod, saoenna ti cababalinna met laeng ta isu manangulbod ket ama ti kinaulbod.

1 Pedro 5:8

Agparbengcayo, agsalucagcayo; ti diablo a cabusoryo, cas la leon a ngumerngernger, magmagna iti sibayyo nga agsapsapul ti alun-unenna.

Paltiing 12:7

Ket adda gubat idi sadi langit: Ni Miguel ken dagiti angelna nakigubatda idi dragon; ket daydi dragon ken dagiti angelna nakicabilda;

Paltiing 12:9

Ket naigarangogong daydi dackel a dragon, daydi uleg a cadaanan nga isu ti managan ti Diablo ken Satanas, isu a mangallilaw iti isu-amin a lubong; naitapuac itoy daga, ket dagidi angelna naitapuacda a naicanunong kencuana.

Paltiing 13:2

Ket daydi animal a nakitac umas-asping iti maysa a leopardo, ket dagiti sacsacana cas la sacsaca ti oso, ket ti ngiwatna cas la ngiwat ti leon: ket inted daydi dragon kencuana ti pannacabalinna ken ti tronona, ken dackel a kinaturay.

Paltiing 13:4

Ket nagdaydayawda idi dragon gapu ta intedna ti turayna idi animal; ket nagdaydayawda idi animal a cuncunada: Siasino ti pumadpad itoy nga animal? Ket siasino ti macabalin a manggubat kencuana?

Paltiing 16:13

Ket nakitac a rumrummuar idi ngiwat daydi dragon, ken idi ngiwat daydi animal ken idi ngiwat daydi saan a pudno a mammadto dagiti tal-lo nga espiritu a narugit, a cas da la tucac:

Paltiing 17:18

Ket ti babai a nakitam isu daydiay dackel a ciudad, isu a mangituray cadagiti ar-ari ti daga.

Paltiing 20:2

Ket tiniliwna daydi dragon, daydi uleg a cadaanan, nga isu ti Diablo ken Satanas, ket pinarautanna iti bayat ti sangaribo a tawen.

Paltiing 8:10

Ket daydi maicatlo nga angel nagtangguyob: ket natnag nanipud sadi langit ti maysa dackel a bituen a sumsumged a cas la maysa nga aluten; ket nagdisso iti apagcatlo dagiti carcarayan, ken dagiti ub-ubbog, dagiti dandanum:

Paltiing 8:11

Ket daydi a bituen nagnaganenda ti Ajenco: ket ti apagcatlo dagiti dandanum nagbalin nga ajenco; ket adu cadagiti tattao natayda gapu cadagidi dandanum, ta nagbalinda a napait.

Paltiing 8:12

Ket daydi maicapat nga angel nagtangguyob: ket nadadael ti apagcatlo ti init, ken ti apagcatlo ti bulan, ken ti apagcatlo, dagiti bitbituen, tapno ti apagcatloda, mapasipnget coma ket ti aldaw saan coma nga aglawag ti apagcatlona, ken casta met, ti rabii.

Paltiing 8:7

Ket daydi immuna nagtangguyob; ket timmaud ti uraro ken apuy a nalaocan iti dara; ket naibellengda iti rabaw ti daga; ket daydi apagcatlo ti daga napuuran, ket daydi apagcatlo dagidi caycayo napuuran, ket amin dagiti nalangto a root napuuranda.

Paltiing 8:8

Ket daydi maicadua nga angel nagtangguyob: ket maysa a cas la dackel a bantay, a sumsumged iti apuy, naitappuac iti baybay; ket ti apagcatlo ti baybay nagbalin a dara;

Paltiing 8:9

Ket natay ti apagcatlo dagiti parsua nga adda idi iti baybay, dagiti addaan biag: ket ti apagcatlo dagiti sasacayan nadadaelda.

Paltiing 9:10

Ket adda ipusda nga umas-asping cadagiti manggagama, ken pangsilsilud; ket cadagiti ipusda ti pacabalinanda a mangranggas cadagiti tattao iti bayat dagiti lima a bulan.

Paltiing 9:19

Ta ti pannacabalin dagiti cabayo adda idi cadagiti ngiwatda, ken cadagiti ipusda; ta dagiti ipusda umas-aspingda cadagiti ululeg, ket adda oloda: ket dagitoy ti pangranggasda.