Paltiing 12:3 - Ti Biblia (1973)

³ Ket nakita ti sabali a nacascasdaaw sadi langit; ket adtoy ti maysa a dackel a dragon a nalabaga, nga adda pito nga olona ken sangapulo a sarana, ket iti rabaw dagiti ol-olona, pito a corona.

Ti Baro a Naimbag a Damag Biblia

³ Sabali pay a nakaskasdaaw a pagilasinan ti nagparang iti langit: Adda dakkel a dragon a nalabaga a pito ti ulona ken sangapulo ti sarana. Adda korona ti tunggal ulo.

Paltiing 12:3 Iomraidhean Croise

Isaias 27:1

Iti dayta nga aldaw ni Jehova babaen ti natangken ken dackel ken napigsa a campilan dusaennanto ti leviathan a nasiglat nga uleg, ken ti leviathan a calawikiw nga uleg; ken papatayennanto ti olimaw nga adda iti baybay.

Isaias 51:9

Agriingca, agriingca, iyusongmo ti kinabileg, O tackiag ni Jehova; agriingca, a cas cadagidi al-aldaw idi unana, dagidi caputotan idi ugma. Saan a sica aya ti nangrangcay ken ni Rahab, a nangduyoc idi olimaw?

Isaias 9:15

Ti panglacayen ken ti natacneng a tao, isu ti olo; ket ti mammadto a mangisuro cadagiti ululbod, isu ti ipus.

Daniel 2:41

Ket cas nakitam cadagiti saca ken ramay dagiti saca a dadduma a paset damili ken dadduma landoc, isunto ti maysa a nabingay a pagarian; ngem addanto kencuana ti bileg ti landoc, cas nakitam iti landoc a nalaocan iti dadamilien.

Daniel 2:42

Ket cas cadagiti ramay dagiti saca, dadduma a paset landoc ken dadduma a paset damili, castanto met a ti pagarian dadduma 13 paset napigsanto, ket iti dadduma marbecto.

Daniel 7:20

Ket no maipapan cadagiti sangapulo a sara nga adda idi iti olona, ken ti sabali a sara a rimmusing, ket iti sangona natnag dagiti tallo, ket dayta met laeng a sara nga addaan idi matmata, ken maysa a ngiwatna a nagsao cadagiti dadackel a banbanag, ket iti langana napunpuner ngem dagiti caduana.

Daniel 7:24

Ket no maipapan cadagiti sangapulo a sara, agtaud iti daytoy a pagarian tumacderto dagiti sangapulo nga ar-ari; ket iti calpasanda tumacderto ti sabali; isu maidumanto cadagiti immun-una, ket parmekennanto dagiti tallo nga ar-ari.

Paltiing 12:1

Ket maysa a dackel a pagilasinan nakita idiay langit: Maysa a babai a sicacawes iti init, ket ti bulan iti baba dagiti sacsacana ket iti olona maysa a balangat a sangapulo ket dua a bituen;

Paltiing 12:13

Ket idi nakita daydi dragon a naitappuac itoy daga, kinamatcamatna daydi babai a nangipasngay idi anac a lalaki.

Paltiing 12:17

Ket nacapungtot daydi dragon idi babai, ket napanna ginubat ti natda iti capuonanna, a mangsalimetmet cadagiti bilbilin ti Dios ken addaanda ti pammanecnec ni Jesus:

Paltiing 12:4

Ket ti ipusna guyudenna ti apagcatlo dagiti bitbituen sadi langit ket imbacalna ida iti daga: ket daydi dragon adda iti sangoanan daydi babai a nganngani aganac, tapno alun-unenna daydi anacna inton maipasngay.

Paltiing 12:7

Ket adda gubat idi sadi langit: Ni Miguel ken dagiti angelna nakigubatda idi dragon; ket daydi dragon ken dagiti angelna nakicabilda;

Paltiing 12:9

Ket naigarangogong daydi dackel a dragon, daydi uleg a cadaanan nga isu ti managan ti Diablo ken Satanas, isu a mangallilaw iti isu-amin a lubong; naitapuac itoy daga, ket dagidi angelna naitapuacda a naicanunong kencuana.

Paltiing 13:1

Ket siac nagtactacderac iti cadaratan iti igid ti baybay. Ket nacakitaac ti maysa nga animal a sumang-at manipud idi baybay, isu nga adda sangapulo a sarana ken pito nga olona, ket iti rabaw dagidi sarsarana, sangapulo a balangat, ket idi rabaw dagidi ol-olona, dagiti nagnagan ti tabbaaw.

Paltiing 13:2

Ket daydi animal a nakitac umas-asping iti maysa a leopardo, ket dagiti sacsacana cas la sacsaca ti oso, ket ti ngiwatna cas la ngiwat ti leon: ket inted daydi dragon kencuana ti pannacabalinna ken ti tronona, ken dackel a kinaturay.

Paltiing 13:4

Ket nagdaydayawda idi dragon gapu ta intedna ti turayna idi animal; ket nagdaydayawda idi animal a cuncunada: Siasino ti pumadpad itoy nga animal? Ket siasino ti macabalin a manggubat kencuana?

Paltiing 15:1

Ket nakitac ti sabali a pagilasinan sadi langit, dackel ken nacascasdaaw; dagiti pito nga angel nga addaan cadagiti pito a camaudianan a pannaplit; ta cadacuada manungpal ti pungtot ti Dios.

Paltiing 16:13

Ket nakitac a rumrummuar idi ngiwat daydi dragon, ken idi ngiwat daydi animal ken idi ngiwat daydi saan a pudno a mammadto dagiti tal-lo nga espiritu a narugit, a cas da la tucac:

Paltiing 17:12

Ket dagiti sangapulo a sara a nakitam isuda dagiti sangapulo nga ar-ari a dida pay immawat iti pagarian; ngem umawatda iti panagturay a cas la ar-ari, a mairanud idiay animal, iti maysa nga horas.

Paltiing 17:16

Ket dagiti sangapulo a sara a nakitam ken ti animal, guraendanto ti balangcantis, ket pagwalangwalangendanto a lamolamo, ket sidaendanto ti lasagna, ket ipuurandanto iti apuy;

Paltiing 17:7

Ket kinuna caniac di angel: Apayapay agsiddaawca? Siac ibagacto kenca ti palimed a maipapan idiay babai, ken daydiay animal a mangawit kencuana nga addaan pito nga olo ken sangapulo a sara.

Paltiing 19:12

Ket dagiti matana cas la darang ti apuy, ket iti olona adda adu a balbalangat; ket adda maysa a naganna a naisurat nga awan ti nacaammo no di isu met laeng,

Paltiing 20:2

Ket tiniliwna daydi dragon, daydi uleg a cadaanan, nga isu ti Diablo ken Satanas, ket pinarautanna iti bayat ti sangaribo a tawen.