Paltiing 12:2 - Ti Biblia (1973)

² Ket isu, masicog idi, ket agickis iti panagpasicalna, ken agrigrigat nga agpasngay.

Ti Baro a Naimbag a Damag Biblia

² Dandani agpasngay ket agik-ikkis iti sakit ken rigatna nga agpasikal.

Paltiing 12:2 Iomraidhean Croise

Isaias 26:17

Cas iti maysa a babai a masicog, nga umadani ti horas ti panagpasngayna, nga addaan iti panagut-ut ken agickis iti panagpasicalna: casta ti panagtalinaedmi idi iti sangoanam, O Jehova.

Isaias 53:11

Makitananto ti panagrigat ti cararuana, ket mapnecto; gapu iti pannacaammo kencuana met laeng ti nalinteg nga adipenco palintegennanto dagiti adu; ken isu awitennanto dagiti kinadangkesda.

Isaias 54:1

Agcantaca, O lupes, sica a di naganac; pumgaacca iti panagcanta, ken iyickismo, sica a di nagpaspasical: ta adadda pay dagiti annac ti nabaybay-an ngem dagiti annac ti babai a naasawaan, cuna ni Jehova.

Isaias 66:6

Adda timec ti gulogulo nga aggapu iti ili, timec nga aggapu iti templo, timec ni Jehova a mangted ti supapac cadagiti cabusorna.

Mikias 4:9

Ita apay nga agriawca iti natbag? Awan aya ti ari kenca, natay aya ti mammalacad, a dagiti ut-ut immay kenca a cas iti babai nga agpasical?

Mikias 5:3

Gapuna a yawatnanto ida, agingga iti pannawen daydiay nga agpasical macapasngay; calpasanna ti tidda cadagiti cacabsatna agawiddanto cadagiti annac ti Israel.

San Mateo 24:8

Ngem amin dagitoy a banbanag isuda ti pangrugian dagiti ladingit.

San Juan 16:21

Ti babai, no aganac, adda ladingitna, ta dimteng ti horasna; ngem inton naipasngayna ti ubing, saanna a malagipen ti rigat, gapu iti rag-o, ta nayanac ti maysa a tao itoy lubong.

Taga-Galacia 4:19

O dongdongoec a maladagac, pasicalencayo manen, agingga iti mabukel ni Cristo cadacayo.

Taga-Galacia 4:27

Ta adda a naisurat; agragsacca O lupes, Sica a di-naganac; agrag-oca ket agpuccawca, sica a di-nagpasical. Ta ad-adu dagiti annac ti babai a nabaybay-an, ngem iti addaan asawa.

Paltiing 12:4

Ket ti ipusna guyudenna ti apagcatlo dagiti bitbituen sadi langit ket imbacalna ida iti daga: ket daydi dragon adda iti sangoanan daydi babai a nganngani aganac, tapno alun-unenna daydi anacna inton maipasngay.