Paltiing 12:1 - Ti Biblia (1973)

¹ Ket maysa a dackel a pagilasinan nakita idiay langit: Maysa a babai a sicacawes iti init, ket ti bulan iti baba dagiti sacsacana ket iti olona maysa a balangat a sangapulo ket dua a bituen;

Ti Baro a Naimbag a Damag Biblia

¹ Nagparang iti langit ti sabali a nakaskasdaaw a pagilasinan. Adda babai a nagkawes iti init, ken agtugtugaw a naisaad dagiti dapanna iti bulan: iti ulona adda korona a binukel ti sangapulo ket dua a bituen.

Paltiing 12:1 Iomraidhean Croise

2 Cronicas 32:31

Nupay casta ti panggep dagiti emembajador dagiti pangpangoloen ti Babilonia, isuda a naibaon kencuana nga umintuud ti maipapan iti nacascasdaaw a maaramid iti daga, isu binaybay-an ti Dios tapno suutenna, tapno ammoenna coma ti amin nga adda iti pusona.

Dagiti Salmo 104:2

Sica a mangbungon kenca met laeng iti lawag a cas la pannacapagananaymo; a mangbistrad cadagiti langlangit a cas maysa a cortina;

Dagiti Salmo 84:11

Ta ni Jehova a Dios isu ti init ken calasag: ni Jehova mangtedto iti parabur ken gloria; awanto ti imbag a maikedked cadagiti magna a sililinteg.

Kanta ni Solomon 6:10

Asino ti cumita a cas bigat, naimans a cas ti bulan, nalawag a cas ti init, nacakigkigtot a cas maysa a buyot a cuyugen dagiti wagayway?

Isaias 61:10

Siac agragsacacto unay ken ni Jehova, ti cararuac agrag-onto iti Diosco; ta isu kinawesannac cadagiti pagan-anay ti pannacaisalacan, isu inabbongannac iti lambon ti kinalinteg, a cas maysa a novio nga agbalangat, ken cas maysa a novia nga agaramat cadagiti alajasna.

Isaias 62:3

Sicanto met ti maysa a balangat ti kinaimnas iti ima ni Jehova, ken naarian a diadema iti ima ti Diosmo.

Zacarias 9:16

Ket ni Jehova a Diosda ispalennanto ida iti daydiay nga aldaw a cas la iti arban ti ilina; ta casladanto cadagiti tampoc ti balangat, a naitag-ay iti ngato iti ngatoen ti dagana.

Malakias 4:2

Ngem cadacayo nga agbuteng iti naganco lumgacto ti init ti kinalinteg agraman mangpasalun-at a payacna; ket rumuarcayto, ken aglagtocayto a cas la iti urbon ti vaca a nairuar iti pagpupocan.

San Mateo 12:38

Idin dadduma cadagiti escriba ken Fariseo, simmungbatda kencuana a cuncunada: Mannursuro, cayatmi a makita ti maysa a pagilasinan nga aggapu kenca.

San Mateo 24:30

Ket iti casta agparanto ti pagilasinan ti Anac ti tao iti langit; ket agdungawto dagiti amin a tribu ti daga, ket makitadanto ti Anac ti tao nga umay iti rabaw dagiti ulep ti langit, nga adda pannacabalin ken dackel a gloriana.

San Marcos 13:25

Ket dagiti bituen agtinnagdanto manipud langit; ket dagiti pannacabalin nga addada cadagiti langlangit, agkintayegdanto.

San Lucas 21:11

Ket addanto dadackel a gingined, ket iti nadumaduma a disso, bisbisin ken baybayangobong: ket addanto maaramid a nacakigkigtot ken dadackel a pagilasinan ti langit.

San Lucas 21:25

Ket addanto dagiti pagilasinan iti init ken bulan ken cadagiti bitbituen; ket ditoy rabaw ti daga rigat dagiti nacion nga agdanag gapu ti daranudor ti baybay ken dagiti dalluyon;

San Juan 3:29

Ti makinasawa iti novia, isu ti novio; ngem ti gayyem ti novio nga umimimatang ket mangngegna, agragrag-o unay gapu ti timec ti novio: Ngarud daytoy rag-oc nagdanunan.

Dagiti Aramid 2:19

Ket iparangconto dagiti nacascasdaaw a banag iti langit, ken pagilasinan ditoy daga, dara ken apuy, ken ulep ti asuc:

Taga-Roma 13:14

No di ket, icauwesyo ni Apo Jesu-Cristo ket dicayo agsagana a maipaay iti linalasag tapno matungpal ti derrepna.

Taga-Roma 3:22

Nadiosan a kinalinteg, a magun-odan gapu iti pammati ken Jesu-Cristo, a maipaay cadagiti amin a mamati, ta awan ti pagdudumaan:

2 Taga-Corinto 11:2

Ta agimunac gapu cadacayo iti nadiosan nga imun; ta intulagco nga iyasawacayo iti maymaysa a lalaki, tapno iparangcayo ken Cristo, a cas balasang a nadalus.

Taga-Galacia 3:27

Ta dagupyo a nabautizaran ken Cristo, incawesyo ni Cristo.

Taga-Galacia 4:26

Ngem ti Jerusalem sadi ngato agwayawaya; isu nga inatayo.

Taga-Galacia 6:14

Ngem di coma maaramid nga agpasindayawac, no saan nga iti cruz ni Apotayo a Jesu-Cristo; a gapu kencuana ti lubong nailanza iti cruz no maipapan caniac, ket siac, iti lubong.

Taga-Efeso 5:32

Daytoy a palimed dackel, ngem agsaoac a maipapan ken Cristo ken iti Iglesia.

Paltiing 1:20

Ti palimed dagiti pito a bituen a nakitam iti macanawanco, ken dagiti pito a pagsilawan a nabalitocan. Dagiti pito a bituen isuda dagiti angel cadagiti pito nga Iglesia; ket dagiti pito a pagsilawan isuda dagiti pito nga Iglesia.

Paltiing 11:19

Ket naluctan daydi templo ti Dios idiay langit, ket nakita idiay templona ti lacasa daydi tulagna: ken naadda idi kimkimat, ken ririaw, ken gurgurrood, ken maysa a gingined, ken dackel a tudo ti uraro.

Paltiing 12:3

Ket nakita ti sabali a nacascasdaaw sadi langit; ket adtoy ti maysa a dackel a dragon a nalabaga, nga adda pito nga olona ken sangapulo a sarana, ket iti rabaw dagiti ol-olona, pito a corona.

Paltiing 15:1

Ket nakitac ti sabali a pagilasinan sadi langit, dackel ken nacascasdaaw; dagiti pito nga angel nga addaan cadagiti pito a camaudianan a pannaplit; ta cadacuada manungpal ti pungtot ti Dios.

Paltiing 21:14

Ket daydi bacud ti ciudad adda sangapulo ket dua a pamunganayanna ket cadacuada adda dagiti nagnagan dagiti sangapulo ket dua nga apostol ti Cordero.

Paltiing 21:23

Ket ti ciudad awan ti pacasapulanna iti init wenno iti bulan, tapno silnaganda: ta ti dayag ti Dios isu ti nanglawag kencuana, ket ti pagsilawanna isu ti Cordero.