Paltiing 11:5 - Ti Biblia (1973)

⁵ Ket no adda manggayagay a mangranggas cadacuada, rummuar ti apuy cadagiti ngiwatda, ket alununenna dagiti cabusorda; ket no adda manggayagay a mangranggas cadacuada, masapul a mapapatay iti castoy.

Ti Baro a Naimbag a Damag Biblia

⁵ No adda mangranggas kadakuada, rummuar ti apuy iti ngiwatda ket dadaelenda dagiti kabusorda. Kasta ti pannakapapatay ti siasinoman nga agpanggep a mangranggas kadakuada.

Paltiing 11:5 Iomraidhean Croise

Dagiti Salmo 18:8

Ngimmato ti maysa nga asuc a rimmuar cadagiti pagangsanna, ket ti apuy a rimmuar iti ngiwatna nagalun-un: dagiti beggang, dimmarangda gapu kencuana.

Isaias 11:4

No di ket ocomennanto dagiti napanglaw a buyogan ti kinalinteg, ken mangipato a sililinteg a maipaay cadagiti napacumbaba ditoy daga; ket cabilennanto ti daga iti pang-or ti ngiwatna; ken gapu iti puyot dagiti bibigna patayennanto dagiti managdacdakes.

Jeremias 1:10

Kitaem, ta insaadca iti daytoy nga aldaw cadagiti nasnacion ken cadagiti pagpagarian, a mangparut ken mangrebba a mangdadael ken mangparmec, a mangbangon ken mangimula.

Jeremias 5:14

Gapuna a castoy ti cuna ni Jehova, ti Dios dagiti buybuyot, Agsipud ta saoenyo daytoy a sao, adtoy, pagbalinecto nga apuy dagiti sasaoc, iti ngiwatmo, ket daytoy nga umili pagsungrod, ket lamutenanto ida.

Ezekiel 43:3

Ket isu cas la iti langa ti sirmata a nakitac, wen, cas iti sirmata a nakitac idi immayac a mangdadael iti ili; ket dagiti sirmata umaspingda iti sirmata a nakitac iti denna ti carayan a Kebar; ket nagpaclebac.

Oseas 6:5

Gapuna tinagaac ida babaen cadagiti mammadto, pinatayco ida cadagiti sasao ti ngiwatco: ket dagiti panangocomco casda lawag nga agparang.

Zacarias 1:6

Ngem dagiti saoc ken bilinco, nga imbilinco cadagiti adipenco a mammadto, saanda aya a nacagteng cadagiti ammayo? ket isuda nagsublida ket kinunada, Cas pinanggep ni Jehova dagiti buybuyot, nga aramiden cadatayo, iti mayalubog cadagiti daldalantayo, ken mayannurot cadagiti ar-aramidtayo, casta ti inaramidna cadatayo.

Zacarias 2:8

Ta castoy ti cuna ni Jehova dagiti buybuyot: Maipaay iti dayag isu imbaonnac cadagiti nasnacion a nagsamsam kenca; ta daydiay a mangsagid kenca sagidenna ti bukel ti matana.

Paltiing 13:13

Ket agar-aramid cadagiti dadackel a datdatlag, nga uray pay pababaenna sadi langit ti apuy nga umay ditoy daga, iti imatang dagiti tattao.

Paltiing 9:17

Ket iti casta nakitac dagidi cacabayo iti parparmatac, ken dagidi nagsacay cadacuada, nga adda cabalda a cas iti apuy, ket color ti jacinto ken azufre; ket dagidi ol-olo dagidi cabayo cas la cadagiti olo dagiti leon; ket cadagidi ngiwatda rumrummuar ti apuy ken azuc ken azufre.