Paltiing 11:3 - Ti Biblia (1973)

³ Ket itdecto ti palubos cadagiti dua a sacsic, ket agipadtodanto cadagiti sangaribo dua gasut ket innem a pulo nga aldaw, a sipapanesda cadagiti lupot a nakersang.

Ti Baro a Naimbag a Damag Biblia

³ Nupay kasta, ikkakto ti pannakabalin dagiti dua a saksik a nakakawes iti nakersang a lupot ket ipakaammodanto ti mensahe ti Dios iti uneg ti 1,260 nga aldaw.”

Paltiing 11:3 Iomraidhean Croise

Genesis 37:34

Ket ni Jacob rinayabna dagiti pagananayna, ket incapetna cadagiti luppona ti nakersang a lupot, ket dinung-awanna ti anacna cadagiti adu nga al-aldaw.

2 Samuel 3:31

Idin ni David kinunana ken Joab, ken iti amin a tattao nga adda idi kencuana, Ray-abenyo dagita pagan-anayyo, ket agbarikescayo cadagiti nakersang a lupot, ket agdung-awcayo iti una ni Abner. Ket ni ari David simmurot iti lungon.

1 Ar-ari 21:27

Ket naaramid, idi a ni Acab nangngegna dagidiay a sasao, nga isu rinay-abna dagiti pagan-anayna, ket nangicabil ti nakersang a lupot iti lasagna, ket nagayunar, ket nagidda iti nakersang a lupot, ket nagna a siiinayad.

2 Ar-ari 19:1

Ket naaramid idi a ni ari Ezekias isu ti nangegna, a pinigisna dagiti cawesna, ket nagabong iti nakersang a lupot, ket simrec iti balay ni Jehova.

1 Cronicas 21:16

Ket ni David intangadna dagiti matana, ket nakitana di angel ni Jehova nga agtactacder iti nagbaetan ti daga ken langit, nga addaan iti maysa a siaasut a campilan idi imana a siuunnat iti rabaw ti Jerusalem. Idin ni David ken dagiti lallacay, nagcawesda iti nakersang, nagpaclebda cadagiti ruprupada.

Nehemias 9:1

Iti maicaduapulo ket uppat nga aldaw ti daytoy a bulan naguornong dagiti annac ti Israel iti panagayunar, ken agraman cawes a nakersang, ken daga iti rabawda.

Ti Libro ni Job 16:15

Nagdaitac iti lupot a nakersang iti rabaw ti cudilco; ket incabilco ti sarac iti tapoc.

Dagiti Salmo 69:11

Idi pinagcawesco ti nakersang a lupot, nagbalinac cadacuada a taltalangutangenda.

Isaias 22:12

Ket iti daydiay nga aldaw ti Apo, a ni Jehova dagiti buybuyot, nangayab iti panagsangit, ken iti panagdung-aw, ken ti panagcalvo ken ti panagbarikes iti lupot a nakersang:

Jeremias 1:10

Kitaem, ta insaadca iti daytoy nga aldaw cadagiti nasnacion ken cadagiti pagpagarian, a mangparut ken mangrebba a mangdadael ken mangparmec, a mangbangon ken mangimula.

Dungdung-aw 2:10

Dagiti panglacayen ti anac a babai ti Sion agtugawda iti daga, agulimecda; nangicabilda iti tapuc iti rabaw dagiti ol-oloda; nagbarikesda iti lupot a nakersang; dagiti babbalasang ti Jerusalem itamedda dagiti ol-oloda iti daga.

Ezekiel 4:6

Ket intono matungpalmo dagitoy, agiddacanto nga agsikig iti macanawan, ket awitemto ti kinadakes ti balay ti Juda: uppat a pulo nga aldaw, tunggal aldaw maipaay iti macatawen, isu ti inkeddengco kenca.

Daniel 12:7

Ket nangngegco ti tao a nagcawes iti lienzo, isu nga adda idi iti ngatoen dagiti dandanum ti carayan, idi intayagna ti canawan ken ti catigid nga imana nga impalangit, ket insapatana iti daydiay agbiag iti agnanayon, a maipaayto iti maysa a pannawen, dagiti panpanawen, ken maysa a cagudua; ket intono naaramiddan ti panungpalan ti pannacaburburac ti pannacabalin ti nasantoan nga ili, amin dagitoy a banbanag malpasdanton.

Daniel 7:25

Ket isu agbalicasto cadagiti sasao a maicaniwas iti Cangatoan, ket pacapuyennanto dagiti sasanto ti Cangatoan; ket panunutennanto a balbaliwan dagiti pannawen ken linteg; ket maiyawatdanto iti imana aginggana iti maysa a pannawen ken dagiti pannawen ken guddua ti maysa a pannawen.

Daniel 8:14

Ket isu kinunana caniac, Aginggana iti dua ribo ket tallo gasut a malem ken bigat; calpasanna ti santuario madalusanto.

Joel 1:13

Agbarikescayo iti lupot a nakersang, ket agasugcayo, dacayo a papadi; agdung-awcayo, dacayo a managannong iti altar; umaycayo, agiddacayonga agpatnag iti a nakersang, dacayo a managannong iti Diosco; ta ti daton a macan ken ti daton a mainum maipaidamda iti balay ti Diosyo.

Jonas 3:5

Ket dagiti tattao a taga Ninive pinatida ti Dios; ket inwarragawagda ti panagayunar, ket nagcawesda iti nakersang a lupot manipud cangatoan inggana iti cababaan.

Jonas 3:8

Ket maabbonganda coma iti lupot a nakersang dagiti tattao ken dagiti an-animal, ket awaganda coma ti Dios iti natbag unay: wen, isuda agbabawida coma tunggal maysa iti dalanna a dakes, ken iti panagranggas nga adda cadagiti imana.

Numero 11:26

Ngem nagbati idiay dagiti dua a lallaki iti pacarso, ti nagan ti maysa ni Eldad, ket ti nagan ti caduana ni Medad: ket ti Espiritu immapay cadacuada; ket isuda idi cadacuada ti naisurat, ngem saanda a rimmuar a napan iti Tabernaculo: ket nagpadtoda iti pacarso.

San Mateo 11:21

Asica pay, Corazin! Asica pay, Betsaida! ta no idiay Tiro ken Sidon naaramidda coma dagiti datdatlag a naaramid cadacayo nagbabawida coma a nabayagen iti cilicio ken dapo.

San Mateo 18:16

Ngem no dinaca denggen, mangicuyugca ti maysa wenno dua pay, tapno gapu cadagiti dua wenno tallo a sacsi mapatalgedan ti amin a sasao.

San Lucas 10:13

Asica pay, Corazin Asica pay Betsaida! ta no idiay Tiro ken Sidon naaramid coma dagiti datdatlag a naaramid cadacayo, nabayag coman a nagbabawida, a nagcawes ti nakersang a lupot ken nagtugaw iti dapo.

San Lucas 24:48

Ket dacayo dagiti macasacsi cadagitoy a banag.

San Juan 15:27

Ket mangpanecneccayto met gapu ta addacayo a naicuyog caniac nanipud idi damo.

San Juan 3:27

Simmungbat ni Juan ket kinunana: Ti maysa a tao saanna a mabalin ti umawat ti uray ania no saan a naited kencuana nanipud langit.

Dagiti Aramid 1:8

Ngem umawatcayto ti pannacabalin, inton umay cadacayo ti Espiritu Santo; ket dacayto ti sacsic sadi Jerusalem, ken iti isu-amin a Judea, ken Samaria, ken agingga iti ungto ti daga.

Dagiti Aramid 13:31

Ket iti adu nga aldaw isu nakita dagidi naicuyog kencuana a simmang-at nanipud Galilea agingga iti Jerusalem, nga isuda ita dagiti sacsina cadagiti umili.

Dagiti Aramid 2:32

Daytoy a Jesus pinagungar ti Dios, isu a masacsianmi amin.

Dagiti Aramid 3:15

Ket pinapatayyo ti Principe iti biag, isu a pinagungar ti Dios cadagiti natay, isu a masacsianmi.

1 Taga-Corinto 12:28

Ket ti Dios insaadna iti Iglesia, umuna dagiti apostol, maicadua dagiti mangascasaba, maicatlo dagiti mannursuro, sumaganad datdatlag, sumaganad dagiti talunggading ti panangagas, ti itutulong, ti panangituray, ken kitkita dagiti pagsasao.

2 Taga-Corinto 13:1

Daytoy ti maicatlo a daras nga umayac cadacayo. Babaen ti dua wenno tallo a mangpanecnec mapatalgedanto ti tunggal sao.

Taga-Efeso 4:11

Ket dagiti dadduma incabilna nga apostol; ket dagiti dadduma mammadto; ket dagiti dadduma evangelistas; ket dagiti sabsabali, paspastor ken mannursuro;

Deuteronomio 17:6

Iti panagsao dagiti dua a macasacsi, wenno dagiti tallo a macasacsi, ti maicari a matay mapapatayto; iti panagsao ti maymaysa a sacsi saanto a mapapatay.

Deuteronomio 19:15

Ti maymaysa a sacsi dinto tumacder a mangidarum iti maysa a tao gapu iti uray ania a kinadakes, wenno aniaman a basol, iti uray ania a basol, a nacabiddutanna: iti panagsao ti dua a sacsi, wenno iti panagsao ti tallo a sacsi, ti pacapanecnecan ti maysa a panggep.

Paltiing 1:5

Ken aggapu ken Jesu-Cristo, ti matalec a mamanecnec, ti inauna nga anac cadagiti natay, ken ti agturay cadagiti ar-ari ditoy daga: Iti daydiay mangdungdungngo cadatayo, ken nangluc-at cadatayo cadagiti basbasoltayo iti darana met laeng;

Paltiing 11:2

Ket ti paraangan iti ruar ti Templo, lacsidem, ket dica rucuden; ta naiteden cadagiti gangannaet ket ipayatdanto ti nasantoan a ciudad cadagiti uppat a pulo ket dua a bulan.

Paltiing 11:6

Dagitoy adda pannacabalinda a mangrikep iti langit, tapno saan a tumudo iti bayat dagiti aldaw ti panagpadtoda; ket adda pannacabalinda cadagiti dandanum, tapno pagbalinenda ida a dara, ken tapno saplitenda toy daga iti isu-amin a kita ti rigat, uray mano a daras ti cayatda.

Paltiing 12:6

Ket daydi babai timmaray a nagcamang idiay let-ang, nga ayan ti disso nga insagana kencuana ti Dios, tapno taraonanda idiay cadagiti sangaribo duagasut ket innem a pulo nga aldaw.

Paltiing 13:5

Ket naited kencuana ti maysa a ngiwat nga agsasao cadagiti banbanag a dadackel ken tabtabbaaw; ket naited kencuana ti kinaturayna nga agaramid iti bayat dagiti uppat a pulo ket dua a bulan.

Paltiing 19:10

Ket nagrucnoyac cadagiti sacsacana tapno agdaydayawac kencuana. Ket isu kinunana caniac: Kitaem, dica aramiden dayta. Siac ti adipen a caduam ken cadua dagiti cacabsatmo, a mangsalimetmet iti pammanecnec ken Jesus. Agdaydayawca iti Dios ta ti pammanecnec ken Jesus isu ti espiritu ti pammadto.

Paltiing 20:4

Ket nakitac dagiti trono; ken dagiti nagtugaw cadacuada; ket naitalec cadacuada ti panangocom ket dagiti carcararua dagiti naputulan gapu iti pammanecnec ken Jesus ken gapu iti sao ti Dios, ken dagup dagiti saan a nagdaydayaw idi animal ken iti ladawanna ken saan a mamarcaan cadagiti mugmugingda ken iti imada; ket dagitoy nagbiagda, ket nakipagarida ken Cristo iti sangaribo a tawen.