Paltiing 11:2 - Ti Biblia (1973)

² Ket ti paraangan iti ruar ti Templo, lacsidem, ket dica rucuden; ta naiteden cadagiti gangannaet ket ipayatdanto ti nasantoan a ciudad cadagiti uppat a pulo ket dua a bulan.

Ti Baro a Naimbag a Damag Biblia

² Ngem dimo rukrukoden ti akinruar a paraangan ti templo agsipud ta naited daytoy kadagiti pagilian—baddebaddekandanto ti Nasantoan a Siudad iti las-ud ti tallo ket gudua a tawen.

Paltiing 11:2 Iomraidhean Croise

Dagiti Salmo 79:1

O Dios, dagiti nasnacion umaydan iti uneg ti impatawidmo; ti nasantoan a templom minulitanda; impadsoda a ginabsoon ti Jerusalem.

Isaias 48:2

(Ta naganenda ti bagida a tattaoda iti santo nga ili, ken agsadagda iti Dios ti Israel; Jehova dagiti buybuyot ti naganna):

Isaias 5:5

Ket ita ibagac cadacayo ti aramidecto iticauvasac: iccatecto ti aladna, ket maibusto, rebbaecto ti bacudna, ket isu mapayatpayatto:

Isaias 52:1

Agriingca, agriingca, yusongmo ti pigsam, O Sion; yusongmo ti nasayaat a pagan-anaymo, O Jerusalem, ti nasantoan nga ili: ta manipud ita saanto a sumreken kenca ti di nacugit ken ti di nadalus.

Dungdung-aw 1:10

Ti cabusor inunnatna ti imana cadagiti amin a macaay-ayo a cucuana: ta nakitana a dagiti nasnacion simrecda iti santuariona, maipanggep cadagidiay nangibilinam a saanda coma a sumrec iti gimongmo.

Ezekiel 4:6

Ket intono matungpalmo dagitoy, agiddacanto nga agsikig iti macanawan, ket awitemto ti kinadakes ti balay ti Juda: uppat a pulo nga aldaw, tunggal aldaw maipaay iti macatawen, isu ti inkeddengco kenca.

Ezekiel 42:20

Isu rinucodna cadagiti uppat a sikigan: adda bacudna iti aglicmut, ti caatiddug lima gasut, ket ti caacaba lima gasut, tapno maaramid ti pagsinaan daydiay nasantoan ken daydiay sapasap.

Daniel 12:7

Ket nangngegco ti tao a nagcawes iti lienzo, isu nga adda idi iti ngatoen dagiti dandanum ti carayan, idi intayagna ti canawan ken ti catigid nga imana nga impalangit, ket insapatana iti daydiay agbiag iti agnanayon, a maipaayto iti maysa a pannawen, dagiti panpanawen, ken maysa a cagudua; ket intono naaramiddan ti panungpalan ti pannacaburburac ti pannacabalin ti nasantoan nga ili, amin dagitoy a banbanag malpasdanton.

Daniel 7:19

Idin tinarigagayac nga ammoen ti pudno a maipapan iti maicapat nga animal, isu a naigiddiat cadacuada amin, nacakigkigtot a napalalo, a dagiti ngipenna landocda, ket dagiti cucona gambang; isu a nanglamut, nangtumec ket ti nabati impayatpayatna cadagiti sacana;

Daniel 7:25

Ket isu agbalicasto cadagiti sasao a maicaniwas iti Cangatoan, ket pacapuyennanto dagiti sasanto ti Cangatoan; ket panunutennanto a balbaliwan dagiti pannawen ken linteg; ket maiyawatdanto iti imana aginggana iti maysa a pannawen ken dagiti pannawen ken guddua ti maysa a pannawen.

Daniel 8:10

Ket isu dimmackel unay agingga met laeng iti buyot ti langit, ket ti dadduma iti buyot ken cadagiti bitbitwen intappuacna iti daga, ket impayatpayatna ida.

Daniel 8:13

Idin nangngegco ti maysa a santo a nagsao; ken maysa a sabali a santo kinunana iti daydi a nagsao, Casanonto ti cabayag ti sirmata a maipapan iti di agsarday a daton a mapuuran, ken ti salungasing mangpalangalang, a mangted nga apada iti santuario ken iti buyot tapno mapayatpayatda.

Daniel 8:14

Ket isu kinunana caniac, Aginggana iti dua ribo ket tallo gasut a malem ken bigat; calpasanna ti santuario madalusanto.

Numero 14:34

Mayannatup ti bilang dagiti al-aldaw a pinagsimisimyo iti daga nga isu ti uppat a pulo nga aldaw, ti tunggal aldaw cabatoganna ti maysa a tawen, nga uppat a pulo met laeng a tawen, ket maammoanyonto ti isisinac.

San Mateo 27:53

Ket rimmuarda cadagiti tanem, calpasan ti panagungarna, simrecda iti ciudad a nasantoan, ket nagparangda cadagiti adu.

San Mateo 4:5

Idin daydi diablo impanna iti nasantoan a ciudad, ket insaadna iti rabaw ti cangatoan ti Templo.

San Mateo 5:13

Dacayo ti asin ti daga; ngem no ti asin timmamnayen. Anianto ti pangasin kencuana? Awanen ti capapaayanna, no di maibel-leng iti ruar ket baddekenen dagiti tao.

San Lucas 21:24

Ket mapasagdanto iti tadem ti campilan ket maipandanto a macayawan cadagiti amin a nacion: ket ti Jerusalem ibaddecto dagiti Gentil, agingga iti panacatungpal dagiti aldaw dagiti naciones.

Hebreo 10:29

Anianto a naing-inget a dusa ti pagarupenyo a maicari iti daydiay nangipayat babaen cadagiti sacsacana iti Anac ti Dios, ket impatona a narugit ti dara ti tulag a nacasantificaranna, ket inumsina ti Espiritu ti parabur?

Paltiing 11:11

Ket idi calpasan dagidi tal-lo nga aldaw ket guddua, daydi anges ti biag, a naggapu iti Dios, simrec cadacuada, ket timmacderda; babaen cadagiti sacsacada; ket nagbutengda iti napalalo dagiti nacakita itoy.

Paltiing 11:3

Ket itdecto ti palubos cadagiti dua a sacsic, ket agipadtodanto cadagiti sangaribo dua gasut ket innem a pulo nga aldaw, a sipapanesda cadagiti lupot a nakersang.

Paltiing 12:6

Ket daydi babai timmaray a nagcamang idiay let-ang, nga ayan ti disso nga insagana kencuana ti Dios, tapno taraonanda idiay cadagiti sangaribo duagasut ket innem a pulo nga aldaw.

Paltiing 21:10

Ket impannac babaen ti Espiritu iti maysa a bantay a dackel ken natayag, ket impakitana caniac ti nasantoan a ciudad ti Jerusalem, a bimmaba nanipud langit a naggapu iti Dios.

Paltiing 21:2

Ket nakitac ti santo a ciudad ti baro a Jerusalem, a bimmaba, manipud langit nga aggapu iti Dios, a naisagana a cas la maysa a novia a naarcosan a maipaay iti noviona.

Paltiing 22:19

Ket no addanto mangkissay cadagiti sasao ti pagbasaan daytoy a padto, ti Dios iccatennanto ti pannacabagina iti cayo ti biag, ken idiay nasantoan a ciudad, ken cadagiti banbanag a naisurat itoy a pagbasaan.