Paltiing 11:13 - Ti Biblia (1973)

¹³ Ket idi nga horas immay ti maysa a dackel a gingined, ket natuang ti apagcapul-lo ti ciudad, ket natayda iti gingined dagiti pito ribo a tattao; ket dagidi natidda, nagbutengda, ket impaayda ti panagdaydayaw iti Dios ti langit.

Ti Baro a Naimbag a Damag Biblia

¹³ Iti dayta met la a kanito, nagginggined iti napigsa. Nadadael ti apagkapullo a paset ti siudad ket 7,000 a tattao ti natay. Nagbuteng dagiti tattao a nabati ket nagdaydayawda iti Dios sadi langit.

Paltiing 11:13 Iomraidhean Croise

Genesis 6:4

Adda cadagidi nga aldaw dagiti gigante iti daga, ket casta met iti calpassanna, ta idi simrec dagiti lallaki nga annac ti Dios cadagiti babbai nga annac dagiti tatao, ket nagputotda cadagiti annac: dagitoy isuda idi dagiti mannacabalin a tattao nga adda idi ugma, dagiti lallaki a nagdindinamag:

Isaias 29:6

Isu sarungcaranto ni Jehova dagiti buybuyot a buyogan dagiti gurrood, ken gingined, ken dackel a daranudor, cadagiti alawig ken bagio, ken ti darang ti mangrunaw nga apuy.

Jeremias 13:16

Padayawanyo ni Jehova a Diosyo, casangoanan ti panangpasipngetna, ken casangoanan ti pannacaitibcol dagiti sacsacayo iti rabaw dagiti nasipnget a banbantay, ken bayat ti panagsapulyo iti silaw, isu pagbalinenna nga aniniwan ni patay, ket isu aramidenna a napuscol a sipnget.

Malakias 2:2

No dicayto ipangag, ket dicayo icabcabilangan a padayawan ti naganco, cuna ni Jehova dagiti buybuyot, iti casta ibaonconto ti lunod cadacayo, ket ilunodconto ti panamendicionyo; wen, inlunodco idan, ta isu dicayo icabcabilangan.

San Juan 9:24

Inayabanda manen ngarud ti tao a bulsec idi, ket kinunada kencuana: Iccam ti pammadayaw iti Dios: ammomi a daytoy a tao managbasol.

Dagiti Aramid 1:15

Ket cadagidi nga aldaw, timmacder ni Pedro iti nagtengngaan dagiti cacabsat (agsangagasut ket duapulo dagidi tao a naurnong) ket kinunana:

Josue 7:19

Ket ni Josue kinunana ken ni Acan, Anacco, Agdawatac kenca, itedmo ti pammadayaw ken Jehova, a Dios ti Israel, ket agpudnoca kencuana: ket palawagem caniac itatta no ania ti inaramidmo; dica ilibac caniac.

Paltiing 11:11

Ket idi calpasan dagidi tal-lo nga aldaw ket guddua, daydi anges ti biag, a naggapu iti Dios, simrec cadacuada, ket timmacderda; babaen cadagiti sacsacada; ket nagbutengda iti napalalo dagiti nacakita itoy.

Paltiing 11:19

Ket naluctan daydi templo ti Dios idiay langit, ket nakita idiay templona ti lacasa daydi tulagna: ken naadda idi kimkimat, ken ririaw, ken gurgurrood, ken maysa a gingined, ken dackel a tudo ti uraro.

Paltiing 14:7

Ket cunana iti dackel a timec: agbutengcay iti Dios ket isu dayawenyo: ta dimteng ti horas ti panangocomna; ket agdaydayawcayo iti nangaramid iti langit ken iti daga, ken iti baybay ken cadagiti ubbog dagiti dandanum.

Paltiing 15:4

Siasino ti di agbutengto kenca, O Apo, ken saan a mangidaydayawto iti naganmo? Ta sicsica laeng ti santo: ta isu-amin dagiti pagpagarian umaydanto ket agdayawdanto iti sangoanam; ta dagiti ar-aramidmo a nalinteg naiparangarangda.

Paltiing 19:7

Agragrag-otayo, ket agvivatayo, ket agdaydayawto kencuana ta dimteng ti panagboda ti Cordero, ket ti asawaenna nacasaganan.

Paltiing 3:4

Ngem adda kenca sumagmamano a nagnagan dita Sardis a dida rinugitan dagiti pagananayda; ket dagitoy makicuyogdanto caniac nga agcawesda iti puraw; ta isuda dagiti maicari.

Paltiing 6:12

Ket nakitac idi linuctanna daydi maicanem a sello ket immay ti maysa a dackel a gingined, ket daydi init ngimmisit a cas la maysa a panes a booc; ket daydi bulan nagbalin amin a cas la dara;

Paltiing 8:5

Ket daydi angel innalana daydi paginciensoan; ket pinunnona iti apuy di altar, ket imbellengna iti daga ket simmaruno dagiti gurgurrood, ririaw, ken kimkimat ken maysa a gingined.

1 Samuel 6:5

Gapuna a mangaramidcayo cadagiti ladawan dagiti bosbosaliyo, ken ladawan dagiti marabutityo nga agdadael iti daga; ket dacayo mangtedcayto iti dayaw iti Dios ti Israel: bareng no palag-anannanto ti imana cadacayo, ken cadagiti isu-amin a didiosyo, ken iti isu-amin a dagayo.