Paltiing 11:12 - Ti Biblia (1973)

¹² Ket nangngegda ti maysa a dackel a timec, a naggapu sadi langit, a nagcuna cadacuada: Umulicayo ditoy. Ket immulida sadi langit babaen ti ulep, a kitkitaen ida dagidi cabusorda.

Ti Baro a Naimbag a Damag Biblia

¹² Kalpasanna, nangngeg dagiti dua a profeta ti maysa a napigsa a timek a naggapu sadi langit. “Umulikayo ditoy!” kinunana kadakuada. Ket bayat ti panangkita kadakuada dagiti kabusorda, naipangatoda sadi langit babaen iti maysa nga ulep.

Paltiing 11:12 Iomraidhean Croise

2 Ar-ari 2:1

Ket naaramid, idi a kinayat ni Jehova nga inngato ni Elias iti alawig sadi langit, a ni Elias napan a caduana ni Eliseo a naggapu iti Gilgal.

2 Ar-ari 2:11

Ket naaramid, idi a magmagnada pay laeng, ken agsarsaritada, nga, adtoy, nagparang ti maysa a lugan nga apuy agraman cabcabayo nga apuy, a namagsina cadacuada a dua, ket ni Elias immuli sadi langit iti maysa nga alawig.

2 Ar-ari 2:5

Ket dagiti annac dagiti mammadto nga addada idi idiay Jerico immasidegda ken ni Eliseo, ket kinunada kencuana, Ammom a ni Jehova iccatenna iti daytoy nga aldaw ni apom ita olom? Ket isu simmungbat, Wen, ammoc; agtalnacayo.

2 Ar-ari 2:7

Ket limapulo a lallaki cadagiti annac dagiti mammadto immayda, ket nagtacderda iti sangoananda iti adayu: ket isuda a dua nagtacderda iti igid ti Jordan.

Dagiti Salmo 112:10

Ti nadangkes makitananto, ket agpulcocto; pagngaretngetennanto dagiti ngipenna, ket marunawto: ti tarigagay ti nadangkes mapucawto.

Dagiti Salmo 15:1

Jehova, asino ti agtaengto ita tabernaculom? Asino ti agnaedto ita nasantoan a turodmo?

Dagiti Salmo 24:3

Siasino ti umulinto iti turod ni Jehova? Ket siasino ti agtacderto iti nasantoan a yanna?

Dagiti Salmo 86:17

Iparangannac iti tanda a pagimbagan, tapno dagiti gumurgura caniac makitada, coma ket mabainanda, ta sica, Jehova, binadangannac, ket liniwliwanac.

Exodo 14:25

Ket iniccatna dagiti pilpilid dagiti luluganda, ket narigat ti pananguludda cadacuada; iti casta dagiti Egipcios kinunada, Pumanawtayo iti sango dagiti Israelitas; ta ni Jehova isu ti pannacabagida a makibacal a bumusor cadagiti Egipcios.

Isaias 14:13

Ket kinunam ita pusom, Agpangatoacto sadi langit, ibayogconto ti tronoc iti ngato dagiti bitbitwen ti Dios; ken agtugawacto iti bantay ti gimong, cadagiti caadayuan a paspaset ti amianan;

Isaias 40:31

Ngem dagiti agpannuray ken ni Jehova pabaroendanto ti pigsada; agpangatodanto a sipapayac a cas la aguila; agtaraydanto, ket dida mabannog; magnadanto, ket dida agcapuy.

Isaias 60:8

Asinoda aya dagitoy nga agtayab a cas la ulep, ken cacas la calcalapati cadagiti tawada?

Malakias 3:18

Iti casta agsublicayto ken mabigbigyonto iti nalinteg ken iti managdacdakes, daydiay agservi iti Dios ken daydiay saan nga agservi kencuana.

San Lucas 16:23

Ket idi adda a matutuoc idiay Hades intangadna dagiti matana ket nakitana ni Abraham iti adayu, ken ni Lazaro iti saclotna.

Dagiti Aramid 1:9

Ket idi a nasaona dagitoy a banag, naipangato a kitkitaenda, ket isu inawat ti maysa nga ulep ket dida makitan.

1 Taga-Tesalonica 4:17

Calpasanna, datayo a sibibiag, datayo a mabati, maitayabtayo a maicuyog cadacuada cadagiti ululep, a sumabet iti Apo, iti tangatang; ket iti casta cancanayon nga addatayto iti Apo.

Paltiing 12:5

Ket inyanacna ti maysa nga anac a lalaki, a mangiturayto cadagiti isu-amin a pagpagarian babaen ti maysa a sarucod a landoc; ket daydi anacna naitayab agingga iti Dios idiay tronona.

Paltiing 3:21

Daydiay agbal-ligi, ipaayconto kencuana, a makicatugaw caniac iti tronoc a casmet caniac a nagballigiac ket nakicatugawac ken Amac idiay tronona.

Paltiing 4:1

Calpasan dagitoy, kimmitaac, ket adtoy, maysa a ruangan, a naluctan idiay langit, ket ti umuna a timec a nangngegco, a cas la uni ti tangguyob, a nakisasao caniac, a cuncunana; Umulica ditoy; ket iparangconto kenca dagiti banbanag a mapasamacto iti masacbayan.