Paltiing 11:1 - Ti Biblia (1973)

¹ Ket naited caniac ti maysa a runo, nga umasping iti maysa a sarucod ket kinunada caniac: Tumacderca ket rucudem ti templo ti Dios, ken ti altar, ken dagiti agdaydayaw sadiay.

Ti Baro a Naimbag a Damag Biblia

¹ Naikkanak iti pagrukod a kasla baston, ket naibaga kaniak: “Inka rukoden ti templo ti Dios ken ti altar, ken bilangem dagiti agdaydayaw sadiay.

Paltiing 11:1 Iomraidhean Croise

Isaias 28:17

Ken aramidecto ti kinajusticia iti uged, ken ti kinalinteg iti tinnag; ket ti uraro itayabnanto ti pagcamangan dagiti kinaulbod, ket dagiti dandanum layusendanto ti paglemmengan.

Daniel 7:27

Ket iti pagarian ken panagturay, ken iti kinadackel dagiti pagpagarian iti babaen ti amin a langit maiteddanto cadagiti il-ili dagiti sasanto ti Cangatoan: ti pagarianna agnanayon a pagarian, ket amin a pagturayan agservi ken agtulnogdanto kencuana.

Numero 33:18

Ket nagluasda nanipud Haserot, ket nagtoldada idiay Ritma.

2 Taga-Corinto 6:16

Ket ania ti pacainugotan dagiti ladladawan a didiosen iti Templo ti Dios? ta datayo ti Templo ti Dios a sibibiag; a cas met kinuna ti Dios: Agbalayacto cadacuada, ket magmagnaacto cadacuada; ket siacto ti Diosda, ket isudanto dagiti umili iti Ilic.

1 Pedro 2:5

Dacayo met, cas batbato a sibibiag, maibangoncayo a maysa a templo a naespirituan, nga agbalincayo a maysa a nasantoan a kinapadi; tapno idatonyo dagiti datdaton ti cararua, a macaay-ayo iti Dios, gapu ken Jesu-Cristo.

1 Pedro 2:9

Ngem, dacayo ti napili a caputotan, ti naarian a kinapadi, nasantoan a nacion, ili a cucua ti Dios; tapno ipaduyacyacyo dagiti kinatan-oc daydiay nangayab cadacayo manipud kinasipnget inggana iti nacascasdaaw a lawagna:

Paltiing 10:11

Ket cuncunada caniac; masapul nga agipadtoca manen a maipapan cadagiti adu nga ilili, ken pagpagarian, ken pagsasao, ken ar-ari.

Paltiing 21:15

Ket daydi makisasao caniac, adda maysa a pagrucudna a balitoc, tapno rucudenna ti ciudad ken dagiti ruanganna, ken ti bacudna.