Paltiing 10:1 - Ti Biblia (1973)

¹ Ket nacakitaac iti sabali nga angel a napigsa a bumabbaba manipud langit, a nabungon ti maysa nga ulep; ket adda idi ti bul-lalayaw iti rabaw ti olona; ket daydi rupana cas la iti init ket dagiti sacsacana cacas da la adigi nga apuy;

Ti Baro a Naimbag a Damag Biblia

¹ Kalpasanna, nakitak ti sabali a mannakabalin nga anghel a bumabbaba manipud langit. Nabungon iti ulep ket adda bullalayaw iti ngatoen ti ulona. Naraniag ti rupana a kas iti karaniag ti init ket kasla adigi nga apuy dagiti sakana.

Paltiing 10:1 Iomraidhean Croise

Dagiti Salmo 104:3

A mangicabil cadagiti busuran dagiti silsiledna iti uneg dagiti dandanum; a pagbalinenna a luganna dagiti ul-ulep; a magna iti rabaw dagiti paypayac ti angin;

Dagiti Salmo 97:2

Dagiti ul-ulep ken sipnget agliclicmutda iti arpadna; kinalinteg ken kinajusticia ti nagbatayan ti tronona.

Exodo 16:10

Ket naaramid nga idi nga agsasaon ni Aaron iti amin a gimong dagiti annac ti Israel, kimmitada iti agpalet-ang, ket, adtoy, ti dayag ni Jehova nagparang iti ulep.

Kanta ni Solomon 5:15

Dagiti luppona cas la cadagiti adigi a marmol, a naisaad iti rabaw dagiti batay a balitoc a nasudi: ti langana umasping iti Libano, a nadayag a cas cadagiti cantingen.

Isaias 19:1

Ti sagabaen ti Egipto. Adtoy, ni Jehova aglugan iti nasiglat nga ulep, ken umay iti Egipto: ket dagiti didiosen idiay Egipto agpigergerdanto iti sangoananna; ken ti puso ti Egipto marunawto iti tengngana.

Isaias 54:9

Ta daytoy isu ti cas cadagiti dandanum ni Noe caniac; ta cas insapatac a dagiti dandanum ni Noe saandanto a layusenen ti daga, casta met nga insapatac kenca a saanacton nga agpuntot kenca, ket saancanto metten a tubngaren.

Dungdung-aw 3:44

Inabbongam ti bagim iti ulep, iti casta awan ti macalasat a cararag.

Ezekiel 1:28

A cas ti kita ti bullalayaw nga adda iti ulep iti aldaw ti panagtudo, casta idi ti kita ti raniag iti aglicmut. Daytoy idi ti kita ti caasping ti dayag ni Jehova. Ket idi nakitac, nagpaclebac, ket nangngegco ti timec ti maysa a nagsao.

Daniel 10:6

Ti bagina met mayasping iti berilo, ket ti rupana cas iti langa ti kimat, ket dagiti matana casda gumilgil-ayab nga aluten, ket dagiti tackiagna ken sacana casda napasileng a gambang, ket ti timec dagiti sasaona cas la timec ti umariwecwec a tattao.

Daniel 7:13

Nakitac cadagiti parparmata ti rabii, ket adtoy, immay babaen cadagiti ululep ti langit ti maysa a cas la anac ti tao, ket dimteng ti dati a lacay, ket isu inyasidegda iti saclangna.

Levitico 16:2

Ket ni Jehova kinunana ken Moises, Ibagam ken Aaron a cabsatmo ta saanto a sumsumbrec cadagiti amin nga aldaw iti nasantoan a disso iti uneg ti abbong, a dumanon iti sango ti tugaw ti caasi, nga adda iti rabaw ti lacasa; tapno dimatay: gapu ta siac agparangacto iti ulep iti rabaw ti tugaw ti caasi.

San Mateo 17:2

Ket nagbaliw iti sangoananda; ket naglawag ti rupana a cas la ti init, ket dagiti pagananayna nagbalinda a napudaw cas iti lawag.

San Lucas 21:27

Ket iti dayta makitadanto ti Anac ti tao, nga umayto iti maysa nga ulep agraman ti pannacabalin ken dackel a dayagna.

Dagiti Aramid 26:13

Idi tengnga ti aldaw, O ari, nakitac iti dalan ti maysa a lawag ti langit, a naranraniag ngem iti init, isu a nanglicmut caniac ken cadagiti kimmuyog caniac.

Paltiing 1:7

Adtoy isu umay a buyugen dagiti ululep ket makitanto dagiti isu-amin a matmata, ken castamet dagidi nangduyuc kencuana; ket dagiti isu-amin a capcaputotan ditoy daga agdung-awdanto gapu kencuana. Casta coma; Amen.

Paltiing 18:1

Calpasan dagitoy a banag, nakitac ti sabali nga angel a bumaba nanipud langit, nga addaan dackel a turay; ket ti daga nasilnagan daydi dayagna.

Paltiing 18:21

Ket maysa nga angel a napigsa binagcatna ti maysa a bato, a cas la maysa a dackel a bato a gilingan, ket intapuacna iti baybay, a cuncunana; Castoy a babaen ti nacaal-alinget a pannacatnag, marbecto ti Babilonia, daydi dackel a ciudad, ket saanto a masaracanen.

Paltiing 20:1

Ket nakitac ti maysa nga angel a bumaba nanipud langit, nga adda kencuana daydi tulbec ti mangliwengliweng nga abut ken ti maysa a dackel a cawar, iti imana.

Paltiing 4:3

Ket daydi agtugtugaw, cas la umasping iti maysa a bato a jaspe ken maysa a bato a sardio; ket adda idi ti maysa a bul-lalayaw a nanglawlaw iti trono, nga umasping iti maysa nga esmeralda.

Paltiing 5:2

Ket nacakitaac iti maysa nga angel a mannacabalin nga iyawawagna iti dackel a timec: Siasino ti maicari a mangbistrad iti pagbasaan, ken mangwarwar cadagiti sellona?

Paltiing 8:13

Ket nakitac ken nangngegco ti maysa nga aguila nga agtaytayab iti nagtangatangan, a cuncunana iti dackel a timec: Ay, ay, ay pay dagiti agnaed iti rabaw ti daga, maipuon cadagiti sabali nga uni ti tangguyob dagiti tal-lo nga angel nga agtangguyobto pay.