Paltiing 1:8 - Ti Biblia (1973)

⁸ Siac ti Alfa ken ti Omega, cuna ni Apo Dios, ti adda ita, ken ti adda idi ken ti umayto, ti Mannacabalin-amin.

Ti Baro a Naimbag a Damag Biblia

⁸ “Siak ti Alfa ken ti Omega,” kuna ni Apo Dios a Mannakabalin-amin, isu nga adda ita, adda idi ken umayto.

Paltiing 1:8 Iomraidhean Croise

Genesis 17:1

Ket idi a ni Abram nagtawen iti siam a pulo ket siam, ni Jehova nagparang ken Abram, ket kinunana kencuana, Siac ti Dios a Mannacabalin amin; magnaca iti sangoc ket awan coma ti pagcurcurangam.

Genesis 28:3

Ket ti Dios a Mannacabalin amin bendicionannaca coma, ket pagbungaennaca, ket pagaduennaca tapno sica agbalinca a bunggoy dagiti inilin-ili;

Genesis 35:11

Ket ti Dios kinunana kencuana, Siac ti Dios a Mannacabalin amin: agbungaca ket umaduca; ti maysa a nacion ken maysa bunggoy dagiti nasnacion agtauddanto kenca, ket ar-ari agtauddanto iti lasagmo;

Genesis 43:14

Ket ti Dios a Mannacabalin amin yetnagna coma cadacayo ti caasi iti sango daydiay a lalaki, tapno yawatna cadacayo daytay maysa a cabsatyo a lalaki ken ni Benjamin. Ket no maulilaac cadagiti annacco, maulilaac.

Genesis 48:3

Ket ni Jacob kinunana ken Jose, Ti Dios a Mannacabalin amin nagparang caniac idiay Luza, sadiay daga a Canaan, ket binendicionannac.

Genesis 49:25

Aggapu iti Dios ni amam met laeng, ti tumulongto kenca, Ket aggapu iti Mannacabalin amin ti mamendicionto kenca, Cadagiti benbendicion ti langit a nangato, Benbendicion ti yuyeng nga agiyan iti baba, Benbendicion dagiti sussuso, ken ti aanacan.

Exodo 3:14

Ket ti Dios kinunana ken Moises, SIAC TI SIAC: ket kinunana, castoy ti saoemto cadagiti annac ti Israel NI SIAC ti nangibaon caniac cadacayo.

Exodo 6:3

Ket siac nagparangac ken Abraham, ken Isaac ken Jacob, cas Dios a Mannacabalin amin; ngem iti naganco a Jehova saandac a naammoan.

Isaias 41:4

Asino ti nangaramid ken nangtungpal itoy, nga ayabanna dagiti caputotan nanipud idi damo? Siac, a Jehova, ti umuna ken maudi, siac daydiay.

Isaias 43:10

Dacayo dagiti sacsic, cuna ni Jehova, ken ti adipenco a pinilic; tapno maammoanyo ken patiendac, ken maawatanyo a siac daydiay: awan idi ti nabukel a Dios nga im-mun-una ngem siac, ket awanto met iti sumaruno caniac.

Isaias 44:6

Castoy ti cuna ni Jehova, nga ari ti Israel ken Mannubbot kencuana, Jehova dagiti buybuyot: Siac ti immuna ken ti camaudianan; ket awan ti Dios no di la sisiac.

Isaias 48:12

Dumngegcayo caniac, O Jacob, ken Israel nga inayabac: Siac daydiay: siac ti umuna, siac met ti maudi.

Isaias 9:6

Ta nayanac ti maysa nga ubing cadatayo, maysa nga anac a lalaki ti naited cadatayo; ket ti panangituray maiparabawto iti abagana: ket ti naganna magaladanto iti Nacascasdaaw, Mamagbaga, Mannacabalin a Dios, Agnanayon nga Ama, Principe ti Cappia.

Numero 24:4

Cunana, Ti macangngeg cadagiti sasao ti Dios, Ti macakita iti parparmata ti Mannacabalin-amin, Nagpasag, ket simumulagat dagiti matana:

2 Taga-Corinto 6:18

Ket siacto ti Amayo, Ket dacayonto ti annacco a lallaki ken babbai; Cuna ti Apo a Mannacabalin amin.

Paltiing 1:11

A cuncunana: Ti makitam, isuratmo iti maysa a pagbasaan ket ipawitmo cadagiti pito nga Iglesia: idiay Efeso, ken idiay Smirna, ken idiay Pergamo, ken idiay Tiatira, ken idiay Sardis, ken idiay Filadelfia ken idiay Laodicea.

Paltiing 1:17

Ket idi nakitac, napasagac cadagiti sacsacana a cas la natay; ket impatayna daydi macanawanna caniac, a kinunana: Dica agbuteng siac ti umuna ken ti camaudianan,

Paltiing 1:4

Ni Juan isuratna cadagiti pito nga Iglesia nga addada iti Asia: Parabur cadacayo ken talna nga aggapu iti daydiay nga adda ita ket adda idi, ken umayto; ken aggapu cadagiti pito nga Espiritu nga addada iti sangoanan ti tronona;

Paltiing 11:17

A cuncunada: O Apo Dios a Mannacabalin-amin agiamancam kenca ta addaca ita ket addaca idi, agsipud ta innalam ti dackel a pannacabalinmo ket nagarica.

Paltiing 15:3

Ket cancantaenda daydi canta ni Moises, nga adipen ti Dios, ken ti canta ti Cordero, a cuncunada: Dadackel ken nacascasdaawda dagiti ar-aramidmo, O Apo Dios, a Mannacabalin-amin; nalinteg ken napudno dagiti daldalanmo, Sica Ari cadagiti panpannawen.

Paltiing 16:14

Ta isuda dagiti espiritu dagiti demonio, nga agar-aramid cadagiti datdatlag; isuda a mapan cadagiti ar-ari ti amin a lubong tapno urnungenda ida a maisagana iti gubat ti dackel nga aldaw ti Dios a Mannacabalin-amin.

Paltiing 16:7

Ket nangngegco ti timec a naggapu idi altar a cuncunana: Wen, O Apo Dios a Mannacabalin-amin, dagiti panangipatom isuda dagiti napudno ken nalinteg.

Paltiing 19:15

Ket iti ngiwatna rummuar ti maysa a campilan a natadem, tapno pangdunorna cadagiti pagpagarian, ket iturayanna ida babaen ti maysa a sarucod a landoc; ket isu payatenna ti pagpespesan ti kinaunget ti pungtot ti Dios a Mannacabalin-amin.

Paltiing 19:6

Ket nangegco ti ariwawa ti cas la umariwecwec, ken cas la ungor dagiti adu a dandanum ken ti cas la uni ti napigsa a gurgurood, a cuncunada: Aleluya; ta agari ni Apo Dios, a Mannacabalin-amin.

Paltiing 2:8

Ket isuratmo iti angel ti Iglesia ti Smirna: Dagitoy a banbanag cuna ti umuna ken ti camaudianan, daydi natay, ket nagbiag manen:

Paltiing 21:22

Ket awan ti nakitac a templo kencuana; ta ni Apo Dios, a Mannacabalin-amin, ken daydi Cordero isuda ti templona.

Paltiing 21:6

Ket kinunana caniac: Nalpasdan. Siac ti Alfa ken Omega, ti pangrugian ken panungpalan. Iti mawaw Siac painumecto daydiay mawaw iti ubbog ti danum ti biag, nga awan baybayadna.

Paltiing 22:13

Siac ti Alpha ken ti Omega, ti umuna ken ti camaudianan ti pangrugian ken ti pagpatinggaan.

Paltiing 4:8

Ket dagidi uppat a parsua a sibibiag, tunggal maysa cadacuada adda innem a payacna ket napnoda cadagiti matmata iti aglawlaw ken iti uneg; ket dida umingga iti aldaw ken rabii a cuncunada: Santo, santo, ni Apo Dios, ti Mannacabalin-amin, isu nga adda idi, ken adda ita, ken umayto.