Paltiing 1:6 - Ti Biblia (1973)

⁶ Ket pinagbalinnatayo a maysa a pagarian ken papadi a maipaay iti Dios ken Amana, adda coma kencuana ti dayaw ken ti panagturay iti agnanayon nga awan inggana, Amen.

Ti Baro a Naimbag a Damag Biblia

⁶ Pinagbalinnatayo a pagarian, ken papadi nga agserbi iti Dios ken Amana. Ipaduyakyaktayo ti agnanayon a dayag ken pannakabalin ni Jesu-Cristo! Amen.

Paltiing 1:6 Iomraidhean Croise

Exodo 19:6

Ket dacayonto caniac ti maysa a pagarian a papadi, ken maysa a nasantoan a nacion. Dagitoy dagiti sao nga ibagamto cadagiti annac ti Israel.

Isaias 61:6

Ngem dacayo managanancayto papadi ni Jehova; dagiti tattao naganendacayto ministros ti Diostayo: canenyonto dagiti sanicua dagiti nasnacion, ken iti dayagda maitan-occayto.

Daniel 4:34

Ngem iti calpasan dagiti al-aldaw siac, ni Nabucodonosor, intangadco dagitoy matac sadi langit, ket ti nakemco nagpulang caniac, ket binenditoc ti Cangatoan, ket dinaydayawco ken intan-occo daydiay nga agbiag iti agnanayon; agsipud ta ti panagturayna agnanayon a panagturay, ket ti pagarianna manipud caputotan agingga iti caputotan;

Daniel 7:14

Ket isu naiccan iti panagturay, ken dayag, ken maysa a pagarian, nga amin dagiti il-ili, nasnacion, ken pagsasao agservida coma kencuana: ti panagturayna agnanayon a panagturay a dinto mapalabas, ket ti pagarianna dinto maduprac.

San Mateo 6:13

Ket dinacam iyeg iti pannacasulisog, no di ket isalacannacami iti dakes.

San Juan 5:23

Tapno dagiti isu-amin padayawanda ti Anac a cas met iti panangpadayawda iti Ama. Ti saan a mangpadayaw iti Anac, saanna a padayawan ti Ama a nangibaon kencuana.

Taga-Roma 11:36

Ta dagiti amin a banbanag agtaudda kencuana, gapu kencuana ken maipaayda kencuana. Madaydayaw coma iti agnanayon. Amen.

Taga-Roma 15:6

Tapno iti maymaysa a timpuyog ken maymaysa a timec, daydayawenyo ti Dios ken Ama ni Apotayo a Jesu-Cristo.

Taga-Filipos 2:11

Ken amin a dila ipudnoda a ni Jesu-Cristo, isu ti Apo, tapno paca idayawan ti Dios Ama.

1 Timoteo 6:16

Isu laeng nga adaan iti saan nga ipapatay, nga agnaed iti maysa a lawag a di maasitgan, isu a saan a nakita ti uray siasino a tao, ket di met mabalin a kitaen: isu a madaydayaw ken agturay iti agnanayon, Amen.

Hebreo 13:21

Aramidennacayo coma a naananay cadagiti isu-amin a banbanag, tapno aramidenyo coma ti pagayatanna, nga aramidenna coma cadatayo ti macaay-ayo iti imatangna, gapu ken Jesu-Cristo. Isu a madaydayaw coma iti agnanayon nga awan inggana. Amen.

1 Pedro 4:11

No ti siasinoman nga agsao, agsao coma cas cadagiti sasao ti Dios; no ti maysa agservi cas coma iti pannacabalin nga inted ti Dios: tapno ti Dios madaydayaw coma cadagiti isu-amin a banbanag, gapu ken Jesu-Cristo; isu a makincua iti dayag ken iti panagturay iti agnanayon nga awan inggana. Amen.

1 Pedro 5:11

Maited coma kencuana ti panagturay, iti agnanayon nga awan inggana. Amen.

2 Pedro 3:18

No saan ket a rumang-aycayo coma iti gracia ken iti panangammo ken Apotayo ken Manangisalacan a Jesu-Cristo. Kencuana maited coma ti panagdaydayaw ita ken iti agnanayon. Amen.

San Judas 1:25

Iti maymaysa a Dios, a Manangisalacan cadatayo gapu ken Jesu-Cristo nga Apotayo, adda coma ti kinadayaw, kinadayag, ken kinaturay ken ti pannacabalin idi punganay, ita ken iti agnanayon nga awan inggana; Amen.

Paltiing 1:9

Siac ni Juan, a cabsatyo ken makipaglac-am cadacayo iti rigat, ken iti pagarian ken iti kinaanus ni Jesus addaac idi idiay puro a managan Patmos, maipuon iti sao ti Dios ken iti pammanecnec ken Jesus.

Paltiing 20:6

Nagasat ken santo ti mairaman iti panagungar nga umuna: cadacuada awan pannacabalin ti maicadua nga ipapatay; no di ket isudanto dagiti papadi ti Dios ken ni Cristo, ket makipagaridanto kencuana bayat ti sangaribo a tawen.

Paltiing 4:11

Sica ti maiparbeng, Apomi ken Diosmi, nga umawat iti dayag, iti dayaw ken iti pannacabalin; ta sica pinarsuam dagiti isu-amin nga adda, ket gapu iti nakemmo naaddada, ket naparsuada.

Paltiing 5:10

Ket pinagbalinmo ida a maipaay iti Diostayo a pagarian ken papadi; ket agarida iti rabaw ti daga.