Paltiing 1:16 - Ti Biblia (1973)

¹⁶ Ket iti macanawan nga imana nagiggem cadagiti pito a bituen; ket iti ngiwatna rimmuar ti maysa a campilan, a dua ti tademna; ket daydi rupana cas la panaglawag ti init no caraniagna.

Ti Baro a Naimbag a Damag Biblia

¹⁶ Ig-iggaman ti makannawan nga imana ti pito a bituen. Rimmuar iti ngiwatna ti maysa a kampilan a natadem ken dua ti tademna. Makasisirap ti rupana kas iti raniag ti init iti agmatuon.

Paltiing 1:16 Iomraidhean Croise

Ti Libro ni Job 38:7

Idi dagiti bitbitwen ti agsapa nagdaniwda a sangsangcamaysa, ken amin dagiti annac a lallaki ti Dios dimmirida gapu iti rag-o?

Dagiti Salmo 45:3

Ibarikesmo ta campilanmo ita lupom, O mannacabalin, ti dayag ken ti tan-ocmo.

Kanta ni Solomon 6:10

Asino ti cumita a cas bigat, naimans a cas ti bulan, nalawag a cas ti init, nacakigkigtot a cas maysa a buyot a cuyugen dagiti wagayway?

Isaias 11:4

No di ket ocomennanto dagiti napanglaw a buyogan ti kinalinteg, ken mangipato a sililinteg a maipaay cadagiti napacumbaba ditoy daga; ket cabilennanto ti daga iti pang-or ti ngiwatna; ken gapu iti puyot dagiti bibigna patayennanto dagiti managdacdakes.

Isaias 24:23

Isunton ti pannacariribuc ti bulan, ket ti init mabainanto; ta ni Jehova dagiti buybuyot agarinto idiay bantay Sion, ken sadi Jerusalem; ket iti sangoanan dagiti panglacayenna addanto dayag.

Isaias 49:2

Ket inaramidna ti ngiwatco a cas maysa a campilan a natadem; liningedannac iti aniniwan ti imana: ken isu inaramidnac a maysa a napasileng nga orongan; iti taguban indulinnac:

Daniel 12:3

Ket dagiti mamasirib aglawagdanto a cas iti raniag ti tangatang; ket dagiti mangiragpat cadagiti adu iti kinalinteg casdanto cadagiti bitbitwen iti agnanayon nga awan ti inggana.

Daniel 8:10

Ket isu dimmackel unay agingga met laeng iti buyot ti langit, ket ti dadduma iti buyot ken cadagiti bitbitwen intappuacna iti daga, ket impayatpayatna ida.

Malakias 4:2

Ngem cadacayo nga agbuteng iti naganco lumgacto ti init ti kinalinteg agraman mangpasalun-at a payacna; ket rumuarcayto, ken aglagtocayto a cas la iti urbon ti vaca a nairuar iti pagpupocan.

San Mateo 17:2

Ket nagbaliw iti sangoananda; ket naglawag ti rupana a cas la ti init, ket dagiti pagananayna nagbalinda a napudaw cas iti lawag.

Dagiti Aramid 26:13

Idi tengnga ti aldaw, O ari, nakitac iti dalan ti maysa a lawag ti langit, a naranraniag ngem iti init, isu a nanglicmut caniac ken cadagiti kimmuyog caniac.

Taga-Efeso 6:17

Alaenyo met a pannacacabal ti ulo, ti pannacaisalacan, ken ti campilan ti Espiritu, nga isu ti sao ti Dios:

Hebreo 4:12

Ta ti sao ti Dios nabiag ken napigsa, ket natadtadem ngem uray ania a campilan a dua ti tademna, ket dumanon nga agingga iti paglasinan ti cararua ken ti espiritu, wen, ken dagiti nagsusuupan ken pata ket nasiglat nga agilasin cadagiti panunot ken panagem ti puso.

Paltiing 1:20

Ti palimed dagiti pito a bituen a nakitam iti macanawanco, ken dagiti pito a pagsilawan a nabalitocan. Dagiti pito a bituen isuda dagiti angel cadagiti pito nga Iglesia; ket dagiti pito a pagsilawan isuda dagiti pito nga Iglesia.

Paltiing 10:1

Ket nacakitaac iti sabali nga angel a napigsa a bumabbaba manipud langit, a nabungon ti maysa nga ulep; ket adda idi ti bul-lalayaw iti rabaw ti olona; ket daydi rupana cas la iti init ket dagiti sacsacana cacas da la adigi nga apuy;

Paltiing 12:1

Ket maysa a dackel a pagilasinan nakita idiay langit: Maysa a babai a sicacawes iti init, ket ti bulan iti baba dagiti sacsacana ket iti olona maysa a balangat a sangapulo ket dua a bituen;

Paltiing 19:15

Ket iti ngiwatna rummuar ti maysa a campilan a natadem, tapno pangdunorna cadagiti pagpagarian, ket iturayanna ida babaen ti maysa a sarucod a landoc; ket isu payatenna ti pagpespesan ti kinaunget ti pungtot ti Dios a Mannacabalin-amin.

Paltiing 19:21

Ket dagidi dadduma napapatayda babaen ti campilan daydi nagsacay idi cabayo, daydi campilan a rummuar idi ngiwatna: ket isu-amin dagiti tumatayab nagbussogda cadagiti laslasagda.

Paltiing 2:1

Isuratmo iti angel ti Iglesia sadi Efeso: Dagitoy a banbanag cuna ti agig-iggem cadagiti pito a bituen iti macanawanna, ken magna iti tengnga dagiti pito a pagsilawan a nabalitocan:

Paltiing 2:12

Ket isuratmo iti angel ti Iglesia sadi Pergamo: Dagitoy a banbanag cuna ti agig-iggem iti natarumamis a campilan a dua ti tademna:

Paltiing 2:16

Agbabawica ngarud; ta no saan, umayacto kenca iti madaras, ket gubatecto ida iti campilan iti ngiwatco.

Paltiing 3:1

Ket isuratmo iti angel ti Iglesia sadi Sardis Dagitoy: a banbanag cuna ti addaan cadagiti pito nga Espiritu ti Dios ken dagiti pito a bituen: Siac ammoc dagiti ar-aramidmo, a managananca sibibiag, ket natayca.

Uk-ukom 3:16

Ket ni Aod nangaramid iti maysa nga igam nga addaan dua a tadem, a ti caatiddogna maysa a sico; ket isu imbarikesna iti uneg ti cawesna iti rabaw ti canawan a padingpadingna.

Uk-ukom 5:31

Iti casta matayda coma amin dagiti cabusormo, O Jehova: ngem dagiti agayat kencuana isuda coma iti cacas la iti init no lumgac a sirarangrang. Ket ti daga nagtalna cadagiti uppat a pulo a tawen.