Numero 8:8 - Ti Biblia (1973)

⁸ Sada alaen ti maysa a bumaro a vaca ken ti datonda a macan, a namayecmec a bellaay a nagamayan iti lana; ken sabali a bumaro a vaca ti alaemto a daton gapu iti basol.

Ti Baro a Naimbag a Damag Biblia

⁸ Mangalada iti bumaro a baka ken ti naituding a daton a makan nga arina a nagamay iti lana ti olibo; mangalaka iti sabali a baka a maidaton gapu iti basol.

Numero 8:8 Iomraidhean Croise

Exodo 29:1

Ket daytoy ti aramidemto a panangisaad cadacuada a nasantoan, tapno agakemda caniac iti annung ti padi: mangalaca iti bumaro a vaca, ken dua a lallaki a carcarnero nga awan pilawda,

Exodo 29:3

Ket icabilmonto ida iti maysa a labba ket yegmonto ida a silalabba agraman ti bumaro a vaca ken dagiti dua a lallaki a carcarnero.

Isaias 53:10

Nupay casta naay-ayo ni Jehova iti pinangpalitemna kencuana; isu pinalidayna: intono aramidem ti cararuana a maysa a daton a gapu iti basol, makitananto ti caputotanna, paatiddugennanto dagiti al-aldawna, ket ti pagayatan ni Jehova rumang-ayto itiimana.

Levitico 1:3

No vaca ti mapuuran a pagdatonna, idatonnanto ti lalaki nga awan pacapilawanna: ti pangidatonannanto iti ruangan ti tolda ti gimong, tapno maawat iti saclang ni Jehova.

Levitico 16:3

Cadagitoy sumrecto ni Aaron iti tugaw a nasantoan: agraman maysa a lalaki a vaca, nga idaton gapu iti basol, ken maysa a carnero a lalaki a daton a mapuuran.

Levitico 2:1

Ket no adda mangipaay iti daton a bel-laay ken Jehova, ti namayecmec nga harina idatonnanto; ket buyatannanto iti lana, sana icabilto ti incienso;

Levitico 4:14

No ti basol a nacabiddutanda maammoan, ti gimong ngarud idatonnanto ti maysa a vaca a bumaro nga agservi a daton gapu iti basol, ket yegna iti sango ti tolda ti gimong.

Levitico 4:3

No ti napulotan a padi macabasolto isu a pacairamananto ti ili, mangidaton ngarud gapu iti basolna nga inaramidna, iti maysa a bumaro a vaca nga awan pacapilawanna ken Jehova, a maipaay a daton gapu iti basol.

Levitico 8:2

Alaem ni Aaron ken agraman dagiti annacna a lallaki, ken dagiti cawcawes, ken ti lana a pagsapsapo, ken ti vaca a lalaki a daton gapu iti basol, ken dagiti dua a lallaki a carnero, ken ti labba ti di-nalevaduraan a tinapay;

Taga-Roma 8:3

Ta ti saan a mabalinan ti linteg, idinto a napacapuy gapu iti lasag, inaramid ti Dios, nga imbaonna ti Anacna a caasping ti lasag a managbasol ket gapu iti basol, impatayna ti dusa ti basol iti lasag:

2 Taga-Corinto 5:21

Daydi saan a nacaammo ti basol, inaramidna a basol gapu cadatayo, tapno macapagbalintayo a kinalinteg ti Dios gapu kencuana.