Numero 6:3 - Ti Biblia (1973)

³ Iyadayunanto ti bagina iti arac ken naingel nga inumen; saanto nga umin-inum iti suca ti arac, wenno suca ti naingel nga inumen, dinto met uminum iti tubbog ti uvas, wenno mangan iti naganus nga uvas wenno nagango.

Ti Baro a Naimbag a Damag Biblia

³ masapul a di uminum iti arak wenno aniaman a makabartek. Maiparit kenkuana ti aniaman nga inumen a nagtaud iti ubas wenno mangan iti ubas wenno pasas.

Numero 6:3 Iomraidhean Croise

Levitico 10:9

Sica wenno dagiti annacmo a lallaki agraman kenca, dicay uminum iti arac wenno naingel nga inumen no sumreccayo iti tolda ti gimong, tapno dicay matay: daytoy maalagadto nga agnanayon cadagiti caputotanyo:

Amos 2:11

Ket cadagiti annacyo a lallaki pinatacderco dagiti mammadto, ken dagiti agtutuboyo a lallaki tapno agbalinda a Nazareo. Saan aya a casta met laeng, dacayo annac ti Israel? cuna ni Jehova.

Amos 2:12

Ngem impainumyo ti arac cadagiti Nazareo, ket imbilinyo cadagiti mammadto, a cunayo, Dicayo agipadto.

Numero 6:4

Amin dagiti al-aldaw a pannacayadayuna awanto ti canenna nga agtaud iti puon ti uvas, manipud bucbukel agingga iti ukis.

San Lucas 1:15

Ta dackelto iti sangoanan ti Apo: ket saanto nga uminum ti arac ken inumen a naingel: ket mapnonto ti Espiritu Santo manipud pay iti tian ni inana.

San Lucas 21:34

Ket agaluadcayo, di la ket ta dagiti puspusoyo mapnoda ti kinarawet ken panagbartec, ken cadagiti tarigagay itoy a biag ket iti casta umayto a kel-laat cadacayo dayta nga aldaw:

Taga-Efeso 5:18

Ket dicay agbartec iti arac, isu a pagbuslonan ti kinadakes, no di ket mapnocay coma iti Espiritu;

1 Taga-Tesalonica 5:22

Idianyo ti amin a kita ti dakes.

1 Timoteo 5:23

Saanca nga uminumen ti danum, no di ket aramatem ti bassit nga arac, gapu ita rusocmo ken dagiti masansan a nasacsakitmo.

Hebreo 9:10

Idinto a pagalagadanda laeng a maipapan iti bagi (babaen dagiti sidsida ken in-inumen ken nadumaduma a kita ti panagbuggo) a naituyangda agingga iti aldaw ti pannacabalbaliw.

Uk-ukom 13:14

Isu saan a mangan iti uray ania nga agtaud iti uvas, dicayo palubusan nga uminum iti arac wenno iti naingel nga inumen, saan a mangan iti uray ania a narugit; amin ti imbilinco kencuana tungpalenna coma.

Uk-ukom 13:4

Gapuna ita agdawatac kenca agaluadca ket dica uminum iti arac wenno aniaman a naingel nga inumen, ket dica mangan iti uray aniaman a narugit a banag: