Numero 4:12 - Ti Biblia (1973)

¹² Ket alaendanto amin dagiti vasvaso ti panagannong isuda a pagservi iti santuario, ket icabildanto iti maysa a lupot nga azul, ket bungonendanto ida iti pagbungonan a lalat ti foca ket iparabawdanto ida iti tarimban.

Ti Baro a Naimbag a Damag Biblia

¹² Alaenda amin nga alikamen a maaramat iti Nasantoan a Disso, bungonenda iti asul a lupot, arpawanda iti nalamuyot a lalat ket ikabilda iti nasangal a pagawitan.

Numero 4:12 Iomraidhean Croise

1 Cronicas 9:28

Ket dadduma cadacuada ti panangaywan cadagiti al-alicamen ti panagservi; ta mabilangda dagitoy no mayunegda ken mabilangda no mairuarda.

1 Cronicas 9:29

Dadduma met cadacuada nadutocanda nga agaywan iti arruaten, ken cadagiti al-alicamen ti santuario, ken iti namayecmec a harina, ken iti arac, ken iti lana, ken iti incienso, ken cadagiti recrecado.

2 Cronicas 4:11

Ket ni Huram inaramidna dagiti banga, ken dagiti soplad, ken dagiti palangana. Casta ti panangleppas ni Huram ti aramid nga inaramidna a maipaay ken ari Salomon iti balay ti Dios:

2 Cronicas 4:16

Dagiti banga met ken dagiti soplad, ken dagiti pagadaw iti lasag, ken amin nga al-alicamenna, inaramid ni Huram nga amana a gapu ken ari Salomon, a maipaay iti balay ni Jehova iti nasileng a gambang.

2 Cronicas 4:19

Ket ni Salomon inaramidna amin dagiti al-alicamen nga addada idi iti balay ti Dios, ti balitoc nga altar met, ken dagiti lamesaan a yan idi ti tinapay ti pamarang;

2 Cronicas 4:22

Ken dagiti pangarsang, ken dagiti bacca, ken dagiti cuchara, ken dagiti pagiccan ti apuy, a pulpulos a balitoc. Ket no maipapan ti pagsercan iti balay, dagiti naun-uneg a ruangan a maipaay iti casasantoan a disso, ken dagiti ruangan ti balay, cayatna a sawen, ti templo, balitocda idi.

Exodo 25:5

Ken lallalat dagiti carcarnero a lallaki a natina iti nalabaga, ken lallalat dagiti foca, ken cayo nga acacia,

Exodo 25:9

Cas mayannurot cadagiti amin nga ipakitac kenca, ti pagwadan ti tabernaculo, ken ti pagwadan dagiti amin nga al-alicamenna, casta ti aramidenyonto.

Exodo 31:10

Ken dagiti casayaatan ti pannacaaramidna a cawcawes, ken dagiti nasantoan a cawcawes a maipaay ken Aaron a padi, ken dagiti cawcawes dagiti annacna a lallaki, nga agakem iti annung ti padi,

Numero 3:8

Ket isuda aywanandanto amin dagiti al-alicamen ti tolda ti gimong, ken ti italec dagiti annac ti Israel, a panagservi iti tabernaculo.

Numero 4:11

Ket iti rabaw ti altar a balitoc yaplagdanto ti azul a lupot, ket cumotandanto iti abbong a lalat ti foca, sada yusocto dagiti pagassiwan:

Numero 4:13

Ket iccatendanto dagiti dapo iti altar ket yaplagdanto iti rabawna ti maysa a lupot a purpura:

Numero 4:6

Ket icabildanto iti rabawna ti maysa abbong a lalat ti foca, ket yaplagdanto iti rabawna ti maysa a lupot a bin-ig nga azul, sadanto yusoc dagiti pagassiwan.

Numero 4:7

Ket iti rabaw ti lamisaan ti tinapay ti pamarang yaplagdanto ti lupot nga azul, sada iparabawto idiay dagiti pingpinggan, ken dagiti cutcuchara, ken dagiti malmalocong, ken dagiti copcopa a pagibuyat: ket ti cancanayon a tinapay addanto laeng idiay rabawna:

Numero 4:9

Ket mangaladanto iti maysa a lupot nga azul, ket abbongandanto ti candelero ti silaw, ken dagiti pagsainganna ken dagiti pagarsangna ken dagiti pagyarsangan ken amin a paglanaanna, isu a pagannonganda kencuana: