Numero 20:10 - Ti Biblia (1973)

¹⁰ Ket da Moises ken Aaron inummongda ti gimong a tiniptipon iti sangoanan ti bato, ket kinunada cadacuada, Denggenyo ita, dacayo a nasungit; yegandacayto ti danum nga aggapu iti daytoy a bato?

Ti Baro a Naimbag a Damag Biblia

¹⁰ Inummongda ken ni Aaron ti entero a gimong iti sango ti bato ket kinuna ni Moises, “Dumngegkayo, dakayo a nasukir! Masapul kadi a mangalakam iti danum iti daytoy a bato nga agpaay kadakayo?”

Numero 20:10 Iomraidhean Croise

Santiago 3:2

Ta maitibcultayo amin cadagiti adu a banbanag. No adda saan a macabasol iti sao, maysa a tao, a naimbag unay, a macabalin a mangngednged iti isu-amin a bagi.

Taga-Efeso 4:26

No agpungtotcayo, dicay agbasol; saan coma a lumnec ti init a sipupungtotcay pay laeng:

San Mateo 5:22

Ngem cunac cadacayo, nga uray siasino a gumura iti cabsatna, agpeggadto iti pannacaocom; ket uray siasino nga agcunanto iti cabsatna; Ong-ong, agpeggadto iti pangocoman; ket uray siasino nga agcunanto kencuana: Awan nakemmo, agpeggadto iti infierno nga apuy.

Deuteronomio 9:24

Dacayo nagtaengcayo a sisasalungasing iti maicaniwas ken Jehova nanipud iti aldaw a pannacaammoc cadacayo.

Genesis 41:16

Ket ni Jose simmungbat ken Faraon, a kinunana, Awan caniac: ti Dios sungbatannanto a sitatalna ni Faraon.

Genesis 40:8

Ket kinunada kencuana, Nagtagtagainepcami iti parparmata, ket awan ti macaipalawag. Ket ni Jose kinunana cadacuada, Saan aya a dagiti panangipalawag addada iti biang ti Dios? saoenyo caniac, dawatec cadacayo.

1 Taga-Corinto 3:7

Iti casta, uray ti agmula, uray ti agsibug, awan aniaman no di laeng ti Dios a mangted ti idadackel.

Exodo 17:6

Adtoy, addaacto iti sangoanam idiay iti rabaw ti bato sadi Horeb; ket ibaotmonto iti bato, ket rumuarto idiay ti danum, tapno uminum dagiti tattao. Ket ni Moises inaramidna ti casta iti imatang dagiti lallacay ti Israel.

Numero 20:24

Ni Aaron maitiponto iti ilina: ta isu saanto a sumrec iti daga nga intedco cadagiti annac ti Israel, gapu ta sinupringyo ti saoc idiay dandanum ti Meriba.

Dagiti Salmo 78:16

Pinagpusuacna met dagiti baresbes cadagiti batbato, ket pinagayusna dagiti dandanum a cas carcarayan.