Numero 19:3 - Ti Biblia (1973)

³ Ket itedyonto ken Eleazar a padi, ket isu iruarnanto iti ruar ti pacarso, ket maysa ti pumapatayto iti sangoananna:

Ti Baro a Naimbag a Damag Biblia

³ Maipan met laeng daytoy nga animal ken ni Eleazar a padi tapno maparti iti ruar ti kampo iti imatangna.

Numero 19:3 Iomraidhean Croise

Levitico 16:27

Ket ti lalaki a vaca a daton gapu iti basol, ken ti calding a daton gapu iti basol, a ti darada naidatag a pacaabbongan ti nasantoan a disso, maipandanto iti ruar ti pacarso; ket puurandanto iti apuy dagiti lal-lalatda ken lasagda, ken tackida.

Levitico 24:14

Ipanyo iti ruar ti pacarso dayta nagtabbaaw idi; ket dagiti nacangngeg kencuana ipatayda coma dagiti imimada iti olona, ket amin ti gimong batoenda coma.

Levitico 4:11

Ket ti lalat ti vaca ken amin a lasagna, agraman ti olona ken agraman sacsacana, ken lalaemna, ken tackina,

Levitico 4:12

Uray ti dagup ti bagi ti vaca ipannanto iti ruar ti pacarso agingga iti nadalus a yan, a pacaiccan dagiti dapo, ket puurannanto iti rabaw ti sungrod iti apuy: iti pacaibellengan dagiti dapo isu ti pacapuurannanto.

Levitico 4:21

Ket alaennanto ti vaca iti ruar ti pacarso, ket puurannanto a cas pinangpuurna idi immuna a vaca: isu ti daton gapu iti basol nga maipaay iti gimong.

Numero 15:36

Ket amin a gimong inyegda iti ruar ti pacarso, ket inuburda cadagiti batbato, tapno natay; cas imbilin ni Jehova ken Moises.

Numero 19:9

Ket maysa a tao a nadalus umongennanto dagiti dapo ti urbon a vaca ket idulinnanto iti ruar ti pacarso iti maysa a disso a nadalus; ket maaywananto nga agpaay iti gimong dagiti annac ti Israel a maysa a danum a maipaay iti kinarugit; isu ti maysa a daton gapu iti basol.

Numero 3:4

Ket ni Nadab ken ni Abiu natayda iti saclang ni Jehova idi nangidatonda iti apuy a sabali iti sango ni Jehova idiay let-ang ti Sinai, ket ni Eleazar ken ni Itamar nagannongda iti takem ti padi iti imatang ni Aaron nga amada.

Numero 5:2

Ibilinmo cadagiti annac ti Israel a paruarenda iti a pacarso tunggal agcucutel, ken tunggal agtotot, ken siasinoman a saan a nadalus gapu iti natay: