Numero 16:3 - Ti Biblia (1973)

³ Ket naguummongda a nagtitipon iti maibusor cada Moises ken Aaron, ket kinunada cadacuada, Nalabes ti panagindadackelyo, idinto a ti amin a gimong nasantoanda, tunggal maysa cadacuada, ket ni Jehova siaadda cadacuada: Apayapay ngarud nga ipangpangronayo nga itatan-oc dagiti bagbagiyo iti gimong ni Jehova?

Ti Baro a Naimbag a Damag Biblia

³ Naguummongda iti sango da Moises ken Aaron ket kinunada kadakuada, “Aglablabeskayon! Kukua ti Apo ti amin a kameng ti gimong ket adda ti Apo kadatay amin. Moises, apay nga insaadyo ti bagiyo a nangatngato ngem ti gimong ti Apo?”

Numero 16:3 Iomraidhean Croise

ESDRAS 9:2

Ta nagalada cadagiti annacda a babbai a maipaay cadacuada met laeng ken cadagiti annacda a lallaki, iti casta a ti nasantoan a bin-i nailaoc cadacuada met laeng cadagiti tattao dagiti dagdaga; ti ima dagiti pangoloen ken dagiti agturay isu idi ti nangnangrona itoy a panaglabsing.

Dagiti Salmo 106:16

Nagimonda met ken Moises iti pacarso, ken ni Aaron a santo ni Jehova.

Dagiti Salmo 68:17

Dagiti luglugan ti Dios duapulo ribuda, wen, rinibribu a ribuda: ti Apo adda iti tengngada, cas idiay Sinai, idiay Santuario.

Exodo 19:6

Ket dacayonto caniac ti maysa a pagarian a papadi, ken maysa a nasantoan a nacion. Dagitoy dagiti sao nga ibagamto cadagiti annac ti Israel.

Numero 14:14

Ket ibagadanto cadagiti agnaed ditoy a daga: isuda ammoda a sica a Jehova addaca iti tengnga daytoy a ili; ta sica a Jehova makitadaca iti nalatac, ket ti ulepmo agtindec iti ngatoenda, ket mapanca iti sangoda, iti maysa a monmon nga ulep no aldaw, ken maysa a monmon nga apuy no rabii.

Numero 16:11

Isu ti gapuna a sica ken amin a cadduam nagtitiponcayo a naummong a bumusor ken Jehova: ket ni Aaron, Siasino aya a pagdanengdenganyo iti maibusor kencuana?

Numero 16:41

Ngem idi simmaruno a bigat amin a gimong dagiti annac ti Israel nagtanabutobda iti maicaniwas cada Moises ken Aaron, a kinunada, Pinapatayyo dagiti tattao ni Jehova.

Numero 16:7

Ket iccanyo ida iti apuy, ket iccanyo iti rabawda iti incienso iti sango ni Jehova intono bigat: ket maaramidto a ti lalaki a pilien ni Jehova, isunto ti santo; dacayo nalabes ti panagindadackelyo, dacayo nga annac ni Levi.

Numero 23:21

Isu dina naimatangan ken Jacob ti kinadakes; Di nacakita ti kinasukir iti Israel: Ni Jehova a Diosna siaadda kencuana, Ken ti ickis ti maysa nga ari adda cadacuada.

Numero 35:34

Ket dicanto rugitan ti daga a pagnaedanyo, nga iti tengngana pagtaengac: ta siac a Jehova agnaedac iti tengnga dagiti annac ti Israel.

Numero 5:3

Lalaki man ken babai agpadada a paruarenyo iti ruar ti pacarso ti pangipananyo cadacuada; tapno dida mamulitan ti pacarso, nga iti tengngana pagnaedac.

Dagiti Aramid 7:39

Isu a saan a kinayat a sinurot dagidi ammatayo; no di ket isu tinallicudanda, ket nagsubli dagiti pusoda sadi Egipto.

Dagiti Aramid 7:51

O dacayo a natangken a teltel ken saan a nacugit iti puso ken pagdengngeg; agnanayon a sukirenyo ti Espiritu Santo: no casano dagidi ammayo castacay met.