Numero 15:3 - Ti Biblia (1973)

³ Ket mangaramidcayto iti maysa a daton iti apuy ken Jehova, maysa a daton a mapuuran, wenno maysa a sacrificio, a pagtungpal iti cari, wenno cas maysa a daton ti sibubulos a nakem, wenno cadagiti natudingan a fifiestayo, tapno maaramid ken Jehova ti maysa a nabanglo a sayamusom, pangen dagiti an-animal a dadackel, wenno arban dagiti an-animal a babassit:

Ti Baro a Naimbag a Damag Biblia

³ Mabalin a maidatag iti Apo ti toro a baka, kalakian a karnero, maysa nga urbon ti karnero wenno kalding, a kas daton a mapuoran wenno daton a pagtungpal iti kari wenno daton nga agtaud iti bukod a nakem wenno kas daton kadagiti naituding a nasantoan a fiestayo. Nabanglo dagitoy a daton iti Apo.

Numero 15:3 Iomraidhean Croise

Exodo 29:18

Ket puuramto amin ti carnero iti altar: isu ti daton a mapuuran ken Jehova; isu ti maysa a sayamusom, maysa a daton a maaramid iti apuy ken Jehova.

Genesis 8:21

Ket nasay-up ni Jehova ti nabanglo a sayamusom; ket kinuna ni Jehova iti pusona, Diacto sublienen nga ilunod ti daga a maipuon iti tao, ta ti darepdep ti puso ti tao dakes manipud iti kinaubingna; diacto met sublienen a cabilen amin a nabiag, cas inaramidco.

Numero 28:27

Ngem ipaayyonto ti maysa a daton a mapuuran, a nabanglo a sayamusom ken Jehova; dua a bumbumaro a vaca, maysa a carnero a lalaki, pito a cordero a lallaki a maysa ti tawendan;

Taga-Filipos 4:18

Ngem adda amin caniac ken aduanac: mapnecac, iti calpasan ti panangawatco ken Epafrodito cadagiti impawityo, nasam-it nga ayamuum, daton a napateg, a pagay-ayatan unay ti Dios.

Levitico 27:2

Ibagam cadagiti annac ti Israel, ket cunam cadacuada, No ti maysa a tao agcarinto ken Jehova, dagiti tattao maipategdanto ken Jehova a mayannurot iti pananggatadmo.

Taga-Efeso 5:2

Ket magnacayo babaen ti ayat, a cas met ni Cristo inayatnacayo ket intedna ti bagina gapu cadatayo cas sagut ken daton, a nasayamosom ti banglona iti Dios.

San Mateo 3:17

Ket adtoy ti maysa a timec a nanipud cadagiti langlangit a cuncunana: Daytoy ti Anacco a dungdungngoec, Isu a pacapnecac unay kencuana.

Deuteronomio 12:17

Sica dicanto mabalin a canen iti uneg dagiti ruanganmo ti apagcapullo ti bagasmo, wenno ti baro nga aracmo, wenno ti lanam, wenno ti inauna nga annac dagiti arbanmo ken pangenmo, uray ania cadagiti carcarim nga incarim, wenno dagiti datdaton ti sibubulos a nakemmo, wenno ti daton a mailili dagiti imam;

Deuteronomio 12:11

Maaramidto ngarud, nga iti disso a piliento ni Jehova a Diosyo, a panginaedanna ti naganna, sadiay ti pangyeganyonto ti amin nga ibilinco cadacayo: dagiti mapuuran a datdatonyo, ken dagiti sacrificioyo, dagiti apagcapulloyo, ken ti daton a mailili dagiti imayo, ken amin a napili a carcariyo nga icariyo ken Jehova.

Deuteronomio 12:6

Ket idiay ti pangyeganyonto cadagiti datdatonyo a mapuuran ken cadagiti sacrificioyo, ken dagiti apagcapulloyo, ken ti daton a mailili dagiti imayo, ken dagiti carcariyo, ken dagiti datdaton ti sibubulos a nakemyo, ken dagiti inauna nga annac a lallaki dagiti pangenyo ken arbanyo.

Numero 29:8

Ngem mangipaaycayto iti maysa a daton a mapuuran ken Jehova, a maipaay a nabanglo a sayamusom; maysa a bumaro a vaca, maysa a carnero a lalaki, pito a cordero a lallaki nga apagtawenda, isuda awanto cadacayo ti pacapilawanda;

Levitico 10:13

Ket canenyonto iti maysa a disso a nasantoan, gapu ta isu ti pannacabagim, ken pannacabagi dagiti annacmo a lallaki, cadagiti datdaton a naaramid iti apuy ken Jehova: ta casta ti naibilin caniac.

Levitico 7:16

Ngem no ti sacrificio ti datonna maysa a cari, wenno ti maysa a daton ti sibubulos a nakem, macanto iti aldaw a panangipaayna iti datonna; ket ti cabigatanna canennanto ti tiddana: isu ti pannacacaanto ti matda:

Exodo 29:41

Ket ti sabali a cordero idatonmonto iti rumabii, ket aramidemto iti daytoy a cas ti daton nga bel-laay ti bigat, ken cas ti daydiay daton nga inumen, a sayamusom, a daton a maaramid iti apuy ken Jehova.

Exodo 29:25

Calpasanna alaemto ida cadagiti im-imada, ket puuram ida iti rabaw ti altar iti ngatoen ti daton a mapuuran, a maysa a sayamusom iti sango ni Jehova: isu ti maysa a daton a maaramid iti apuy ken Jehova.

2 Taga-Corinto 2:15

Ta iti Dios dacami ti maysa a macaay-ayo a banglo ni Cristo, cadagiti maisalacan ken cadagiti mapucaw.

2 Taga-Corinto 2:16

Cadagiti dadduma, dacami ti angot ni patay a maipaay iti patay; ket cadagiti sabsabali, dacami ti banglo ti biag a maipaay iti biag: Ket cadagitoy a banbanag siasino ti macaanay?

Dagiti Salmo 54:6

Iti sibubulos a nakem a panangisagut agidatonacto iti sacrificio kenca: agyamanacto iti naganmo, O Jehova, ta naimbag.

Numero 6:15

Ken maysa a labba ti di-nalevaduraan a tinapay, bibbibingca a bellaay a namayecmec a nagamayan iti lana, ken cancancanen a di-nalevaduraan a nasapsapoan iti lana, ken ti datdaton a macan, ken dagiti datonna a mainum.

ESDRAS 7:17

Ngarud igatangmonto babaen iti amin a regta daytoy a cuarta cadagiti vacvaca a lallaki, carcarnero, corcordero, agraman datdatonda a macan, ken datdatonda a mainum, ket idatagmonto ida iti rabaw ti altar ti balay ti Diosmo nga adda idiay Jerusalem.