Numero 12:1 - Ti Biblia (1973)

¹ Ket da Miriam ken Aaron nagsaoda iti maicaniwas ken Moises, maipuon iti babai a taga Ethiope nga inasawana idi cua: gapu ta inasawana ti maysa a babai a taga Ethiope.

Ti Baro a Naimbag a Damag Biblia

¹ Gapu ta nangasawa ni Moises iti maysa a Cusita, binabalaw da Miriam ken Aaron.

Numero 12:1 Iomraidhean Croise

Genesis 24:3

Ket pagsapataencanto gapu ken Jehova, a Dios ti langit ken ti Dios ti daga, a dicanto pangasawen iti anacco cadagiti annac a babbai ti Canaan isuda a pakipagtaengac:

Genesis 24:37

Ket ni apoc pinagsapatanac a kinunana, Dicanto mangala iti babai nga asawaen ti anacco cadagiti annac a babbai dagiti taga Canaan, nga iti dagada pagnaedac:

Genesis 27:46

Ket ni Rebeca kinunana ken Isaac, Maumaac iti biagco maipuon cadagiti annac a babbai ni Heth: no ni Jacob mangasawa iti maysa cadagiti annac a babbai ni Heth, cas cadagitoy annac a babai a taga ditoy a daga, ania ti pagayatac pay laeng nga agbiag?

Genesis 41:45

Ket ni Faraon ninagananna ni Jose a Zaphnath-paaneath; ket intedna kencuana nga asawana ni Asenath nga anac a babai ni Potiphera a padi sadi On. Ket ni Jose sinursurna ti daga nga Egipto.

Exodo 2:16

Ti padi sadi Madian adda pito nga annacna a babai: ket isuda immayda agsacdu, ket pinunnoda dagiti colcolloong a pamainumanda iti pangen ni amada.

Exodo 2:21

Ket ni Moises immannugot a nakipagnaed iti lalaki, ket isu intedna ken Moises ti anacna a babai a Sefora.

Exodo 34:16

Ket mangalaca cadagiti annacda a babbai nga ipaay cadagiti lallaki nga annacmo, ket dagiti annacda a babbai makiabigda babaen cadagiti didiosenda, ket pakiabigenda dagiti annacmo a lallaki babaen cadagiti didiosenda.

Levitico 21:14

Balo a babai, wenno nakisina, wenno maysa a natulawan, maysa a balangcantis, dinto mangasasawa cadagitoy; ngem ti maysa a virgen iti ilina met laeng asawaennanto.

Numero 14:22

Gapu ta amin dagidiay a tattao a nacakita iti dayagco, ken dagiti pagilasinac a gapuanac sadi Egipto ken iti let-ang, nupay casta sinuutdac cadagitoy naminsangapulo daras, ket dida impangag ti timecco.

Numero 16:2

Ket timmacderda iti sango ni Moises, a cacanunongda dagiti dadduma nga annac ti Israel, a duagasut ket limapulo a pangpangolo ti gimong, a naayaban iti gimong, lallaki a nadayaw;

Numero 26:59

Ket ti nagan ti asawa ni Amram, ni Jocabed, nga anac a babai ni Levi, a nayanac ken Levi idiay Egipto: ket isu inyanacna ken Amram da Aaron, ken Moises, ken Miriam a cabsatda a babai.

San Mateo 10:36

Ket dagiti cabusor ti tao isudanto dagiti cabbalayna met laeng.

San Mateo 12:48

Ngem isu simmungbat idi nagsao kencuana, ket kinunana: Asino ti inac ken siasinoda dagiti cacabsatco?

San Juan 15:20

Laglagipenyo ti sao nga imbagac cadacayo: Saan a dacdackel ti adipen ngem ti apona. No inrurumendac, irurumendacayto met: no sinalimetmetanda ti saoc, salimetmetandanto met ti saoyo,

San Juan 7:5

Ta uray dagiti cacabsatna saanda a mamati idi kencuana.

Taga-Galacia 4:16

Nagbalinac aya a cabusaryo, gapu iti panangibagac cadacayo ti pudno?