Numero 10:9 - Ti Biblia (1973)

⁹ Ket no incayo makigubat iti dagayo a maisupring iti cabusor a mamarigat cadacayo, no casta pagunienyonto iti naariwawa dagiti tangguyob; ket maipalagipcayto iti sango ni Jehova a Diosyo, ket maispalcayto cadagiti cabusoryo.

Ti Baro a Naimbag a Damag Biblia

⁹ No adda dagiti mangraut kadakayo iti dagayo, puyotenyo ti pagilasinan ti kaadda ti gubat kadagitoy a trumpeta. Siak, ni Yahweh a Diosyo, ti tumulong ken mangispal kadakayo kadagiti kabusoryo.

Numero 10:9 Iomraidhean Croise

Genesis 8:1

Ket ti Dios inimatanganna ni Noe, ken amin nga an-animal a narungsot, ken amin nga animal a naamo, nga adda kencuana idi daong: ket pinalabas ti Dios ti maysa nga angin iti rabaw ti daga, ket nagsardeng dagiti dandanum;

2 Cronicas 13:12

Ket, adtoy, ti Dios adda cadacami iti pangolomi, ken dagiti papadina a siiiggem cadagiti tortororot a pangpatignay a pagunien iti nacadadanag a maibusor cadacayo. O annac ti Israel, dicayo gubaten ni Jehova, a Dios dagiti ammayo; ta dicayto mangabac.

2 Cronicas 13:14

Ket idi a ti Juda timmallaw, adtoy, ti gubat adda iti sangoda ken iti licudanda; ket immawagda ken Jehova, ken dagiti papadi nagpagunida cadagiti tortororot.

Dagiti Salmo 106:4

Laglagipennac, O Jehova, nga iraman iti parabur nga ipaaymo iti ilim; O sucnalannac ita panangisalacanmo,

Dagiti Salmo 106:42

Dagiti cabusorda pinarparigatda met ida, ket nagyanda a naparucma iti babaen ti imada.

Dagiti Salmo 136:23

Daydiay nanglagip cadatayo iti daydi casasaadtayo a nababa; ta ti kinamanagayatna agnanayon:

Isaias 18:3

Dacayo amin nga agtaeng iti lubong, ken dacayo nga agnaed iti daga, intono maitayag ti maysa a wagayway iti rabaw dagiti banbantay, kitaenyo; ken intono mapaguni ti tangguyob, denggenyo.

Isaias 58:1

Umkisca iti natbag, dica medmedan agtimecca iti natbag a cas maysa a tangguyob, ket ipalawagmo iti ilic ti ilalabsingna, ken iti balay ni Jacob dagiti basbasolna.

Jeremias 4:19

Anian ti tuocco? Anian ti tuocco! agsakit ti caungan itoy pusoc; ti pusoc saan nga agtalna; diac macaulimec; agsipud ta nangngegmo, O cararuac, ti uni ti tangguyob, ti buac ti gubat.

Jeremias 4:21

Casano ti cabayag ti pannacakitac ti wagayway ken panangdengngeg ti uni ti tangguyob?

Jeremias 4:5

Ipacdaaryo idiay Juda, ken iwarragawagyo idiay Jerusalem; ket cunaenyo, Puyotenyo ti tangguyob iti daga: ipuccawyo, ket cunayo, Aguornongcayo, ket intayon cadagiti nasarikedkedan nga il-ili.

Jeremias 49:2

Gapuna adtoy, dagiti al-aldaw dumtengda, cuna ni Jehova, nga ipangngegconto ti panagbuac ti gubat a maibusor iti Rabba cadagiti annac ti Ammon; ket agbalinto a nalangalang a gabsuon, ket dagiti annacna a babbai mapuurandanto iti apuy: iti casta ti Israel tagicucuaennanto dagidiay nangtagicua kencuana, cuna ni Jehova.

Jeremias 6:1

Agtalawcayo tapno mailisicayo, dacayo annac ni Benjamin, a rumuar iti tengnga ti Jerusalem, ket puyotenyo ti tangguyob idiay Tecoa, ket mangipasdeccay iti maysa a pagilasinan idiay Bet-hacerem; ta ti kinadakes cumita manipud iti amianan, ken dackel a pannacarbec.

Jeremias 6:17

Ket nangicabilac cadagiti agbanbantay cadacayo, a kinunac, Ipangagyo ti uni ti tangguyob; ngem isuda kinunada, Dicamto ipangag.

Ezekiel 7:14

Pinuyotda ti tangguyob, ket isu-amin sinaganada; ngem awan ti siasinoman a mapan iti bacal; ta ti pungtotco adda cadagiti amin a kinaaduda.

Oseas 5:8

Pagtimkenyo ti turorot idiay Gabaa, ken ti tangguyob idiay Rama: pagunienyo ti panagbuac idiay Beth-aven; iti licudam, O Benjamin.

Levitico 23:24

Ibagam cadagiti annac ti Israel, a cunam, ti maicapito a bulan, iti umuna nga aldaw ti bulan isu ti nadaeg nga inana cadacayo, maysa a panglagip a buyugen ti aweng dagiti tangtangguyob, maysa a nasantoan a gimong.

Amos 3:6

Mapuyotto aya ti tangguyob iti ili ket dinto agbuteng ti ili? Addanto aya pacarigatan iti ili a di inaramid ni Jehova?

Sofonias 1:16

Aldaw ti tangguyob ken panagbuac, a maibusor cadagiti il-ili a nasarikedkedan, ken maibusor cadagiti torre iti pagsulian.

Numero 31:6

Ket ni Moises imbaonna ida a makigubat, ti sangaribu iti tunggal caputotan, isuda ken ni Finees nga anac a lalaki ni Eleazar a padi, ti mapan iti gubat, nga incuyogda dagiti vasvaso ti santuario, ken dagiti tangguyob cadagiti im-imada nga agservi a pamagariwawa.

1 Taga-Corinto 14:8

Ta no ti trompeta mangtedto ti maysa nga uni a pagduaduaan, siasinonto ti agsagana a makigubat?

Deuteronomio 20:1

No inca makigubat cadagiti cabusormo, ket makitam dagiti cabcabayo ken luglugan, ken maysa nga ili nga ad-adu ngem sica, dicanto agbuteng cadacuada; ta ni Jehova a Diosmo siaadda kenca, isu a nangaon kenca iti daga nga Egipto.

Josue 6:5

Ket isunto, nga, intono pagtimkenda a napaut ti tangguyob a sara ti carnero a lalaki, ken intono mangegyo ti timec ti tangguyob, isu-amin a tattao agriawdanto iti natbag nga ariwawa; ket ti bacud ti ili margaayto a mairipap, ket dagiti tattao sumang-atdanto tunggal maysa a sililinteg iti sangoananna.

Uk-ukom 10:12

Dagiti Sidonio met, ken dagiti Amalecitas, ken dagiti Maonitas pinarigatdacayo, ket dacayo immasugcayo caniac, ket insalacancayo idi iti imada?

Uk-ukom 10:8

Ket isuda kiniburda ken pinarigatda dagiti annac ti Israel cadagidi a tawen: iti sangapulo ket walo a tawen pinarigatda amin dagiti annac ti Israel nga addada idi iti baliw ti Jordan idiay daga ti Amorreo, nga isu ti adda idiay Galaad.

Uk-ukom 2:18

Ket idinto a ni Jehova naibangonanna ida cadagiti oc-ocom, nanipud idin ni Jehova adda idi iti ocom, ket insalacanna ida iti ima dagiti cabusorda iti amin nga al-aldaw daydiay nga ocom ta ni Jehova nagbabawi a gapu iti asasugda maipanggep cadagidiay a mangparigat cadacuada ken mangtutuoc cadacuada.

Uk-ukom 3:27

Ket naaramid, nga idi nacasangpet pinagunina ti tangguyobna idiay caturodan ti Efraim; ket dagiti annac ti Israel nakipagsalogda kencuana manipud iti caturodan, ket isu adda idi iti unada.

Uk-ukom 6:34

Ket ti Espiritu ni Jehova immay ken Gedeon; ket pinagunina ti tangguyob; ket ti Abiezer nakiummong kencuana.

Uk-ukom 6:9

Siac insalacancayo iti ima dagiti taga Egipto, ken iti ima dagiti amin a namarigat cadacayo, ket pinagtalaoco idi ida iti sangoyo, ket intedco cadacayo ti dagada;

1 Samuel 10:18

Ket isu kinunana cadagiti annac ti Israel, Castoy ti saoen ni Jehova, a Dios iti Israel, Siac inaonco ti Israel sadi Egipto, ket insalacancayo iti ima dagiti Egipcios, ken iti ima dagiti amin a pagpagarian a namarigat cadacayo: